Grikkir kíktu í pakkann - og var slátrað

Gríski harmleikurinn hófst á því að þeir "kíktu í pakkann", létu glepjast og gengu í hamarinn. Grikkir hafa það sér til málsbóta að eftir valdatíð herforingja-stjórnarinnar leituðu þeir að betra stjórnarfari. Vildu verða "þjóð meðal þjóða" eins og það er kallað.

Þeir gengu í gamla EBE löngu fyrir tíma Maastricht og evrunnar. Nú er búið að breyta því í ESB og skipta drökmunni út fyrir evru. Þar með hvarf peningastjórnin til Frankfurt, sem er drjúgur hluti vandans, en restin er heimatilbúin.

[...]

Nú er búið að slátra Grikkjum, bæði pólitískt og efnahagslega. Portúgal og Írland eru "í ferli". Þetta er skilvirk slátrunaraðferð, sem því miður verður hugsanlega notuð á fleiri. Er Ítalía of stór til að falla eða verður hún næst? Og Spánn er kominn í biðröðina líka. Fórnarlömb evrunnar hrannast upp.

Af bloggi Haraldar Hanssonar.

Össur og Jóhanna opna landhelgina fiskveiðiflota ESB

Fiskveiðifloti Evrópusambandsins er 30-40 prósent af stór miðað við afraksturinn af fiskimiðum sambandsins. Um 75 prósent af fiskistofnum Evrópusambandsins eru ofveiddir. Fiskveiðifloti Evrópusambandsins telur um 80 þúsund skip.

Össur Skarphéðinsson utanríkisráðherra og Jóhanna Sigurðardóttir forsætisráðherra hafa undanfarið átt samtöl við ráðamenn í Evrópusambandinu um aðgengi fiskveiðiflota sambandsins að  Íslandsmiðum. Efnisatriðum þessara viðræðna er haldið leyndum fyrir alþingi og íslenskum almenningi.

Grunnreglur Evrópusambandsins, sem festar eru í Lissabonsáttmálanum, mæla skýrt fyrir að fiskveiðilandhelgi aðildarríkja fellur alfarið undir forræði Evrópusambandsins.

Jóhanna Sig. rifji upp lagagrein um landráð

 

Jóhanna Sigurðardóttir forsætisráðherra hitti Merkel kanslara Þýskalands til að ræða umsókn Íslands um aðild að Evópusambandinu. Samkvæmt frásögn RÚV 

 

 

Eitt helsta markmiða fundarins var að kynna samningsmarkmið Íslendinga í aðildarviðræðum við Evrópusambandið. Jóhanna segist hafa farið sérstaklega yfir sjávarútvegs- og landbúnaðarmálin á fundi með kanslaranum, til að sýna henni fram á sérstöðu Íslendinga. Þetta telur Jóhanna mikilvægt vegna sterkrar stöðu Þýskalands innan Evrópusambandsins.

 

 

Forsætisráðherra sem kynnir erlendum valdamanni samningsmarkmið Íslands, án þess að þau samningsmarkmið hafi verið kynnt og rædd á Íslandi ætti að rifja upp 86. grein hegingarlaganna

 

 

86. gr.

Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.

 

 

Jóhanna Sigurðardóttir er ekki hafin yfir lögin.

Hér að neðan er hlekkur á frétt RÚV

http://www.ruv.is/frett/raeddu-um-serstodu-islands 

 

Spyr hvort Merkel viti meira en Íslendingar

ESB leggst á börnin

Framkvæmdastjórn Evrópusambandsins notar árlega um 380 milljarða króna í auglýsingar/áróður. Drjúgum hluta þess fjár er varið í verkefni þar sem höfðað er til barna. Hugsunin er sú sama og hjá McDonalds; þau sem venjast því sem börn að fá smá "gjafir" frá ESB eru líklegri til að verða sáttir og þægir þegnar í framtíðinni. 

Hér eru fáein dæmi og sum nokkuð skuggaleg. Undirstrikuðu orðin eru tenglar, fyrir þá lesendur sem vilja skoða sýnishorn.

• Stórar fjárhæðir settar í myndabækur og netleiki, sem eiga að auka "evrópska samkennd og virðingu fyrir Sambandinu".
• Leikskólabörn fá ESB litabækur þar sem skilaboð eins og "Evrópa - landið mitt" eru sett í myndirnar.
• Ef Sambandið niðurgeiðir drykki fyrir skólabörn ber skólum að hafa merki þess á áberandi stað í mötuneyti eða fatahengi.
• Í net-bókaverslun Sambandsins er barnahorn með ESB sögum fyrir börn.
• Vefsíðan Europa Go er hönnuð fyrir markhópinn 10-14 ára og á að efla Evrópuvitund barnanna.
• Í samvinnu við Barnbury er framleitt sérstakt ESB súkkulaði.
• Grunnskólum er uppálagt að helga Evrópudaginn, 9. maí, ágæti sambandsins og uppfræða börnin um hvað ESB gerir fyrir þau.
• Vefsíðan Euro Kid's corner er til að fræða börnin um evruna.
• Ætlast er til að skólar hafi Evrópuviku, þar sem þemað er ágæti sambandsins. Í löndum með eigin mynt á að hafa skólasjoppu þar sem eingöngu má greiða með evrum.

(Tekið héðan)

Össur ómarktækur í Brussel

Evrópusambandið leggur ekki trúnað á orð Össurar Skarphéðinssonar um að hann hafi ríkisstjórnina, alþing og þjóðina á bakvið umsóknina um aðild Íslands. Embættismenn í Brussel segja blaðmönnum að líkur á því að Ísland vilji ganga inn í Evrópusambandið fari minnkandi.

Blaðamaður Dow Jones, sem tók viðtal við Már Guðmundsson, seðlabankastjóra hefur eftir ónafngreindum heimildum í Evrópusambandinu að eftir því sem lengra líður frá hruni verður ólíklegra að Ísland vilji inn í sambandið.

EU diplomats have warned in recent months that Iceland was wavering on its commitment to join the Union as its economy starts growing again--by 2.2% this year, according to the International Monetary Fund--for the first time since the crisis.

Evrópusambandið stundar umfangsmikla upplýsingaöflun hér á landi. Sendiráð ESB sendir reglulega skýrslur til Brussel sem byggðar eru á skoðanakönnunum meðal almennings og viðtölum við þátttakendur í umræðunni hér heima. Þá eru sum sendiráð, s.s. Frakklands, með sérstaka fulltrúa til að fylgjast með umræðunni á Íslandi.

Þegar utanríkisráherra Íslands mætir til Brussel og gerir sig breiðan kinka menn kolli, brosa og trúa engu sem Össur Skarphéðinsson segir. Alveg eins og á Íslandi.

Már Guðmunds hafnar evrunni

Seðlabankastjóri Íslands, Már Guðmundsson, svo gott sem hafnar því að Ísland taki upp evru í fyrirsjáanlegri framtíð. Í viðtali við Dow Jones endurvarpar Már vaxandi samhljómi hagspekinga að gríska evrukreppan hafi afhjúpað grundvallarmistök í hönnun Evrulands.

Blaðamaður Morgunblaðsins þýðir afstöðu Más ónákvæmt. Hér upprunatextinn

The sovereign-debt crisis roiling the monetary union could make the 320,000-people nation even more cautious about adopting the euro, outweighing advantages stemming from a less-volatile currency environment.

"Being a member of the euro-area would result in a more stable economy," Mr. Gudmundsson said. But, on the other hand, "There are design failures in both the EU and the euro zone, and they were revealed by the crisis," he said.

Eru nokkrar líkur á að Ísland gangi inn í Evruland sem er rangt hannað í grundvallaratriðum? Ekki sjens, Jens.

Ísland snýr aftur

Háskóli Íslands í ESB-áróðri

Evrópuvefurinn svokallaði er fjármagnaður af alþingi og rekinn af Háskóla Íslands til að veita hlutlæga fræðslu um Evrópusambandið. Evrópuvefurinn ber á borð bein ósannindi sem eru til þess fallin að fegra málstað aðildarsinna.

Evrópuvefurinn segir þetta um breytingar á valdahlutföllum einstakra ríkja í Evrópusambandinu eftir gildistöku Lissabon-sáttmálans.

Af þessu má sjá að breytingar á hlutföllum milli smáríkja og stærri ríkja með Lissabon-samningnum eru óverulegar.

Til að fá fólk til að trúa vitleysunni er birt tafla sem sýnir litlar breytingar á þingmannafjölda. Gefið er til kynna að áhrif smáríkja s.s. Möltu breytist lítið sem ekkert, er og verður 0,8 prósent.

Frá og með árinu 2014 mun Lissabonsáttmálinn breyta verulega valdahlutföllum í Evrópusambandinu með því að atkvæðavægi aðildarþjóða í leiðtogaráðinu fer framvegis eftir íbúafjölda.

Svo dæmi sé tekið er Þýskaland í dag með rúm 8 prósent atkvæðavægi en verður með 16 prósent. Malta er í dag með 0,9 prósent en vægi Möltu fellur tífalt árið 2014 og verður 0,08 prósent.

Tafla sem sýnir breytinguna er hér.

Evrópuvefur Háskóla Íslands stendur ekki undir nafni sem hlutlæg upplýsingamiðlun.

(Tekið héðan.)

ESB-fánareglur kosta milljónir

Háskólinn í Northampton í Englandi hefur verið sektaður um 10,5 milljónir króna (56.477 pund). Hvaða lögbrot getur skóli framið sem er svo alvarlegt að hann þurfi að borga yfir 10 milljónir í sekt?

Það er ekki lögreglan sem sektar. Og ekki var sektin ákveðin af dómstólum. Nei, það er Evrópusambandið sem dæmir og sektar. "Glæpurinn" er að skólinn lét undir höfuð leggjast að draga fána ESB að húni.

Haraldur Hansson fylgist með Evrópuumræðunni i Bretlandi.

Flokkshagsmunir Samfylkingar ráða afdrifum ESB-umsóknar

Össur Skarphéðinsson utanríkisráðherra segir erlendum fjölmiðlum að Ísland muni ekki draga tilbaka umsókn um aðild að Evrópusambandinu, jafnvel þótt ekki fáist viðunandi niðurstaða í samningaviðræður um sjávarútvegsmál.

Still, Iceland will probably not withdraw its application for membership even if the fishing talks are not fruitful, Skarphedinsson said.

Í sama viðtali segir Össur að kaflinn um sjávarútvegsmál verði síðastur tekinn til umræðu. Af því leiðir verður viðræðum við Evrópusambandið ekki lokið fyrir næstu þingkosningar, vorið 2013.

Össur Skarphéðinsson ætlar að eiga umsóknina um aðild að Evrópusambandinu sem kosningamál fyrir Samfylkinguna.

 

Bretland fjarlægist Evrópusambandið

Forsætisráðherra Bretlands, David Cameron, er sannfærður um að þau 17 ríki Evrópusambandsins sem eiga evru fyrir lögeyri munu kosta miklu til að halda evru-samstarfinu gangandi. Í viðtali við Spectator segir Cameron að Evruland sé ekki með neina varaáætlun, evran megi ekki falla.

Stóraukin miðstýring á efnahagskerfum evru-landanna er forsenda fyrir því að evrunni verði bjargað.

Bretland mun ekki taka þátt í stofnun Stór-Evrópu á meginlandi Evrópu enda er Bretland eyja. Eins og Ísland.