Össur leiðrétti ESB-rangfærslur

Evrópuþingið virðist telja að Ísland hafi fallið frá fullveldi sínu á landhelginni. Þingið í Brussel birti tilkynningu um að Ísland sætti sig við aðkomu að stjórn fiskveiða í landhelginni. Orðrétt segir

Iceland, whose economy is heavily dependent on fisheries, has already stated in its general position on accession that it wishes to maintain some control of fisheries management in its exclusive economic zone.

Jón Bjarnason sjávarútvegsráðherra hefur farið fram á það við utanríkisráðuneytið að þessi misskilningur sé leiðréttur. Utanríkisráðuneytið hefur ekki svarað sjávarútvegsráherra.

Enn hvorki svör né leiðrétting

Aðildarsinni: ESB-málið er gjörtapað

Jón Sigurðsson fyrrverandi formaður Framsóknarflokksins skrifar grein í Fréttablaðið í dag í kjölfar Icesave-atkvæðagreiðslunnar. Jón er aðildarsinni og hefur verið talsmaður þess að Ísland gangi í Evrópusambandið. Í greininni segir Jón

Umsókn um aðild að ESB er gjörtapað mál. Trúlega er farsælast að stöðva ferlið með vinsamlegum hætti þegar á næstu vikum.

Forsætisráðherra, Jóhanna Sigurðardóttir ætlar að nota gjörtapaða málið til að sameina þjóðina. Jón hefur þetta að segja um ríkisstjórnina.

Þreyta og vonbrigði forystumanna ríkisstjórnarinnar eru beinlínis átakanleg. Stjórnin er bæði helsærð og helsjúk. Hún getur ekki skilað starfi en hefur ekki burði til að hrökklast frá heldur 

Jóhanna hótar þjóðinni með ESB-umsókn

Í Fréttablaðinu í dag hótar forsætisráðherra Íslands þjóðinni að halda ESB-umsókninni til streitu. Um helgina breytti Framsóknarflokkurinn um stefnu í Evrópumálum og samþykkti að ályktun þar sem segir að hagsmunum lands og þjóðar sé betur borgið utan Evrópusambandsins.

Þar með hafa þrír stjórnmálaflokkar af fjórum sagt nei við aðild að Evrópusambandinu. Í flokksamþykktum Sjálfstæðisflokks, Vinstri grænna og Framsóknarflokks segir skýrt og afgerandi að Ísland eigi að standa utan Evrópusambandsins. Aðeins Samfylkingin vill inngöngu í sambandið.

Jóhanna Sig. hótar þjóðinni að halda gjörtöpuðu ESB-inngönguferli áfram undir þeim formerkjum að þannig ætli hún að sameina þjóðina. Forsætisráðherra segir í Fréttablaðinu í dag að

hér innanlands stöndum við í þessum stóru verkefnum sem við vorum kosin til eins og breytingum á fiskveiðistjórnunarkerfinu og ESB-ferlinu. Það er mjög mikilvægt að reyna að sameina þjóðina og fylkja henni að baki því sem þarf að gera til að endurreisa Ísland.

Með orðum sínum elur Jóhanna Sigurðardóttir forsætisráðherra á sundrungu í samfélaginu.

 

Aðgöngumiðinn í ESB: þjóðin sagði nei takk

Icesave-samningurinn átti að heita aðgöngumiðinn í Evrópusambandið. Þjóðinni bauðst að kaupa þennan miða en hafnaði því afgerandi í þjóðaratkvæðagreiðslu. Einstaklingar og hópar sem berjast fyrir aðild Íslands að Evrópusambandinu, með Samfylkinguna í broddi fylkingar, stóðu fyrir já-i og höfðu úr nægum peningum að moða til að kaupa áróður.

Samtök atvinnurekenda og verkalýðsrekendur vildu já. ESB-hagfræðingarnir úr háskólasamfélaginu vildu já.

Þjóðin sagði nei við Icesave-miðanum inn í Evrópusambandið.

Umsóknina um aðild á að draga tilbaka þegar í stað.

Afgerandi nei við Icesave

Þrír stjórnmálaflokkar á móti aðild, Samfylkingin einangruð

Framsóknarflokkurinn breytti um stefnu til Evrópusambandsins á flokksþingi í dag og hafnar aðild. Í fyrra samþykkti Sjálfstæðisflokkurinn að draga ætti umsókn Íslands um aðild tilbaka. Í stefnuskrá Vinstrihreyfingarinnar græns framboðs segir að hagsmunum Íslands sé betur borgið utan Evrópusambandsins.

Samfylkingin er eini stjórnmálflokkurinn sem vill aðild Íslands að Evrópusambandinu. Samt sem áður er Ísland í aðlögunarferli að sambandinu þar sem ráðgert er að laga íslensk lög og stjórnsýslu að lagaverki Evrópusambandsins.

Samfylkingin fékk minna en 30 prósent fylgi í síðustu kosningum og mælist með um 20-24 prósent fylgi. Ríkisstjórnarhluti Samfylkingarinnar er umboðslaus í Evrópumálum og er hvorki pólitískt né siðferðilega stætt á því að halda aðlögunarferlinu áfram.

Báðar breytingartillögurnar felldar

Guðbergur Egill formaður í Eyjafirði

Aðalfundur Heimssýnar í Eyjafirði var haldinn í Sontahúsinu á Akureyri í gær, 5. apríl. Var fundurinn vel sóttur og umræður líflegar. Nýir félagar mættu til leiks enda umræðan undanfarin misseri kveikt í mönnum.

Ásmundur Einar Daðason formaður Heimssýnar ávarpaði fundinn og tók þátt í umræðum.

Ný stjórn var kjörin, en hana skipa Guðbergur Egill Eyjólfsson, formaður, Ólafur Þ. Jónsson, Guðmundur Beck, Baldvin Sigurðsson og Þorkell Ásgeir Jóhannsson.

Ísland dregið fyrir EFTA-dómstól vegna réttinda launþega

Íslensk lög um réttindi launþega vegna veikinda og slysa ganga of langt að með eftirlitsstofnunar ESA  sem hefur kært íslenska ríkið. Um mánaðarmótin síðustu fór málið fyrir dómstól EFTA í Lúxembúrg og búist er við dómi í sumar.´

Samkvæmt íslenskum lögum eiga launþegar rétt á tveggja daga veikindafrí fyrir hvern mánuð í starfi. Þá eru í gildi lög hér sem kveða á um  tryggingar launþega við örorku og dauðsfall.

Íslensk yfirvöld hafa lagt áherslu á að erlendir launþegar sem starfa hér á landi njóti sömu réttinda og íslenskir launþegar.

ESA hefur stefnt íslenska ríkinu fyrir dómstól þar sem eftirlitsstofnunin lítur svo á að lög og reglur Evrópusambandsins leyfi ekki þau réttindi launþega sem íslensk lög kveða á um.

Hér er umfjöllun norska alþýðusambandsins um málið.

Icesave, siðferði og sjálfsvirðing

Það er ekki sannfærandi málflutningur að samþykkja beri Icesave-samninginn til að komast hjá áhættu. Samningurinn er ekki um hina eða þessa tiltekna upphæð sem menn hafa reiknað út miðað við ákveðnar aðstæður í efnahagsumhverfinu næstu ár (hvenær gerðist það annars síðast að hagspá rættist?). Samningurinn er skaðleysissamningur þar sem Íslendingar taka það á sig að tryggja breskum og hollenskum stjórnvöldum fullar endurheimtur þess fjár sem þau lögðu út fyrir Icesave-innistæðunum. Samningurinn snýst beinlínis um áhættu. Hvað ef kínverska bólan springur á endurgreiðslutímanum eða Grikkland, Írland eða Portúgal fara í greiðsluþrot? Meira þarf ekki til. Þá eru öll spil gefin upp á nýtt.

Ekki sé ég vitið í því að taka tæplega 700 milljarða áhættu í þeirri von að fá hugsanlega möguleika á lánafyrirgreiðslu sem hugsanlega leiðir til fjárfestinga sem hugsanlega kunna að vera nægilega þjóðhagslega arðbærar til að standa undir kostnaðinum af samkomulaginu, hver sem hann kann að verða.

Vissulega fylgir því líka áhætta að hafna en sá valkostur hefur þó þann kost að við höldum frekar sjálfsvirðingunni sem þjóð og eigum möguleika á að verja okkur fyrir dómi.

Kreppan er ekki fyrst og fremst fjárhagleg heldur siðferðileg. Búsifjarnar sem við höfum orðið fyrir eru ekki þyngri en svo að við erum enn meðal 20 efstu þjóða á lífskjaralista SÞ og á sama róli og Danir og Þjóðverjar hvað varðar þjóðarframleiðslu á mann. Það er ekki kjaraskerðingin sem við höfum orðið fyrir sem er óbærileg heldur er það óásættanlegt að því sem við höfum tapað höfum við tapað í fjárhættuspili sem við vissum ekki að við værum þáttakendur í og þar sem sumir höfðu stórkostlega rangt við.

Á Íslandi þarf bætt siðferði. Góðu siðferði fylgir traust og traustið er undirstaða þess að menn þori að framkvæma. Vandinn er ekki ímyndarvandi frekar en vandi bankanna 2008 og viðfangsefnið er ekki að þoka lánshæfismati ríkisins upp um einn flokk með þokkalega útlítandi samningi heldur að leggja siðferðisgrunn en siðferðisgrunnur hvílir á meginreglum og sjálfsvirðingu.

Það er ekki leið til endurreisnar að éta ælu fyrir peninga.

(Fengið af bloggi Hans Haraldssonar).

Íslandi boðið aðlögunarfé

Strax í fyrstu málsgrein nefndarálits Evrópuþingsins um þróun viðræðna við Ísland er tekið fram að til boða stendur fjármagn til að innleiða lög og reglur ESB samhliða viðræðu. Eins og þar segir ,,adding Iceland to the list of countries eligible for EU pre-accession aid to help applicant countries come into line with the body of European law."

Evrópusambandið lítur á Ísland sem stökkpall á norðurslóðir. Í texta nefndarinnar segir

Considers that Iceland's accession to the EU would enhance the Union's prospects of playing a more active and constructive role in Northern Europe and in the Arctic, contributing to multilateral governance and sustainable policy solutions in the region; regards positively Iceland's participation in the Nordic Council as well as in the EU's Northern Dimension Policy, the Barents Euro-Arctic Council and the Arctic Council, which is the main multilateral forum for cooperation in the Arctic; believes that Iceland's accession to the EU would further anchor the European presence in the Arctic Council.

Til að Ísland komist sem fyrst inn í Evrópusambandið leggur þingnefndin til að sambandið og íslensk stjórnvöld setji fjármuni til að ,,kynna" kosti Evrópusambandsins fyrir Íslendingum.

Höfðingjaþjónkun Icesave-sinna

Þeir sem vilja að Íslendingar samþykki Icesave-samninginn í þjóðaratkvæði eftir viku eru nánast hættir umræðunni og reiða sig þess meir á auglýsingar til að telja almenningi trú um að hyggilegast sé að segja já 9. apríl. Líklega er það rétt mat hjá já-sinnum að umræðan var töpuð eftir ælu-rök Tryggva Þórs Herbertssonar.

Skilaboð auglýsinganna eru af tvennum toga. Hræðsluáróður, samanber hákarlaauglýsinguna, annars vegar og hins vegar höfðingjaþjónkun þar sem almenningi er sagt að þessi eða hinn merkismaðurinn segi já hljóti það að vera til fyrirmyndar.

Hængurinn er sá að fyrirsæturnar í höfðingjaauglýsingunum koma einkum úr þeim tveim starfsstéttum sem eru í hvað minnstum metum - stjórnmálamenn og fyrirtækjafólk.

Hræðsla og höfðingjaþjónkun eru ekki góðar ástæður til að segja já. 

Þjóðin segir nei 9. apríl.

(Tekið héðan.)