Þýskir evruandstæðingar í sókn

Þýskir evruandstæðingar eru í sókn í Þýskalandi. Í gær var kosið til þings í tveimur ríkjum í austurhluta Þýskalands og heldur evruandstæðingum áfram að vaxa fiskur um hrygg frá ESB-kosningunum í vor.

 

Mbl.is segir svo frá: 

 

Þýski stjórn­mála­flokk­ur­inn AfD vann sig­ur í dag í þing­kosn­ing­um í tveim­ur ríkj­um í aust­ur­hluta Þýska­lands sam­kvæmt út­göngu­spám en helsta stefnu­mál flokks­ins er að Þjóðverj­ar segi skilið við evr­una og taki upp þýska markið sem gjald­miðil sinn á nýj­an leik.

Flokk­ur­inn AfD, eða Val­kost­ur fyr­ir Þýska­land, var stofnaður fyrr á þessu ári og náði góðum ár­angri í kosn­ing­um til Evr­ópuþings­ins síðasta vor. Flokk­ur­inn hlaut 10% í kosn­ingu í Thur­ingen og 12% í Brand­en­burg. Fyr­ir tveim­ur vik­um fékk flokk­ur­inn að sama skapi þing­sæti á rík­isþingi Sax­lands. 

Þýskir evruandstæðingar í sókn

Evran kemur ekki til greina í Svíþjóð

Það fór fremur lítið fyrir utanríkismálum í sænsku kosningabaráttunni og evran komst ekki á blað. Allir flokkar fyrir utan Frjálslynda flokkinn eru á því að halda krónunni sem gjaldmiðli Svíþjóðar. Frjálslyndi flokkurinn fékk um 5% atkvæða.

Svíar telja sig hólpna að hafa verið lausir við evruna síðustu ár og hafa engin áform um að ræða nokkurn skapaðan hlut um hana.

 

 

Reinfeldt viðurkennir ósigur sinn

Umsókn um aðild að ESB formlega dregin til baka samkvæmt málaskrá ríkisstjórnarinnar

Fram kom í umræðum um stefnuræðu forsætisráðherra á Alþingi í kvöld að í málaskrá ríkisstjórnarinnar fyrir komandi þingvetur komi fram að þingsályktunartillaga um að draga til baka umsókn Íslands um inngöngu í Evrópusambandið verði lögð fram.

 

Það er mikilvægt að þetta komi fram, sérstaklega í ljósi þeirrar ósvífni ESB að skilgreina Ísland enn sem umsóknarland í sínum innri pappírum og áróðri.

 

Svo segir í frétt mbl.is um þetta: 

 

 

Fram kem­ur í mála­skrá rík­is­stjórn­ar­inn­ar fyr­ir kom­andi þing­vet­ur að þings­álykt­un­ar­til­laga um að draga til baka um­sókn Íslands um inn­göngu í Evr­ópu­sam­bandið verði lögð fram. Þetta kem­ur fram í þeim hluta mála­skrár­inn­ar sem fjall­ar um mál sem heyra und­ir Gunn­ar Braga Sveins­son ut­an­rík­is­ráðherra.

Tekið er fram að tíma­setn­ing fram­lagn­ing­ar þings­álykt­un­ar­til­lög­unn­ar liggi hins veg­ar ekki fyr­ir og þeim mögu­leika haldið opn­um eft­ir sem áður að slík til­laga verði ekki lögð fram. Orðrétt seg­ir: „Til­laga til þings­álykt­un­ar um að draga til baka um­sókn um aðild að Evr­ópu­sam­band­inu. Tíma­setn­ing fram­lagn­ing­ar, ef til kem­ur, ligg­ur ekki fyr­ir.“ 

Stefnt að afturköllun umsóknarinnar

Sjávarútvegsmálin hornreka hjá nýrri framkvæmdastjórn ESB

Það er varla litið á sjávarútvegsmál sem alvöru atvinnugrein hjá ESB. Það kemur því ekki á óvart að lítt þekktur fulltrúi lands sem stundar fyrst og fremst tómstundaveiðar sé látinn gegna stöðu framkvæmdastjóra sjávarútvegsmála.

Það er Maltverjinn Karmenu Vella sem sagður er taka við sjávarútvegsmálunum. Hans reynsla af sjávarútvegsmálum miðast við frásagnir annarra af 20 feta löngum tómstundaveiðibátum sem áhugamenn gera út hluta úr ári með annarri vinnu. Áhugafiskveiðimenn á slíkum bátum afla bróðurparts af þeim fiski sem landað er á Möltu, en heildarveiði þeirra nær ekki nema örlitlum hluta af veiðum Íslendinga.

Vandi í ríkisfjármálum í evruríkinu Frakklandi

Evruríkin hafa ósjaldan ekki náð þeim markmiðum sem þau setja sér um hallalítinn ríkisrekstur. Nú tilkynna Frakkar að það muni dragast að þeir muni ná markmiðum ESB um að halli ríkissjóðs verði ekki meiri en 3% af vergri landsframleiðslu.

Ástæðan er sú að tekjur franska ríkisins eru minni en ella vegna þess að hagvöxtur í landinu er sáralítill.

Svo greinir mbl.is frá málinu: 

 

Útlit er fyr­ir að Frakk­ar muni ekki ná mark­miðum Evr­ópu­sam­bands­ins um halla á fjár­lög­um fyrr en árið 2017. Er þetta tveim­ur árum síðar en stefnt var að.

Fjár­málaráðherra Frakk­lands, Michel Sap­in, kynnti þetta i morg­un en sam­kvæmt ESB á halli á fjár­lög­um aðild­ar­ríkja ekki að nema meira en 3% af vergri lands­fram­leiðslu. Til stóð að mark­miðið myndi nást á næsta ári en nú er ljóst að svo verður ekki. Sap­in seg­ir að hall­inn á fjár­lög­um verði 4,3% á næsta ári  en í ár 4,4%.

Að sögn Sap­in verður hag­vöxt­ur lít­ill í ár eða 0,4% en und­an­farna tvo árs­fjórðunga hef­ur eng­inn hag­vöxt­ur mælst í Frakklandi. 

Ná ekki markmiðum ESB

Viðræður eða ekki viðræður við ESB?

ESB ætlar að halda áfram viðræðum við umsóknarríki. Ísland er skilgreint sem umsóknarríki, meira að segja á landakortum sem skrifstofubáknið í Brussel gefur út. Utanríkisráðherra Íslands segir að engar viðræður séu í gangi við ESB, né séu þær fyrirhugaðar. Þarna mætast ósamrýmanleg markmið. Hvor hefur sitt fram næstu árin, stækkunarstjóri ESB eða utanríkisráðherra Íslands?

Meðfylgjandi er tengill í frétt mbl.is um þetta. 

Viðræðum haldið áfram við umsóknarríki

Hljóðleg áminning um stefnu ríkisstjórnarinnar í ESB-málum

Hópur fólks sem er andvígur inngöngu Íslands í ESB tók sig til og minnti á stefnu ríkisstjórnarflokkanna og stjórnarinnar í heild í ESB-málum við setningu Alþingis í dag. Þarna var um þögula áminningu til stjórnarinnar að ræða og fór athöfnin vel fram í alla staði, ekki síður en setning Alþingis sjálfs.

Meðfylgjandi eru myndir sem Morgunblaðið birti meðal annars af áminningunni við þingsetninguna.

  

 

Ríkisstjórnin minnt á stefnuna á Austurvelli

Í tilefni af setningu Alþingis ætla nokkrir félagar í Heimssýn að hittast á Austurvelli á þingsetningardeginum, þriðjudaginn 9. september klukkan 13. Félagarnir ætla að standa saman í kyrrðarstöðu við styttu Jóns Sigurðssonar.

 

Þeir sem eru viljugir til að taka þátt í þessu vinsamlegast mæti á skrifstofu Heimssýnar, Lækjartorgi 5 á milli 12 og 13. Sími hópsins er 825 0088.

Stöðugur og góður meirihluti gegn aðild að ESB

Það er alveg sama hvað ESB-aðildarsinnar reyna þessa dagana: Það er stöðugur og góður meirihluti Íslendinga sem er þeirrar skoðunar að best sé að Ísland sé utan ESB.

Annars er ýmislegt óljóst með þessa könnun eins og sjá má hér. 

Fréttin á mbl.is er birt hér í heild sinni: 

 

Meiri­hluti and­víg­ur aðild að ESB

Nor­d­en.org

Meiri­hluti Íslend­inga er and­víg­ur aðild að Evr­ópu­sam­band­inu sam­kvæmt niður­stöðum nýrr­ar skoðana­könn­un­ar sem Capacent gerði fyr­ir sam­tök­in Já Íslandsem hlynnt eru aðild að sam­band­inu. Spurt var í skoðana­könn­un­inni hvernig aðspurðir myndu greiða at­kvæði ef kosið yrði um aðild að ESB. 54,7% sögðu að þau myndu hafna aðild en 45,3% að þeir myndu styðja hana. 

Greint var frá niður­stöðum skoðana­könn­un­ar­inn­ar á aðal­fundi Já Ísland sem fram fór í dag. Sam­kvæmt henni er meiri­hluti kjós­enda Fram­sókn­ar­flokks­ins (92%) og Sjálf­stæðis­flokks­ins (83%) and­víg­ur aðild að ESB en meiri­hluti kjós­enda Sam­fylk­ing­ar­inn­ar (89%), Bjartr­ar framtíðar (81%), Vinstri­hreyf­ing­ar­inn­ar - græns fram­boðs (55%) og Pírata (55%) hlynnt­ir henni.

Skoðana­könn­un­in var gerð dag­ana 29. júlí – 10. ág­úst 2014. Um var að ræða net­könn­un meðal 1.500 manns á öllu land­inu, 18 ára og eldri sem voru hand­vald­ir úr Viðhorfa­hópi Capacent Gallup. Þátt­töku­hlut­fall var 54,6%. 

Meirihluti andvígur aðild að ESB

Draghi blæs sig bláan í glæður evrunnar

Seðlabanki Evrópu reynir að blása í glæður atvinnulífsins í evrulöndunum. Lítið dugar. Hvenær gefst Draghi upp á þessum blæstri og reynir nýja lífgunaraðferð fyrir efnahagslíf Evrópu sem er nánast í kyrrstðöðu.

Seðlabanki Evrópu lækkar stýrivexti