Hruni evrunnar afstýrt með tveimur atkvæðum

Þessi frétt endurspeglar hina gífurlega viðkvæmu stöðu sem ESB og evrusvæðið eru í. Það munaði aðeins tveimur atkvæðum á kýpverska þinginu að Kýpverjar hefðu sagt skilið við evruna. Slíkt hefði haft ófyrirsjáanlegar afleiðingar fyrir evrusamstarfið.

RUV greinir frá því að þingið á Kýpur hafi fyrir stundu naumlega samþykkt samkomulag ríkisstjórnar landsins við Evrópusambandið og Alþjóðagjaldeyrissjóðinn um 10 milljarða evra neyðaraðstoð.

Tuttugu og níu þingmenn greiddu atkvæði með samkomulaginu, 27 greiddu atkvæði gegn því. Georgiades, fjármálaráðherra Kýpur, sagði samkvæmt RUV að ef þingið samþykkti samkomulagið ekki yrði algjört efnahagshrun í landinu Kýpur yrði að segja skilið við evruna.

Atvinnuleysið á evrusvæðinu heldur bara á fram að vaxa

Tugþúsundir bætast við á atvinnuleysisskrár í evrulöndunum í hverjum mánuði. Fjórðungur þeirra sem eru undir 25 ára aldri eru án atvinnu á svæðinu og tveir af hverjum þremur á Spáni og í Grikklandi.

Letta, nýr forsætisráðherra á Ítalíu, segir að aðhaldsaðgerðir ESB séu að ganga af Ítölum dauðum.

Er það þetta sem Gylfi Arnbjörnsson forseti ASÍ og fylgdarsveinar hans vilja?

Enn eitt atvinnuleysismetið á evrusvæðinu

Fyrsta maí-kaffi Heimssýnar eftir kröfugöngu og útifund í Reykjavík

Heimssýn óskar öllum launþegum til hamingju með baráttudaginn fyrsta maí og hvetur félaga í Reykjavík til að mæta í kröfugöngu á Hlemm kl. 12:45, en þar verða afhent spjöld og fleira í tilefni dagsins. 

Að kröfugöngu verkalýðsfélaganna og útifundi loknum býður Heimssýn öllum sem vilja í kaffi á meðan húsrúm leyfir og kaffi er til.

Á þessum hátíðisdegi er rétt að muna eftir því hversu miklu það skiptir fyrir launþega að atvinnuástand sé gott. Því miður hefur atvinnuleysi stóraukist í löndum ESB að undanförnu og er nú svo komið að það er að meðaltali um 12 prósent, en farið að nálgast 30% á Spáni og Grikklandi, en þar er um helmingur ungs fólks án atvinnu.

Höldum því á lofti að það er íslenskum verkalýð ekki til heilla að ganga í ESB.

Reykvíkingar og nærsveitamenn! Mætum í kröfugönguna og hlýðum á ræður verkalýðsforingjanna minnug þess hve miklu láni við höfum átt að fagna udanfarin ár í því að hafa verið fyrir utan ESB- og evrusvæðið.

Gleðjumst því á morgun og gæðum okkur á kaffinu hjá Heimssýn í Hafnarstræti 18 í miðbæ Reykjavíkur að útifundi loknum.

Skýr meirihluti gegn ESB-aðild

Niðurstaða kosninganna er skýr hvað ESB-málið varðar. Þeir flokkar sem eru andvígir inngöngu í ESB eru í yfirgnæfandi meirihluta. Þeir fengu 71% þingsæta og 66,3% stuðning í kosningunum sjálfum. Eini flokkurinn sem er fylgjandi aðild að ESB fékk 14% þingsæta og 13% stuðning í kosningunum. Aðrir flokkar hafa annað hvort óljósa stefnu eða eru opnir á ýmsar leiðir.

Miðað við þessa niðurstöðu kosninganna er það mjög skýr pólitískur vilji meðal íslensku þjóðarinnar að það eigi ekki að ganga í Evrópusambandið.

Þess vegna er eðlilegt að viðræðunum verði hætt sem fyrst.

Áhugaverðar vangaveltur um stöðuna er meðal annars að finna á Evrópuvaktinni og Vinstrivaktinni.

Í þessu samhengi er einnig athyglisvert að sjá að mjög skýr meirihluti er gegn ESB-aðild í Noregi.

20,2% fylgjandi aðild en 69,5% á móti

Góður meirihluti fyrir fullveldi

Niðurstaða kosninganna felur í sér góðan stuðning við áherslu á fullveldi Íslands, andstöðu við aðild að Evrópusambandinu og stöðvun viðræðna um aðild að sambandinu.

Í útlöndum eru blaðamenn og einstaklingar farnir að skrifa og tísta um að niðurstaða kosninganna hafi það í för sér að viðræður við ESB verði stöðvaðar.

Það er ein af niðurstöðum þessara kosninga. Því ættu stjórnmálaflokkarnir og næsta ríkisstjórn að huga að öðrum og brýnni málum. Nú þurfa tugir opinberra starfsmanna að fara að sinna öðru en að undirbúa breytingar á íslenskum lögum, reglum, vinnubrögðum og stofnanagerð til að slíkt þóknist stjórnsýslu ESB.

Nú er hægt að fara að snúa sér að þeim úrlausnarefnum sem kjósendur telja brýnni miðað við niðurstöður kosninganna.

Til glöggvunar er hér endurbirt ESB-stefna þeirra flokka sem fá fulltrúa á Alþingi í þessum kosningum:

Framsóknarflokkurinn: Framsóknarflokkurinn telur hag lands og þjóðar best borgið utan Evrópusambandsins. Ekki verði haldið lengra í aðildarviðræðum við Evrópusambandið nema að undangenginni þjóðaratkvæðagreiðslu.
http://www.framsokn.is/wp-content/uploads/2013/03/ályktanir.pdf

Sjálfstæðisflokkurinn telur hagsmunum Íslands betur borgið utan Evrópusambandsins en innan. Kjósendur ákveði í þjóðaratkvæðagreiðslu á kjörtímabilinu hvort aðildarviðræðum skuli haldið áfram. http://www.xd.is/malefnin/utanrikismal/

Vinstri hreyfingin - grænt framboð:
Landsfundur Vinstri grænna telur að Íslandi sé best borgið utan ESB en vill ljúka aðildarviðræðum við ESB og setja ferlinu tímamörk, til dæmis 1 ár frá kosningum. Þjóðin kjósi síðan um niðurstöður aðildarviðræðnanna. Vinstrihreyfingin – grænt framboð mun ennfremur beita sér fyrir því að tryggðar verði breytingar á stjórnarskrá þannig að þjóðaratkvæðagreiðslan um ESB verði bindandi en ekki aðeins ráðgefandi.
http://www.vg.is/wp-content/uploads/2013/02/alyktanapakkinnallur_loka_efnisyfirlit.pdf


Píratar: Það er ekki hlutverk stjórnmálaflokka að taka afstöðu með eða á móti aðild en aftur á móti eiga þeir að vera undirbúnir undir hvora niðurstöðuna sem er.
http://www.piratar.is/stefnumal/

Björt framtíð: Löndum góðum samningi við ESB sem þjóðin getur eftir upplýsta umræðu samþykkt í þjóðaratkvæðagreiðslu.Þá opnast leið til gjaldmiðilssamstarfs við Evrópska seðlabankann (ERM II), sem strax getur aukið stöðugleika. Svo getum við tekið upp evru þegar skilyrði skapast til þess. Það er auðvitað ekki töfralausn en þó að öllum líkindum sigurstranglegasta leiðin í átt að efnahagslegum stöðugleika.
http://www.bjortframtid.is/aherslur/


Samfylkingin: Það er forgangsatriði jafnaðarmanna að halda aðildarviðræðum áfram af fullri einurð og að leggja fullbúinn samning í þjóðaratkvæði. Aðild að Evrópusambandinu og upptaka evru eru mikilvægasta skrefið í átt til efnahagslegs stöðugleika, hagvaxtar og betri rekstrarskilyrða fyrir heimili og fyrirtæki. http://www.samfylkingin.is/Portals/0/1_Skjalasafn/Landsfundur%202013/Stj%C3%B3rnm%C3%A1la%C3%A1lyktun%20Samfylkingarinnar%202013.pdf

Geta myndað stjórn með 51% fylgi

Enn syrtir í álinn í evrulandinu Spáni

Atvinnuleysið á Spáni er nú þegar 27% og búast má við að það aukist heldur, því stjórnvöld á Spáni gera nú ráð fyrir að hagkerfi landsins dragist saman um 1,3% á þessu ári en samkvæmt síðustu spá þeirra var búist við samdrætti upp á 0,5%.

Reiknað með meiri samdrætti á Spáni

Stefna flokkanna í ESB-málum

Stefna þeirra stjórnmálaflokka sem bjóða fram til Alþingis er þessi í málefnum er varða ESB:

Alþýðufylkingin berst skilyrðislaust gegn aðild Íslands að Evrópusambandinu.
http://www.althydufylkingin.blogspot.com/p/drog-stefnuskra-alyufylkingarinnar.html


Flokkur heimilanna er andvígur aðild Íslands að ESB.
http://flokkurheimilanna.is/malefnin/

Framsóknarflokkurinn: Íslendingar skulu áfram leita eftir samstarfi við þjóðir innan og utan Evrópusambandsins á grundvelli frjálsra og sanngjarnra samninga og samvinnu sem byggir á jöfnuði og ábata allra aðila. Með slíkum samskiptum geta íslensk stjórnvöld best tryggt hagsmuni Íslands á hverjum tíma. Framsóknarflokkurinn telur hag lands og þjóðar best borgið utan Evrópusambandsins. Ekki verði haldið lengra í aðildarviðræðum við Evrópusambandið nema að undangenginni þjóðaratkvæðagreiðslu.
http://www.framsokn.is/wp-content/uploads/2013/03/ályktanir.pdf

Húmanistaflokkurinn: Við viljum ekki að Ísland gangi í Evrópusambandið. Í ESB hafa bankarnir og fjármálaöflin öll völd og útilokað væri að hafa sjálfstæði innan þess til að taka þær ákvarðanir sem nauðsynlegar eru til að koma á nýju peningakerfi og hindra annað hrun.

Regnboginn: Fullveldi Íslands verði tryggt. Sem alþjóðasinnar höfnum við aðild Íslands að Evrópusambandinu og viljum tafarlaus viðræðuslit og stöðvun á því aðlögunarferli sem nú á sér stað. Við teljum að Ísland eigi í samvinnu við Norðmenn að hefja endurskoðun á EES samningnum. Við teljum viðskiptafrelsi þjóða mikilvægt og viljum stuðla að auknum viðskiptum Íslands við aðrar þjóðir óháð viðskiptablokkum.
http://regnboginn.is/stefnuyfirlysing-regnbogans/fullveldi-og-sjalfstaed-utanrikisstefna/

Sjálfstæðisflokkurinn telur hagsmunum Íslands betur borgið utan Evrópusambandsins en innan. Kjósendur ákveði í þjóðaratkvæðagreiðslu á kjörtímabilinu hvort aðildarviðræðum skuli haldið áfram. http://www.xd.is/malefnin/utanrikismal/

Vinstri hreyfingin - grænt framboð:
Landsfundur Vinstri grænna telur að Íslandi sé best borgið utan ESB en vill ljúka aðildarviðræðum við ESB og setja ferlinu tímamörk, til dæmis 1 ár frá kosningum. Þjóðin kjósi síðan um niðurstöður aðildarviðræðnanna. Vinstrihreyfingin – grænt framboð mun ennfremur beita sér fyrir því að tryggðar verði breytingar á stjórnarskrá þannig að þjóðaratkvæðagreiðslan um ESB verði bindandi en ekki aðeins ráðgefandi. 
http://www.vg.is/wp-content/uploads/2013/02/alyktanapakkinnallur_loka_efnisyfirlit.pdf
 

Lýðræðisvaktin: Við viljum
•  Að ákvörðun um inngöngu í ESB verði ekki tekin nema í bindandi þjóðaratkvæðagreiðslu í samræmi við ákvæði nýrrar stjórnarskrár
Aðild að ESB felur í sér framsal á fullveldi. Þjóðin er yfirboðari Alþingis og hún ein getur ákveðið, hvort Ísland gengur í ESB eða ekki. Alþingi á aldrei að leyfast að taka ákvörðun um aðild að ESB upp á sitt eindæmi. Alþingi þarf að lúta vilja fólksins í landinu í öllum málum sem varða framsal fullveldis. Lýðræðisvaktin tekur ekki afstöðu til aðildar Íslands að ESB, þar eð málinu verður ráðið til lykta í þjóðaratkvæðagreiðslu.
• Ljúka samningaviðræðum við ESB
Samningaviðræður við ESB standa yfir og þeim ber að ljúka, svo unnt sé að halda áfram innan eða utan ESB í samræmi við vilja þjóðarinnar
http://xlvaktin.is/stefnan/veraldarvaktin/

Landsbyggðarflokkurinn: Engin stefna fannst um málaflokkinn.
http://www.landsbyggdin.is/n

Sturla Jónsson: Engin stefna fannst um málaflokkinn

Hægri grænir: 
Í hnotskurn:
• Þjóðaratkvæðagreiðsla innan 6 mánaða um hvort það eigi að halda áfram viðræðum.
• Nota reynslu ESB samninganefndar og niðurstöður hennar til þess að gera tvíhliða sérsamninga við ESB í anda Sviss.
• Endurskoða EES samninginn og setja í þjóðaratkvæði.
• Hlúa að EFTA samstarfinu, sem og öðrum fríverslunarsamningum.
• Þjóðin ræður alltaf – bindandi þjóðaratkvæðagreiðsla – beint lýðræði.
http://www.afram-island.is/stefnumal/esb-malefni/

Dögun: Um aðildarviðræður við ESB segir í Kjarnastefnu Dögunar:
„Við leggjum áherslu á opið og lýðræðislegt ferli, óháða upplýsingagjöf og fræðslu og treystum þjóðinni til að ráða niðurstöðunni. Ef aðildarviðræðum verður ekki lokið fyrir samþykkt nýrrar stjórnarskrár og þjóðin ákveður að hætta aðildarviðræðum í samræmi við 66. grein frumvarps Stjórnlagaráðs, munum við styðja þá niðurstöðu. Að öðrum kosti verði aðildarviðræður við Evrópusambandið kláraðar og niðurstaðan borin undir þjóðaratkvæði.“
http://xdogun.is/stefnan/stefna-dogunar-i-utanrikis-og-althjodamalum/


Píratar: Það er ekki hlutverk stjórnmálaflokka að taka afstöðu með eða á móti aðild en aftur á móti eiga þeir að vera undirbúnir undir hvora niðurstöðuna sem er.
http://www.piratar.is/stefnumal/

Björt framtíð: Löndum góðum samningi við ESB sem þjóðin getur eftir upplýsta umræðu samþykkt í þjóðaratkvæðagreiðslu.Þá opnast leið til gjaldmiðilssamstarfs við Evrópska seðlabankann (ERM II), sem strax getur aukið stöðugleika. Svo getum við tekið upp evru þegar skilyrði skapast til þess. Það er auðvitað ekki töfralausn en þó að öllum líkindum sigurstranglegasta leiðin í átt að efnahagslegum stöðugleika.
http://www.bjortframtid.is/aherslur/


Samfylkingin: Það er forgangsatriði jafnaðarmanna að halda aðildarviðræðum áfram af fullri einurð og að leggja fullbúinn samning í þjóðaratkvæði. Aðild að Evrópusambandinu og upptaka evru eru mikilvægasta skrefið í átt til efnahagslegs stöðugleika, hagvaxtar og betri rekstrarskilyrða fyrir heimili og fyrirtæki. http://www.samfylkingin.is/Portals/0/1_Skjalasafn/Landsfundur%202013/Stj%C3%B3rnm%C3%A1la%C3%A1lyktun%20Samfylkingarinnar%202013.pdf

Tekist á um efnahagsstefnuna í ESB

Eins og meðfylgjandi frétt ber með sér er mikill ágreiningur á milli Frakka og Þjóðverja þessa dagana um hversu langt eigi að ganga í sparnaðaraðgerðum í evruríkjunum. Þjóðverjar vilja halda sig við gömlu sparnaðarleiðirnar sem meira að segja fulltrúar AGS eru farnir að gagnrýna. Frakkar vilja hins vegar draga eitthvað úr sparnaðinum til að koma í veg fyrir frekari samdrátt í efnahagslífinu.

Óttast versnandi sambúð

Haraldur veðurfræðingur tætir í sig útreikninga Árna Páls, Marðar, Björgvins G. og Magnúsar Orra

Íslendingar sem tekið hafa óverðtryggð lán hafa undanfarin ár borgað ívið minna fyrir húsnæðislán en ýmsir aðrir íbúar Evrópu. Miðað við vexti Arionbanka og Írlandsbanka og verðbólguþróun eru Írar að borga helmingi meira að raungildi en Íslendingar af húsnæðisláni.

Þetta er inntakið í grein sem Haraldur Ólafsson, prófessor í veðurfræði, ritar og birt er í Fréttablaðinu í dag. Greinin ber heitið Írinn borgar þrjár íbúðir en Íslendingurinn tvær. Árni Páll og Samfylkingarfólkið hafa farið mikinn yfir því að húsnæðislánin séu dýr hér á landi, en Haraldur sýnir fram á með mjög einföldum hætti að þetta er alls ekki rétt miðað við algeng lán sem í boði hafa verið.

Framsetning Haraldar er mjög skýr og auðskilin og er grein hans endurbirt hér í heild, en feitletranir og undirstrikanir eru Heimssýnar.

Haraldur segir:

Fáar þjóðsögur eru lífseigari en sú að lánsfé sé óhemju dýrt á Íslandi, nema ef vera skyldi sú saga að með innlimun landsins í Evrópusambandið opnist flóðgáttir ódýrra peninga sem rigna muni yfir Íslendinga.

Viðskiptablaðið hefur eftir ummæli Björgvins G. Sigurðssonar á Alþingi 13. mars sl. um að Íslendingar greiði sem nemur aukaíbúð umfram aðra í formi hárra vaxta. Í Fréttablaðinu 10. apríl segir Magnús Orri Schram að Íslendingar borgi miklu meira fyrir íbúðir en aðrir. Ekki ósvipað stef kveður Mörður Árnason í Fréttablaðinu 18. apríl og margir aðrir hafa haft svipuð orð, oft í sama mund og vistin í Evrópusambandinu er lofuð og prísuð.

Raunvextir mæla verð á lánsfé, en það eru vextir að frádreginni verðbólgu. 7% vextir í 5% verðbólgu samsvara nærri 2% raunvöxtum. Fáir mundu telja slíkt leiguverð á peningum tilefni til sárra kvartana, þótt einhverjum gæti þótt 7% hátt hlutfall við fyrstu sýn. Miðað við verðbólgu 2012 og lán með föstum vöxtum til 5 ára í Arion banka eru raunvextir húsnæðisláns á Íslandi 2,3%. Í því evrulandi sem næst okkur er, Írlandi, eru raunvextir húsnæðislána í Írlandsbanka reiknaðir með sama hætti 3,6%. Að gefnum þessum forsendum óbreyttum og eins að tekið sé kúlulán fyrir öllu kaupverðinu má segja til samræmis við það orðfæri sem nú er vinsælt að eftir 30 ár borgi Íslendingurinn tæpar tvær íbúðir en Írinn tæpar þrjár íbúðir. Ekkert segir þó að þessi munur geti ekki breyst í hvora áttina sem er. Eins má vafalaust finna staði í Evrópu þar sem kjörin eru ýmist lakari eða betri fyrir lántaka en í Írlandsbanka.

Íslendingar sem tekið hafa óverðtryggð lán hafa undanfarin ár borgað ívið minna fyrir húsnæðislán en ýmsir aðrir íbúar Evrópu, en það hefur ekki alltaf verið þannig.

Raunvextir á Íslandi hafa oft verið 1-2 prósentustigum hærri en í nágrannalöndunum. Það ætti ekki að koma á óvart. Vextir ráðast m.a. af aldri einstaklinga í samfélaginu og vilja til sparnaðar, en hvorugt vinnur með lágum vöxtum á Íslandi. Ekki er á hinn bóginn augljóst samhengi milli stærðar myntsvæða og raunvaxta, enda eru raunvextir ekki bara breytilegir í tíma heldur líka milli landa á sama myntsvæði og jafnvel milli hreppa í sama landi. Eins er peningur misdýr eftir því hver lánar. Það þekkja þeir sem flutt hafa viðskipti sín milli banka eða sjóða á Íslandi. Einhvern tímann gæti sú staða komið upp að verð á lánsfé verði hátt á Íslandi, svo hátt að menn vilji grípa í taumana. Þá eru hæg heimatökin, því til er kerfi vaxtabóta og fjármagnstekjuskatts sem stilla má með einu pennastriki. Nú þegar er það kerfi reyndar keyrt á fullu þrátt fyrir að raunvextir séu lágir.

Nú er það svo að fyrrnefndir frambjóðendur sem tóku til máls um verð á lánsfé eru sómamenn, enda hafa þeir allir gefið kost á sér til að sinna fremur vanþakklátum þjónustustörfum fyrir þjóðina. Skiljanlega hafa þeir ekki haft tækifæri til að fara yfir skrýtnar vaxtatölur sem sveima um í umræðunni eins og draugar að nóttu. Þeim gefst vonandi góður tími til þess eftir kosningar.

Aðrir ákafamenn um innlimun Íslands í Evrópusambandið ættu svo að leita að öðrum og betri rökum en að með aðild Íslands komi miklir og ódýrir leigupeningar. Sú leit gæti reynst erfið og þá er hægast að hætta henni og snúa sér að þarfari málum. Það yrði auðvitað best fyrir alla.

Þorvarður vill ekki hafa Össur meirihluta ársins í Brussel á kostnað skattgreiðenda

Við eigum ekki að framselja sjálfstæði okkar til Brussel, ritar Þorvarður Hrafn Ásgeirsson í grein sem birt er í Morgunblaðinu í dag. Þorvarður Hrafn fer yfir söguna og vitnar til efni bókar sem Jón Jónsson Aðils gaf út árið 1903 þar sem fjallað er um forsendur velmegunar þjóðarinnar.

Þorvarður Hrafn segir í upphafi í grein sinni, sem ber heitið ESB-umræðan:

Nú líður að kosningum og keppast allir stjórnmálaflokkar við að koma sínum málefnum á framfæri. ........ Einn flokkur stendur upp úr með eina heildstæða lausn. Evrópusambandið. Þarf að segja meira? Nei, það finnst Samfylkingarmönnum ekki. Allt sem bjátar á hér á landi skal ESB laga. Svo einfalt er það.

Ég vil líta öðruvísi á hlutina. Við höfum ekkert í þetta samband að gera. Við höfum gnægð af orku, hreinu vatni og fiski í sjónum. Þeir sem eru hræddir um að við einangrumst geta verið alveg rólegir. Bandaríkin, sem eru ekkert annað en Ameríkusamband, hafa ekki útilokað sig frá erlendum mörkuðum. Þau halda áfram að stunda viðskipti við umheiminn, þ.m.t Ísland. Það sama á við um ESB. Evrópa getur ekki einangrað sig frá umheiminum þó svo að álfan hafi sameinast í eitt bandalag. Við höfum hreina vatnið sem þá mun vanta eftir nokkur ár. Við höfum fiskimiðin og við höfum óheyrilegt magn af grænni orku sem bíður þess að vera sett til vinnu. Þetta er allt eitthvað sem ESB mun arðræna okkur um ef við göngum í sambandið. Ég vil ekki taka þátt í þessu.

Jón Jónsson Aðils gaf út bók árið 1903 en það var samansafn af fyrirlestrum sem hann hafði haldið. Ég tel að það rit ætti að gefa aftur út núna 110 árum seinna því það á jafn mikið við okkur í dag og það gerði þá. Hann taldi það vera frumskyldu hvers Íslendings að verja frelsi þjóðarinnar. Það tel ég líka. Hann taldi að lykillinn að velmegun þjóðarinnar, bæði í lengd og bráð, væri sjálfstæði hennar. Það tel ég líka. Ég leyfi mér að vitna beint í orð hans en mér finnst þau einkar lýsandi fyrir þá sundrung sem á sér stað í íslensku þjóðfélagi í dag. „... og þegar þjóðin er... búin að bylta sér í trygðrofum, níðingsverkum og flokkadráttum, fyllir hún loks mæli sinna með því að ofurselja sjálfa sig og frelsi sitt útlendu stjórnvaldi. Hún afsalar sér sjálfsforræðinu, dýrasta hnossinu, sem hún á til í eigu sinni, og eftir það skiftir svo um, að það er eins og alt í einu sé tekið fyrir allan þroska, eins og lífæð þjóðarinnar sé stífluð.“

Við eigum ekki að framselja sjálfstæði okkar til Brussel. Ef sá dagur kemur munum við öll þreytast á því að hafa ekkert um okkar hagi að segja og mun því allur kraftur þverra úr þjóðinni. Ég bið þá sem þessa grein lesa að íhuga vel afstöðu sína í Evrópumálum áður en gengið er til kosninga. Persónulega vil ég ekki að Össur Skarphéðinsson sé úti í Brussel meirihluta ársins, á kostnað skattgreiðanda, að reyna að semja um inngöngu Íslands. Það er nóg að hugsa til þess að síðustu samningar sem ríkisstjórn Samfylkingar og Vinstri grænna fór fyrir endaði með því að það átti að binda komandi kynslóðir í skuldafjötra. Ég bið fólk að hugsa sig um áður en það treystir þeim aftur fyrir svo stóru hagsmunamáli.

„Það sem þjóðin áður var, það getur hún að vonum aftur orðið“. Ég hef fulla trú á þessum orðum Jóns Jónssonar Aðils en eingöngu ef við kjósum áframhaldandi sjálfstæði Íslands í næstu kosningum.