Kathrine Kleveland nýr formaður Nei til EU í Noregi

Á ársfundi norsku samtakanna Nei til EU sem berjast gegn aðild Noregs að ESB var Kathrine Kleveland kjörin nýr formaður samtakanna. Kathrine tók við af Heming Olaussen sem verið hafði formaður samtakanna síðastliðin 10 ár.

Kathrine Klveland hefur lengi verið virk í þjóðarhreyfingunni í Noregi gegn aðild að ESB. Hún hefur gegnt stöðu formanns í kvennasamtökum norskra bænda og er félagi í norska Miðflokknum.

Á myndinni má sjá Heming Olaussen, fráfarandi formann, og Kathrine Kleveland, nýkjörinn formann Nei til EU í Noregi þegar kjörinu hafði verið lýst um helgina.

Kathrine Kleveland hefur meðal annars vakið athygli fyrir þá skoðun sína að Norðmenn eigi að segja upp EES-samningnum. Hún segir það mjög undarlega stöðu að á meðan meira en 70% af Norðmönnum vilji ekki að Noregur gerist aðili að ESB hafi sambandið samt aldrei haft meiri áhrif í Noregi í gegnum EES-samninginn.

 

 

Fullveldishátíð Heimssýnar 1. desember

Fullveldishátíð Heimssýnar verður haldin á Hótel Sögu annað kvöld, mánudagskvöldið 1. desember 2014 klukkan 20.00 á Hótel Sögu. Hátíðarræðu flytur dr. Atli Harðarson, heimspekingur og fyrrverandi skólameistari Fjölbrautaskóla Vesturlands og nú lektor við Háskóla Íslands.

 

Fullveldishátíð Heimssýnar 1. desember 2014

Heimssýn fagnar fullveldisdeginum 1.desember næstkomandi mánudagskvöld í Snæfelli á Hótel Sögu klukkan 20.00 með fjölbreyttri dagskrá:

Hátíðarræða: Dr. Atli Harðarson fyrrverandi skólameistari, lektor við Háskóla Íslands.

Ávörp:  Jón Bjarnason, fyrrverandi ráðherra og formaður Heimssýnar.

Jóhanna María Sigmundsdóttir, alþingismaður og varaformaður Heimssýnar.

Halldóra Hjaltadóttir, formaður Ísafoldar, félags ungs fólks gegn ESB-aðild.

Tónlist: Hópur söngvara og hljóðfæraleikara flytur söngva úr Söngvasafni Sigurðar Þórarinssonar jarðfræðings.

Hljómsveitin Reggie Óðins flytur nokkur lög.

Þorvaldur Þorvaldsson syngur við undirleik Judy Þorbergsson.

Fjöldasöngur

Kaffiveitingar

Allir eru hjartanlega velkomnir

1.desember 1918 öðlaðist Ísland fullveldi á ný eftir áratuga og alda baráttu.

Stöndum vörð um fullveldið!

Verdens Gang: Allir í Noregi eru á móti aðild að ESB

Norska stórblaðið Verdens gang birti nýlega niðurstöðu skoðanakönnunar um afstöðu Norðmanna til aðildar að ESB. Niðurstaða blaðsins er sú að allir í Noregi séu á móti aðild að ESB.

Blaðið segir að konur og karlar á öllum aldri, í öllum landshlutum og úr öllum stjórnmálaflokkum séu sammála um að Noregur eigi ekki að sækja um aðild að ESB. 

Blaðið virðist þarna vera að skoða meirihlutaafstöðu í hinum ýmsu hópum. Niðurstöður skoðanakönnunarinnar eru þær þegar aðeins er litið til þeirra sem taka afstöðu að 72% Norðmanna myndu hafna aðild að ESB væri kosið um það núna. Aðeins 28% myndu kjósa aðild. Fólk undir þrítugu er mest á móti aðild. Þar myndu 78% kjósa gegn aðild.

Niðurstaða blaðsins er sú að norska þjóðin sé almennt á móti aðild að ESB. En það er gjá á milli þjóðarinnar annars vegar og þingsins, embættismannakerfisins og fjölmiðlanna hins vegar. Meirihluti Stórþingsins er fylgjandi aðild en hefur ekki þorað að taka málið upp þar sem góður og stöðugur meirihluti hefur verið meðal þjóðarinnar gegn aðild. Aðeins 27% af kjósendum Verkamannaflokks Jonas Gahr Störe er fylgjandi aðild og 64% eru á móti. Meðal kjósenda annars af stærri flokkunum, Íhaldsflokknum, flokki Ernu Solberg forsætisrráðherra, eru einnig fleiri kjósendur á móti aðild að ESB en með.

Í annarri könnun sem birt var nýlega kemur einnig fram að stór meirihluti norsku þjóðarinnar er á móti ESB-aðild. Nationen birtir niðurstöður könnunar þar sem fram kemur að 74 prósent þjóðarinnar eru á móti aðild og aðeins 16,8 prósent eru hlynnt aðild. Tæplega 10 prósent taka ekki afstöðu.

Fullveldishátíð 1. desember

Fullveldishátíð Heimssýnar verður haldin á Hótel Sögu annað kvöld, mánudagskvöldið 1. desember 2014 klukkan 20.00 á Hótel Sögu. Hátíðarræðu flytur dr. Atli Harðarson, heispekingur og fyrrverandi skólameistari Fjölbrautaskóla Vesturlands og nú lektor við Háskóla Íslands.

Allir eru velkomnir. 

Nánari upplýsingar um fullveldishátíðina:

 

Fullveldishátí 1. desember í Snæfelli – Hótel Sögu kl. 20:00

 

Fjölbreytt dagskrá:

Jóhanna María Sigmundsdóttir, alþingismaður og varaformaður Heimssýnar

Halldóra Hjaltadóttir, formaður Ísafoldar

Hljómsveitin Reggie Óðins

Þorvaldur Þorvaldsson

Judy Þorbergsdóttir, píanóleikari

Hópur söngvara og hljóðfæraleikara: Úr söngvasafni Sigurðar Þórarinssonar jarðfræðings

Fjöldasöngur

Jón Bjarnason fyrrverandi ráðherra, formaður Heimssýnar

Hátíðarræða:  Dr. Atli Harðarson fyrrverandi skólameistari, lektor við Háskóla Íslands. 

            Allir velkomnir

Þjóðaratkvæðagreiðsla um EES-samninginn?

Umræða um EES-samninginn er vaxandi í Noregi. Norðmenn fengu ekki að kjósa um samninginn á sínum tíma. Þótt samningurinn sé ekki nema mjög lítill hluti af ESB-regluverkinu og aðeins hluti ESB-reglna hverju sinni verði hluti af EES þá bætist við samninginn ár frá ári. Nú er svo komið að verkalýðshreyfingin í Noregi hefur vaxandi efasemdir um samninginn og þá sérstaklega hvernig hann þenst út.

Enn sem komið er styður meirihluti Norðmanna EES-samninginn. Æ fleiri vilja hins vegar spyrna við fótum gegn ýmsum nýjum tilskipunum sem hafa áhrif á norskt samfélag. Meginhreyfingin í Noregi er því í þá veru að staldra beri við og taka ekki sjálfkrafa upp allar tilskipanir sem frá ESB-koma. Minnihluti Norðmanna vill svo segja upp sjálfum samningnum. Í Osló er hafin söfnun undirskrifta í því skyni að knýja fram þjóðaratkvæðagreiðslu um samninginn.

Krafa um þjóðaratkvæðagreiðslu heyrist æ oftar og víðar. Því sjónarmiði hefur vaxið fiskur um hrygg að þjóðir eigi að fá að ákveða um mál sem miklu skipta í beinni kosningu. Er kannski komin ástæða til þess að ræða það frekar hér á landi hvort rétt sé að halda þjóðaratkvæðagreiðslu um EES-samninginn?

EES er aðeins brot af ESB

Því er haldið fram að Ísland sé svo gott sem í ESB þar sem landið sé bundið af EES-samningnum. Það er fjarri sanni. EES-samningurinn tekur ekki nema til um 10 prósenta af því sem fylgir ESB-aðild. Á tíu ára tímabili frá 2000 til 2009 voru 3.119 gjörðir samþykktar sem hluti af EES-samningnum. Á sama tíma voru samþykktar samsvarandi 34.733 gjörðir tengdar ESB. EES var sem sagt 9% af ESB.

Þótt það hafi verið hugsunin með EES-samningnum að koma Íslandi og öðrum EES-ríkjum hljóðlega bakdyramegin inn í ESB erum við að mestu laus við reglugerðarfargan ESB. Við höfum enn stjórn á utanríkis- og öryggismálum okkar, við stýrum enn sjálf helsta auðlindagrunni okkar, fiskimiðunum, og við höfum enn stjórn á landbúnaði okkar. Við erum laus við evruna, myntina sem á stærstan þátt í því að 25 milljónir manna eru atvinnulausar í ESB-ríkjunum. Með evru hefði bankakerfið á Íslandi stækkað enn meira og hraðar, bankakreppan orðið stærri og ríkið hefði verið þvingað til að ábyrgjast mun stærri hluta af skuldum bankanna. Gleymum ekki þeim einbeitta ásetningi leiðtoga ESB-ríkjanna í bankakreppunni að fá skattgreiðendur til að ábyrgjast skuldir bankanna likt og gerðist á Írlandi. Krónan hjálpaði okkur að koma efnahagsmálunum í betra horf og er nú svo komið að hagvöxtur er einna mestur á Íslandi af öllum Evrópulöndum.

Íslensk þjóð á það skilið að hún ráði sínum málum sjálf en ekki fámenn framkvæmdastjórn ESB sem hefur nánast einkarétt á því að leggja fram lagafrumvörp í ESB. 

Tryggjum lýðræðið, tryggjum sjálfsákvörðunarrétt þjóðarinnar - höldum okkur utan ESB.

ESB er friðarspillir

ESB hefur spillt friði með afgerandi hætti í nokkur skipti. Þegar Þjóðverjar knúðu það í gegn að ESB-ríki mynd viðurkenna Króatíu þótt landið uppfyllti ekki kröfur um stöðu minnihlutahópa stuðlaði það að stríði á Balkanskaga í lok síðustu aldar. Svipað má segja um afskipti ESB af stöðu mála á Sri Lanka og í Vestur-Afríku.

Þetta var meðal þess sem fram kom í erindi Lave K.Broch, varaþingmanns dönsku þjóðarhreyfingarinnar gegn ESB-aðild á hátíðarfundi samtakanna Nei til EU í Noregi í dag í tilefni af því að 200 ár eru liðin frá því að Norðmenn fengu stjórnarskrá og 20 ár frá því að Norðmenn höfnuðu síðast aðild að ESB í þjóðaratkvæðagreiðslu.

Í máli Broch kom fram að ESB hefði í mörgum málum unnið gegn ályktunum og áliti Sameinuðu þjóðanna og þannig grafið undan friðarviðleitni SÞ og ýmissa ríkja í Evrópu og víðar. Broch minnti meðal annars á friðarhlutverk Íslendinga á Sri Lanka sem ESB hefði spillt fyrir með þeim afleiðingum að á bilinu 40 þúsund til 70 þúsund manns voru drepnir í átökum Tamil Tígra og yfirvalda. Með því að setja Tamil Tígra á hryðjuverkalista gerði ESB stjórnvöldum á Sri Lanka auðveldar að grípa til hernaðaraðgerða og láta alla friðarviðleitni lönd og leið.

Í Vestur-Afríku lék ESB álíka óleik þegar sambandið gerði samning um fiskveiði við Marokko um hafsvæði sem Marokkó hafði engin lögleg yfirráð yfir, en þá stóðu yfir harðvítugar deilur Marokkó og nærliggjandi svæða í Vestur-Afríku.  

Juncker byggir sandkastala

Ýmsum þingmönnum í ESB-löndunum þykir sem fjárfestingaáform framkvæmdastjórnar ESB í þeim tilgangi að koma efnahagslífinu á fætur séu ekkert annað en sandkastalasmíð sem muni ekki skila tilætluðum árangri.

Enn sem komið er eru fjárfestingaáformin bara hugmyndir á blaði sem ræða þarf á þingi ESB og á þingum og í ríkisstjórnum aðildarríkjanna.

 

Lóan, vorboðinn ljúfi, veidd í net við Miðjarðarhaf

Styrmir Gunnarsson fjallar um það að fuglar hafi horfið frá Evrópu í stórum stíl. Á 35 árum hafa 400 milljónir fugla horfið af mannavöldum.

Í tilteknu Evrópulandi við Miðjarðarhafið hafa farfuglar verið veiddir í net, og með öðrum aðferðum, bæði vor og haust.

Veiðarnar eru mjög umdeildar í landinu en veiðimenn hafa fundið glufur í reglugerðum ESB til að halda þeim áfram. ESB virðist ekkert geta gert í málinu.

Skyldi lóunni og öðrum farfuglum hafa fækkað hér á landi á undanförnum árum vegna þessara veiða?

Aðlögun Landhelgisgæslunnar að ESB-stofnunum

Flóttamannastraumurinn yfir Miðjarðarhafið til Evrópu er stöðugur. Um helgina björguðu Ítalir um 600 illa búnum flóttamönnum á leið til Ítalíu. Þúsundir flóttamanna hafa streymt yfir hafið í ár og yfir þúsund látist.

Varðskipið Týr er á leið til gæslustarfa í Miðjarðarhafi,suður af Ítalíu, þar sem skipið mun næstu tvo mánuði sinna landamæragæslu fyrir Frontex, landamærastofnun Evrópusambandsins. Ráðgert er að varðskipið verði á þeim slóðum út janúar.

Verkefnið er að hluta til aðlögun íslenskra stofnana að stofnunum ESB.