ESB höfðar ekki til Íslendinga

Ungir ESB-sambandsríkis-sinnar viðurkenna að framtíð evrunnar er óljós, samanber meðfylgjandi frétt. Í henni kemur einnig skýrt fram að þetta hafa ekki verið samningaviðræður heldur aðlögunarviðræður (accession talks... EU accession).

Þessir Evrópusambandsríkissinnar draga í efa réttmæti þjóðaratkvæðagreiðslna hér á landi ( A questionable referendum ...). Við vitum þá hvernig þetta yrði í ESB; sem sagt minna lýðræði.

Sambandsríkissinnarnir skilja greinilega mætavel að Íslendingar hafi lítinn áhuga á ESB. Þeir skilja líka að stjórnarflokkarnir óttist fylgistap vegna þjónkunar þeirra við Brussel-valdið.

Þeir skilja að Íslendingar vilja ekki kokgleypa reglur sambandsins í sjávarútvegsmálum og landbúnaðarmálum. En þeim þykir það greinilega leitt!

Sjá hér heimasíðu sambandsríkissinnanna:  http://www.thenewfederalist.eu/Iceland-in-or-out-please-decide,05481 

„ESB þarf ekki annað Bretland“

Fjölga þoskhausar sér hraðar í ESB?

Algeng er sú fullyrðing ESB-aðildarsinna að framleiðsla og útflutningur aukist ef við förum í ESB. Áður hefur verið bent á að útflutningur frá Íslandi jókst meira frá 1995 til 2011 en t.d. frá Finnlandi sem tók upp evru.

Þorskurinn er undirstöðuútflutningsafurð Íslendinga.

Þorskhausar láta sig það litlu varða hvort land er í ESB eða ekki. Hann gerist varla graðari í ESB  að ósk stjórnvalda. Hann heldur sínu striki.

Makríllinn er allt annarrar gerðar. Hann flækist um og flakkar.

G. Tómas Gunnarsson fjallar ágætlega um það í nýlegum pistli hvað við getum lært af makrílnum. Hann sýnir okkur hvað myndi gerast í þessum efnum ef við værum í ESB. Í öllu falli myndi útflutningur fiskafurða varla aukast.

Aronska ESB-sinna?

Það var athyglisvert að heyra hinn gamalreynda sendiherra Einar Benediktsson lýsa mögulegum styrkjum frá ESB til verkefna háskólamanna af ýmsu tagi.

Það var ekki laust við að orð sendiherrans fengju hlustendur til að leiða hugann að Aronskunni sálugu.

Ég held við ættum samt að geta treyst því að fræðasamfélagið tekur aðeins þátt í svona verkefnum á forsendum fræðanna.

Blekkingar í ESB-umræðunum

Björn Bjarnason skrifar athyglisverðan leiðara á vef Evrópuvaktarinnar um þær blekkingar sem viðhafðar hafa verið varðandi umsóknina um aðild að ESB.

Í leiðarnum segir Björn meðal annars:

• Áður en sótt var um aðild létu aðildarsinnar í veðri vaka að niðurstaða viðræðna yrði kynnt innan 18 mánaða.
• Aðildarsinnar hafa ekki viljað viðurkenna hið rétta eðli viðræðnanna. Þær snúast um aðlögun að kröfum og lögum ESB en ekki sérlausnir.
• Utanríkisráðherra Eistlands segist vonsvikinn vegna hægagangs í viðræðunum við Íslendinga þótt utanríkisráðuneyti Íslands láti eins og óvenjulega hratt og skipulega sé að málum staðið.
• Utanríkisráðherra Íslands hefur hafnað því fram til 17. janúar 2013 að makríldeilan hafi áhrif á aðildarviðræðurnar.
• Þeir sem töldu að Ísland yrði sett í alþjóðlegan skammarkrók eftir að Icesave-samningunum var hafnað segja nú að slit á ESB-viðræðunum muni stórskaða alþjóðastöðu Íslands.

Það er rétt að vekja athygli á ýmsum áhugaverðum pistlum og fréttum á vef Evrópuvaktarinnar.  

Leiðbeiningar fyrir umsóknarríki að ESB lýsa aðlögunarskrúfu

Sigmundur Davíð Gunnlaugsson formaður Framsóknarflokksins las upp athyglisverðan texta í Silfri Egils áðan.

Textinn lýsti því hvernig ríki sem sækja nú um aðild að ESB eiga að uppfylla allar reglur sambandsins áður en samningur getur tekið gildi.

Hlutverk ESB er að vera með svipuna á lofti og sjá til þess að umsóknarríkið hlýði leiðbeiningunum.

Það er ástæða fyrir þá sem misstu af Silfrinu að líta á það í endursýningu í kvöld og leggja sérstaklega við hlustir þegar Sigmundur greinir frá þessum leiðbeiningum.

ESB-umsóknin atvinnubótavinna í augum Bjartrar framtíðar?

G. Valdimar Valdimarsson, einn af forystumönnum Bjartrar framtíðar, bar fram athyglisverð rök í Silfri Egils í dag varðandi ESB-umsóknina.

Hann sagði að það væri búið að leggja í svo mikla vinnu hjá ýmsum opinberum starfsmönnum við umsóknarferlið og svo margir starfsmenn væru að sinna þessu í stjórnkerfinu að það mætti ekki hætta þessu.

Þetta fer nú að hljóma ansi líkt því að það megi ekki hætta umsóknarferlinu vegna þess að það sé svo góð atvinnubótavinna fyrir nokkra opinbera starfsmenn!

Viljum ekki lengur kíkja í pakkann!

G. Tómas Gunnarsson skrifar oft áhugaverða pistla um Evrópumál. Hér er einn þeirra.

Hér segir hann:

Það er ljóst að áhugi fyrir því að ganga í Evrópusambandið fer minnkandi á Íslandi. En það virðist nokkuð ljóst í þessari könnun að "viðræðusinnum" og þeim sem vílja " kíkja í pakann, fer einnig fækkandi.

Sjá fleiri pistla hér: http://49beaverbrook.blog.is/blog/49beaverbrook/ 

Meginlandsfloti ESB kæmi í kjölfar makríls

Makrílmálið er mjög athyglisvert. Okkar fólk virðist vera að reyna að standa sig og fylgja fram hagsmunum Íslands gegn nánast sameinuðu hagsmunaafli og hótunum frá Evrópu um þvingunaraðgerðir.

Þetta vekur óneitanlega upp spurningar um stöðuna værum við í ESB. Þá yrðum við að taka því sem að okkur yrði rétt.

Ein spurning sem vaknar er hvernig háttað yrði eftirliti með veiðum ESB-skipa úr svona flökkustofnum á okkar veiðisvæðum?

Ætli það myndi ekki slæðast eitthvað meira en makríll ofan í lestar meginlandsflotans? Hann myndi alla vega gera sig heimakominn miðað við útbreiðslu makrílsins.

Það er bara vonandi að íslensk yfirvöld og hagsmunaaðilar standi fast á rétti sínum í þessu efni.

Skammta sér einhliða 90% kvótans

Evran getur ekki lifað af segir Esko Aho fyrrverandi forsætisráðherra Finnlands

Esko Aho fyrrverandi forsætisráðherra Finnlands sem verður ræðumaður á Viðskiptaþingi, samanber meðfylgjandi frétt, sagði nýverið að evran gæti ekki lifað af á núverandi grunni.

Það væri fróðlegt að heyra hvernig Aho metur stöðuna núna. Ennfremur hvort hann telur að vaxtastefna Seðlabanka Evrópu henti vel Finnum sem búa við meiri þenslu en svæðið að meðaltali.

 

Finnar eru farnir að átta sig á því að því að sama vaxtastefna hentar ekki fyrir allt evrusvæðið.

Sumir orða þetta þannig að í stað þess að vextirnir séu „one size fits all“ þá séu vextirnir „one size fits none.“

Fyrrverandi forsætisráðherra á Viðskiptaþingi

ESB-umsókn, aðlögunarþvingunin og stjórnarskráin

Atli Gíslason alþingismaður ritar grein sem birt er í Morgunblaðinu í dag.

Greinin heitir: Össur, víglína ESB-umsóknarinnar er um stjórnarskrána.

Greinin vekur upp ýmsar spurningar um þær aðferðir sem beitt er í aðlögunarþvinguninni sem menn kalla umsóknarviðræður.

Atli segir meirihluta Alþingis hafa samþykkt frumvörp er feli í sér framsal á fullveldi Íslands, en það feli í sér brot á stjórnarská Íslands.

Þjóðin var ekki spurð að því hvort hún vildi þessa aðlögunarvegferð að ESB.

Ríkisstjórnin þorði heldur ekki að spyrja þjóðina um afstöðu til tillögu stjórnlagaráðs um framsal á fullveldi í hinni ráðgefandi þjóðaratkvæðagreiðslu sem haldin var í haust.

Þeir stjórnmálamenn sem með brögðum eru að þvinga Íslandi inn í ESB fara í raun á bak við þjóðina.

Grein Atla er á blaðsíðu 25 í Morgunblaðinu í dag.