ESB kaupir aðlögunarvilja á Íslandi

Næstu tvö árin mun ESB eyða á þriðja hundrað milljónum króna í rekstur Evrópustofum sem hefur það að markmiði að auka fylgi við samfylkingarhluta ríkisvaldsins sem vill Ísland inn í Evrópusambandið.

Við erum ekki í samningaviðræðum við Evrópusambandið, heldur aðlögunarferli. Um það tekur af öll tvimæli útgáfa Evrópusambandsins sem segir eftirfarandi

Accession negotiations concern the candidate's ability to take on the obligations of membership. The term "negotiation" can be misleading. Accession negotiations focus on the conditions and timing of the candidate's adoption, implementation and application of EU rules - some 100,000 pages of them. And these rules (also known as the acquis, French for "that which has been agreed") are not negotiable. For candidates, it is essentially a matter of agreeing on how and when to adopt and implement EU rules and procedures. For the EU, it is important to obtain guarantees on the date and effectiveness of each candidate's implementation of the rules.

Ísland á að aðlaga sig Evrópusambandinu á meðan ferlið stendur yfir. Samningaviðræður eru um það hvernig og með hvaða hætti við tökum yfir 100 þús. blaðsíður af regluverki Evrópusambandsins.

Evrópustofa og Samfylkingin ætla að selja okkur þá blekkingu að við séum í samningaviðræðum og fáum síðan að ,,kíkja í pakann," - sem ku geyma perlur og brennivín.

 

Evrópusambandið kynnir sig sjálft

Samfylking býður gríska tragedíu á Íslandi

Samfylkingin dró Ísland að þröskuldi Evrópusambandsins þar sem Össur Skarphéðinsson utanríkisráðherra vill ólmur fórna fólki fyrir peninga. Til skamms tíma voru rök Össurar og aðildarsinna að Evrópusambandið gengi aldrei gegn þjóðarhagsmunum aðildarríkja sinna.

Vægt til orða tekið þá grefur Evrópusambandið undan grískum þjóðarhagsmunum. Grikkland stendur frammi fyrir þjóðargjaldþroti og pólitískri óöld og Evrópusambandið kyndir undir fremur en dregur úr upplausnarástandinu.

Sértrúarsöfnuður ESB-sinna hér á landi þarf að útskýra hvaða erindi Ísland á í þennan félagsskap sem heitir Evrópusambandið.

Reyna að losna við Grikki

ESB krefst aðlögunar Íslands

Krafa þings Evrópusambandsins um sameiningu ráðuneyta á Íslandi er hluti af kröfu ESB um að Ísland sé í stakk búið að taka við tilskipunum frá Brussel um stærri mál og smærri.

Evrópusambandið ætlar sér stóra hluti í framtíðinni enda sameiginleg ríkisfjármál aðildarríkja forsenda fyrir framhaldslífi evrunnar.

Til að skapa skilvirka móttöku tilskipana frá Brussel þarf einfalt stjórnkerfi. Formleg völd og fagleg þekking verða hvort eð er í Brussel.

ESB kallar eftir sameiningu ráðuneyta

Össur tekur peninga fram yfir fólk

Össur Skarphéðinsson utanríkisráðherra er af þeirri tegund jafnaðarmanna sem er elskari að peningum en fólki. Í grein í Morgunblaðinu í dag hraunar Össur yfir krónuna sem varið hefur Íslendinga gegn atvinnuleysi eftir hrun og blessar evruna sem heldur stöðugleika á kostnað vinnandi fólks.

Ísland og Írland lentu bæði í fjármálakreppu. Ísland bjó að krónu og stóð utan Evrópusambandsins. Samkvæmt flokkssystur Össurar, Ólínu Þorvarðardóttur, er kreppan búin á Íslandi. Á Írlandi, aftur á móti, slítur með 15 prósent atvinnuleysi og lágan hagvöxt en stöðugt gengi. Bölvun Íra er evran og Evrópusambandið.

Með krónuna er Ísland með minna atvinnuleysi og minni fátækt en Evrópusambandið. Kappsmál Össurar Skarphéðinssonar er að auka atvinnuleysi og fátækt á Íslandi með inngöngu í Evrópusambnadið og upptöku evru. Skrýtin jafnaðarmennska atarna.

Krónan kom okkur úr kreppunni

Án krónunnar hefðum við ekki komist úr kreppunni. Írar, sem urðu fyrir fjármálakreppu á sama tíma og við, sitja enn í súpunni með 14 prósent atvinnuleysi og lítinn sem engan hagvöxt. Írar eru í Evrópusambandinu og hafa evru.

Með krónu að vopni tókst að bregðast hratt við hruni fjármálastofnana og lækka allan kostnað í samfélaginu jafnframt því sem útflutningsgreinar fengu kröftuga innspýtingu. Atvinnuleysi varð ekki stórt vandamál og velferðarkerfið hrundi ekki þótt það hafi látið á sjá.

Með því að standa utan Evrópusambandsins og búa að eigin gjaldmiðli gátum við unnið okkur út úr kreppunni. Hver er aftur stefna Samfylkingar í Evrópumálum?

„Kreppan er nefnilega búin“

Gagnkvæm gíslataka í evrulandi

Þjóðverjar og Frakkar eru með ríkissjóð Grikklands í gíslingu, þeir neita að afhenda stjórninni í Aþenu meiri peninga úr björgunarsjóði nema sparnaður í opinberum rekstri aukist. Á móti taka grísk stjórnvöld evrusvæðið allt í gíslingu með því að hóta ríkisgjaldþroti er hefði ófyrirséðar afleiðingar í för með sér.

Þjóðverjar komu með tillögu um að sérstakur ,,sparkommisar" yrði gerður að yfirráðherra í Grikklandi, hugmyndin var blásin af borðinu. Þá kemur uppástunga um sérreikning þar sem allar skatttekjur Grikklands færu inn á til að tryggja endurgreiðslu erlendra lána. Þýska blaðið Die Welt segir tillöguna út í bláinn þar sem reikningurinn yrði alltaf í mínus.

Grikklandsdeilan á evrusvæðinu étur upp trúverðugleika stjórnmálamanna í Evrópusambandinu. Kjósendur hvarvetna í álfunni verða ekki tilbúnir að veðja á ,,meiri Evrópu" til lausnar á skuldakreppu álfunnar. Af því leiðir er evran búin að vera. 

Portúgal ekki í sömu stöðu og Grikkland

Franskir hagfræðingar vilja losna við evruna

Tólf franskir hagfræðingar skrifuðu nýlega grein í Le Monde þar sem þeir hvöttu til að sameiginlegur gjaldmiðill Evrópusambandsins, evrunni, yrði lagður til hliðar og hver þjóð tæki upp sína eigin mynt. Sjónarmið frönsku hagfræðinganna er að evran veldur ójafnvægi milli hagkerfa Evrópusambandríkja.

Í Telegraph er fjallað um grein hagfræðinganna í samhengi við ójafnvægi milli hagkerfa Frakklands og Þýskalands. Hagvísar þessara stórvelda Evrópusambandsins stefna í andstæðar áttir. Atvinnuleysi minnkar í Þýskalandi, opinberar skuldir lækka og hagvöxtur eykst. Í Frakklandi eykst atvinnuleysi, opinberar skuldir hækka og það dregur úr hagvexti.

Fyrr heldur en seinna, segja frönsku hagfræðingarnir, leiðir evran til efnahagslegra hörmunga. Betra er að skipuleggja afnám evrunnar strax.

Evran lækkar

Evran þolir ekki fullvalda þjóðríki

Evrusamstarfið er dæmt til að mistakast svo lengi sem Stór-Evrópa er ekki smíðuð utanum gjaldmiðilinn. Þjóðríki með vald til að setja sér fjárlög samrýmast ekki evru-samstarfinu.

Þess vegna spá bæði stjórnmálamenn og hagfræðingar því að evran, eins og við þekkjum hana í dag, verði ekki lengur til eftir tvö til fimm ár.

Með evrunni falla helstu rök aðildarsinna á Íslandi. Sorrý.

Gríðarlegur þrýstingur á Grikki

ESB-sinnar eru varla á móti lýðræðinu

Núna þegar Steingrímur J. allsherjarráðherra og Jóhanna Sig. forsætis hafa komist að þeirri niðurstöðu að

Samkvæmt ákvörðun meirihluta Alþingis er nú verið að kanna til fullnustu kosti og galla aðildar.

hlýtur að vera hægt að skera úr um hvort þjóðin hafi áhug á að halda þessum könnunarviðræðum áfram. Hugmynd Jóns Bjarnasonar í grein í Morgunblaðinu í dag um að efna til þjóðaratkvæðagreiðslu í sumar um framhald á könnunarviðræðunum ætti að vera ESB-sinnum fagnaðarefni.

Ekki eru ESB-sinnar á móti lýðræðinu?

ESB betlar í Kína - Ísland dregur brátt ESB-umsókn tilbaka

Leiðtogi öflugasta ríkis Evrópusambandsins, Angela Merkel kanslari Þýskalands, er í betliferð til Kína vegna þess að skuldakreppan hefur gert evruland fátækari en það var. Skötuhjúin við stjórnvöli á minnsta ríkinu sem íhugað hefur aðild að Evrópusambandinu virðast loksins skilja að fyrir sæmilega stöndugt ríki er ekkert í boði í Brussel.

Jóhanna Sig. forsætisráðherra og Steingrímur J. allsherjarráðherra skrifuðu grein í tilefni af þriggja ára afmæli ríkisstjórnarinnar. Þau vekja athygli á því að hagvöxtur verður hér tvöfalt til þrefalt meiri en í Evrópusambandinu. 

Hagvöxtur reynist meiri en spáð var, líklega 3,5 til 4 prósent á síðasta ári. Hann gæti hæglega orðið 2,5 til 3 prósent á þessu ári en til samanburðar er því spáð að hann verði 1,5 prósent að jafnaði innan Evrópusambandsins.

Í framhaldi gera skötuhjúin grein fyrir umsókn Íslands um aðild að Evrópusambandinu með þessum orðum

Samkvæmt ákvörðun meirihluta Alþingis er nú verið að kanna til fullnustu kosti og galla aðildar.

Það er ekki lengur ríkisstjórnarmál að Ísland verði aðili að Evrópusambandinu og í raun er tæplega um umsókn að ræða, segja þau Jóhanna og Steingrímur, heldur er Alþingi að kanna málið. Steingrímur J. er nýkominn frá Brussel að kanna undirtektir og niðurstaða hans er að umsóknin sé dauð - en það má bara ekki segja það upphátt strax.

 

Meira kínverskt fé fyrir ESB?