Jón Bjarnason: forsendubrestur ESB-umsóknar og mútufé

Þingmenn VG, þeir Jón Bjarnason og Atli Gíslason, standa fyrir þingsályktunartillögu um að afturkalla umsókn Íslands um aðild að Evrópusambandinu og að ekki verði gengið til samninga á ný nema að undangenginni þjóðaratkvæðagreiðslu.

Meginrökin fyrir þingsályktuninni eru tvíþætt. Í fyrsta lagi eru viðræðurnar komnar langt út fyrir þann ramma sem alþingi lagði til grundvallar 16. júlí 2009. Kröfur Evrópusambandsins um aðlögun Íslands að lögum og reglum ESB á meðan ferlið stendur yfir eru einhliða og ríkisstjórnin hefur ekki umboð frá alþingi til mæta þeim kröfum.

Í öðru lagi eru forsendur hjá Evrópusambandinu gjörbreyttar frá því að umsóknin var lögð fram. Evrópusambandið er komið í varanlega kreppu með gjaldmiðil sinn og fyrirséð að róttækra aðgerða verður þörf á evru-svæðinu, sem telur 17 ríki af 27 ríkjum ESB, til að vinna bug á kreppunni. Þessar aðgerðir munu taka mörg ár og breyta Evrópusambandinu í grundvallaratriðum.

Jón Bjarnason skrifar um þingsályktun þeirra félaga og vekur sérstaka athygli á tilburðum Evrópusambandsins til að kaupa sér fylgisspekt hér á landi með mútufé. Hann skrifar

Efnahagsleg inngrip ESB í íslenskt þjóðfélag hafa alvarlegar afleiðingar og eru ekki í samræmi við forsendur umsóknarinnar. Það felur annars vegar í sér að með því er verið með peningagjöfum, sem stýrt er frá Brussel, að hafa áhrif á atvinnu, afstöðu til ESB-aðildar og almenna skoðanamyndun í landinu og hins vegar að um er að ræða falskar væntingar um áframhaldandi verkefni en þeim mun ljúka jafnskjótt og þetta gjafafé er upp urið.

Jón gerir ráð fyrir að þingsályktunin komist á dagskrá alþingis á næstu dögum. - pv

 

Heimssýn er ekki dótturfélag VG

 Hörð viðbrögð komu við bloggi Heimssýnar í gær um að verkefni vetrarins væri að koma fylgi VG niður fyrir 5% þannig að flokkurinn sem sveik kjósendur sína og stefnuskrá með því að samþykkja á alþingi ESB-umsókn Samfylkingar.

Gerð var tilraun til að ritskoða blgg Heimssýnar í kjölfarið. Smugan, vefrit VG, lætur að því liggja að þar sem Steingrímur J. Sigfússon formaður VG hafi einu sinni verið félagi í Heimssýn þá ætti félagið að sýna VG flokkshollustu.Verkefni Heimssýnar er skilgreint í lögum félagsins, þar segir í fyrstu grein:

Heimssýn, samtök sjálfstæðissinna í Evrópumálum, er þverpólitísk landssamtök fólks sem hefur mismunandi skoðanir á þjóðmálum en vinnur saman á vettvangi samtakanna til verndar íslensku sjálfstæði og lýðræði og álítur hagsmunum Íslendinga best borgið utan Evrópusambandsins.

Allt yfirstandandi kjörtímabil hefur VG verið í ríkisstjórn sem reynir að gera Ísland aðildarríki Evrópusambandsins. VG ætlar að sækja umboð til kjósenda til að halda áfram fyrri stefnu, að gera Ísland að ESB-ríki.

Á bloggi Heimssýnar er fyllilega réttmætt að hvetja til þess að kjósendur hafni VG sem valkosti fullveldissinna. Með því að VG hyrfi af alþingi er botninn dottinn úr aðlögunarferli Íslands inn í Evrópusambandið. - pv.

Verkefnið: minnka fylgi VG niður fyrir 5%

Vinstrihreyfingin grænt framboð sveik kjósendur sína og stefnuskrá með því að styðja ESB-umsókn Samfylkingar.

Svikin frá 16. júlí 2009 eru meiri og alvarlegri en nokkur stjórnmálaflokkur hefur leyft sér í seinni tíma stjórnmálasögu landsins.

Verkefnið í vetur er að minnka fylgi VG niður fyrir 5% þannig að flokkurinn falli af þingi í vor.

- pv

VG íhugar ESB-uppgjöf

Þingflokkur VG þorir ekki að mæta kjósendum með útistandandi ESB-umsókn enda leiðir það til blóðbaðs sem minna en helftin af þingliðinu mun lifa af. Fimmtungur kjósenda greiddi VG atkvæði sitt í síðustu kosningum á þeim forsendum að Íslandi væri best borgið utan Evrópusambandsins.

Meirihluti þingflokks VG sveik kjósendur sína og stefnuskrá þann 16. júlí 2009 þegar knappur meirihluti á alþingi samþykkti að senda til Brussel umsókn um aðild að Evrópusambandinu.

Umsóknin var andvana fædd vegna skorts á lögmæti, sem eingöngu fæst með því að þing og þjóð séu samstíga. Þykjustusamningafundir eru reglulega haldnir en ekkert gerist vegna þess að ríkisstjórnin hefur ekki umboð til aðlögunar Íslands að Evrópusambandinu. Og aðlögunarleiðin inn í Evrópusambandið er eina leiðin í boði.

VG vill komast í náð kjósenda kortéri fyrir kosningar með því að bæta fyrir 16. júlí-svikin og afturkalla ESB-umsóknina. Einu sinni var VG trúverðugur stjórnmálaflokkur.

-pv

Ferlið jafnvel lagt til hliðar

Grikkland í evru-rusli

Evran er ekki gjaldmiðill fyrir Grikkland og þess vegna landið bæði komið í efnahagslegan ruslflokk og siðferðilegan með því að þar þykir ríkja mesta spillingin í öllum löndum Evrópusambandsins.

Eins og það sé ekki nóg að lenda í efnahagslegum og siðferðilegum ruslflokki þá er land Platóns og Sókratesar svo aumt að það rígheldur í orsök eymdarinnar, sjálfa evruna.

Með evru verður Grikkland hornkerling Evrópusambandsins um langa framtíð. Bjartsýnustu spár gera ráð fyrir að Grikkland verði efnahagslega sjálfbjarga árið 2024 - eftir tólf ár. En löngu áður verður búið að fleygja Grikkjum öskrandi og emjandi út úr evru-klúbbnum.

Evran brýtur niður þjóðir.

-pv

Grikkir niður fyrir ruslflokk

Sterkt Ísland, veikt ESB

Hagtölur á Íslandi, samkvæmt spá Danske Bank, er stöðugar og jákvæðar. Hagvöxtur verður 2-3 prósent, verðbólga um þrjú prósent og atvinnuleysi um fimm prósent. Þetta eru fínar tölur í venjulegu árferði og stórkostlegar sé miðað við eymdina í Evrópusambandinu.

Í gær blogguðum við um skýrslu Citi um alþjóðahagkerfið þar sem fram kemur að Evrópusambandið sér fram á viðvarandi efnahagskerppu næstu fimm til átta árin. Við leyfum okkur að endurbirta:

í framtíðarspá Citigroup undir forystu hagfræðingsins Willem Buiter er efnahagslegt svarnætti framundan á evru-svæðinu. Enginn hagvöxtur og mikið atvinnuleysi er bein afleiðing af evrunni.

Bandaríkin munu ná sér vel á strik en Evrópa situr eftir. Framtíðarspá Citi gerir ráð fyrir að Grikkland yfirgefi evru-svæðið árið 2014 og önnur ríki s.s. Spánn, Ítalía, Portúgal og Írlandi þurfi stórfelldar afskriftir til að halda sér inni. Andstæðurnar milli  Evrópu og Ameríku eru skýrar, segir í skýrslunni:  

By contrast, in the euro area, we expect continued recession in 2013 and 2014 and prolonged weakness thereafter - with ongoing financial strains and, over the next few years, Grexit plus a series of sovereign debt restructurings. In the euro area and UK, real GDP per head will probably remain 3-4% below the 2007 level even in 2017, with a greater shortfall in many periphery countries - markedly underperforming versus Japan's "lost decade".

Þeir sem vilja Ísland inn í evru-svæðið eru að beinlínis að krefjast aðildar að kreppuhagkerfi. Hvað gengur því fólki til sem dettur í hug önnur eins firra og að Ísland eigi að verða aðildarríki Evrópusambandsins?

-pv

Hagvöxtur á bilinu 2,2-2,9%

Citi: evrusvæðið í tíu ára kreppu

Spánn er fórnarlamb evrunnar og mun ekki ná sér í fyrirsjáanlegri framtíð. í framtíðarspá Citigroup undir forystu hagfræðingsins Willem Buiter er efnahagslegt svarnætti framundan á evru-svæðinu. Enginn hagvöxtur og mikið atvinnuleysi er bein afleiðing af evrunni.

Bandaríkin munu ná sér vel á strik en Evrópa situr eftir. Framtíðarspá Citi gerir ráð fyrir að Grikkland yfirgefi evru-svæðið árið 2014 og önnur ríki s.s. Spánn, Ítalía, Portúgal og Írlandi þurfi stórfelldar afskriftir til að halda sér inni. Andstæðurnar milli  Evrópu og Ameríku eru skýrar, segir í skýrslunni:  

By contrast, in the euro area, we expect continued recession in 2013 and 2014 and prolonged weakness thereafter - with ongoing financial strains and, over the next few years, Grexit plus a series of sovereign debt restructurings. In the euro area and UK, real GDP per head will probably remain 3-4% below the 2007 level even in 2017, with a greater shortfall in many periphery countries - markedly underperforming versus Japan's "lost decade".

Þeir sem vilja Ísland inn í evru-svæðið eru að beinlínis að krefjast aðildar að kreppuhagkerfi. Hvað gengur því fólki til sem dettur í hug önnur eins firra og að Ísland eigi að verða aðildarríki Evrópusambandsins?  -pv

Spánn óskar eftir aðstoð frá ESB

ESB-sinnar nota Icesave-áróður

Áróður vinstriflokkanna og ESB-sinna í Icesave-málinu voru þau að ef Íslendingar samþykktu ekki að greiða Bretum og Hollendingum skuldir einkabanka þá myndi Ísland verða dæmt í efnahagslega steinöld, - verða Kúba norðursins. Núna, þegar fyrir liggur að meirihluti þjóðarinnar vill hætta aðildarviðræðum við Evrópusambandið, grípa ESB-sinnar til Icesave-áróðursins á ný.

ESB-sinnar segja EES-samninginn í hættu og í reynd sé eini möguleiki þjóðarinnar, ef ekki á verulegu illa að fara, að ganga í Evrópusambandið.

Í heilsíðuauglýsingu ESB-sinna  í Fréttablaðinu í dag segir eftirfarandi: ,,óbreytt staða er óhugsandi og endurskoðun samningsins um Evrópska efnahagssvæðið er óhjákvæmileg."

Áróður ESB-sinna um að Ísland sé á leið í efnahagslega ruslakörfu, ef við göngum ekki í ESB, er hjárænulegur svo ekki sé meira sagt. Evrópusambandið logar stafnanna á milli vegna evru-kreppunnar. Engum óbrjáluðum dettur í hug að sækja um aðild að sambandi sem er við það að liðast í sundur. -pv

Evru-samstaðan er að bresta

Til skamms tíma var óhugsandi að eitthvert evru-ríkjanna 17 yfirgæfi gjaldmiðlasamstarfið. Núna er nánast óhugsandi að ríkin 17 haldi hópinn. Fyrsta landið til að yfirgefa evru-samstarfið verður Grikkland.

Samkvæmt núverandi horfum mun það taka Grikki tólf ár að koma skuldum sínum niður fyrir 110 prósent af þjóðarframleiðslu. Landið er gjaldþrota og frekari stuðningur gerir ekki annað en að kaupa tíma, segir Harvard-hagfræðingur í viðtali við Die Welt.

Eftir að Grikkir eru farnir úr evru-samstarfinu er búið að varða leiðina fyrir Portúgali og Spánverja. Evru-samstarfið, eins og við þekkjum það í dag, er búið að vera. Eina spurningin er hvort ráðandi öflum í Evrópu takist að vinda ofan af evru-samstarfinu sem skipulögðum hætti eða hvort það verður sprenging.

Hvort heldur sem er þá er Ísland hólpið að standa utan við evru-samstarfið. 

-pv

Ríki fái að yfirgefa evrusvæðið

Þorsteinn Pálsson styður Árna Pál

Talsmaður ESB-sinna í Sjálfstæðisflokknum, Þorsteinn Pálsson, styður Árna Pál Árnason til formennsku í Samfylkingunni. Þorsteinn óskar sér samstjórnar Sjálfstæðisflokks og Samfylkingar sem myndi áfram vinna að aðild Íslands að Evrópusambandinu.

Þorsteinn segir Árna Pál sýna löngun til samstarfi við Sjálfstæðisflokkinn í nýlegum viðtalsþætti í sjónvarpinu. Síðan skrifar Þorsteinn

Slái Sjálfstæðisflokkurinn hendinni á móti þeirri opnun gæti Samfylkingin hins vegar einangrast vegna Evrópumálanna; nema hún fórni þeim. Neyðist hún til þess er sennilegra að það gerist gagnvart VG og Framsóknarflokknum en Sjálfstæðisflokknum.

ESB-sinnar í Sjálfstæðisflokknum eru í miklum minnihluta. Þeir sjá sér hins vegar leik á borði að fá stuðning af Samfylkingunni og þá sérstaklega þeim hópi sem fylgir Árna Páli Árnasyni.

Nái herfræði Þorsteins og ESB-sinna í Sjálfstæðisflokknum fram að ganga verður Árni Páll kjörinn formaður Samfylkingar í febrúar. Eftir kosningar yrði mynduð ríkisstjórn Sjálfstæðisflokks og Samfylkingar sem héldi ESB-umsókninni til streitu.

Hugguleg framtíðarsýn, - eða hitt þó heldur.

-pv

Guðbjartur fram gegn Árna Páli