Leita í fréttum mbl.is

Bloggfærslur mánaðarins, maí 2017

ESB yfirgefur Evrópu

Það er ESB sem er að yfirgefa Bretland og í raun alla Evrópu þar með. Það er ESB sem hefur komið efnahagsmálum nokkurra ríkja í óbærilega stöðu. Það er ESB sem hefur kaffært aðildarþjóðir með tilskipunum. Það er ESB sem hefur skert frelsi einstaklinganna.

Í þessari frétt mbl.is kemur fram að Jean-Claude Juncker, forseti framkvæmdastjórnar ESB,seg­i út­göngu Breta úr ESB (Brex­it) vera harm­leik sem að hluta megi rekja til fortíðar­vanda sam­bands­ins. 

Ennfremur segir mbl.is:

Þetta kom fram í ræðu Juncker í Flórens í morg­un en hann var­ar við því að framund­an séu erfiðar samn­ingaviðræður við Breta. Hann virðist hins veg­ar vera sátt­fús­ari en áður. 

„Vin­ir okk­ar í Bretlandi hafa ákveðið að yf­ir­gefa okk­ar, sem er harm­leik­ur,“ sagði Juncker á ráðstefnu í Flórens á Ítal­íu. 

Hann seg­ir að það megi ekki van­meta mik­il­vægi þess­ar­ar ákvörðunar sem breska þjóðin hafi tekið. Þetta sé ekk­ert smá­ræði og ræða verði við Breta með sann­girni að leiðarljósi. 

„En ég vil einnig ít­rekað það að ákvörðunin er al­farið Breta, ESB er ekki að yf­ir­gefa Bret­land. Þessu er öf­ugt farið. Þeir eru að yf­ir­gefa ESB,“ sagði Juncker í ræðu sinni og bætti við að grund­vall­armun­ur sé þar á. 

Juncker virðist sam­mála Bret­um um ým­is­legt varðandi ESB því hann talaði um veik­leika sam­bands­ins sem skýri að hluta ákvörðun bresku þjóðar­inn­ar í þjóðar­at­kvæðagreiðslu.

Evr­ópu­sam­bandið hafi stund­um farið offari, jafn­vel fram­kvæmda­stjórn­in: „Of marg­ar regl­ur, of mik­il inn­grip inn í dag­legt líf borg­ara okk­ar,“ sagði Juncker.

Juncker seg­ir að fram­kvæmda­stjórn­in hafi reynt að draga úr reglu­verk­inu og til að mynda séu reglu­gerðahug­mund­irn­ar nú 23 á ári í stað 130 áður. Eins væri lögð áhersla á að auka viðskipti, hag­vöxt og fjölga störf­um.

For­seti Banda­ríkj­anna, Don­ald Trump, hef­ur boðað heim­sókn sína til Brus­sel 25. maí og þar mun hann funda með Juncker og for­seta leiðtogaráðs ESB, Don­ald Tusk. Trump mun jafn­framt taka þátt í ráðstefnu NATO í borg­inni þenn­an sama dag.

Th­eresa May, for­sæt­is­ráðherra Bret­lands, hef­ur verið harðorð í garð ESB und­an­farna daga og sak­ar sam­bandið um að blanda sér inn í kosn­inga­bar­átt­una í Bretlandi. 


mbl.is Segir Brexit vera harmleik
Tilkynna um óviðeigandi tengingu við frétt

Lilja Björk segir evruna og ESB valda óstöðugleika

LBELilja Björk Einarsdóttir, bankastjóri Landsbanka Íslands, segir í nýlegu viðtali við Fréttablaðið að aðild að ESB og upptaka evru sé ekki raunhæfur kostur til að auka stöðugleika á Íslandi. Hún segir að í Evrópusambandinu sé enn til staðar djúpstæður efnahagsvandi, meðal annars í löndum eins og á Spáni, í Portúgal, Frakklandi og Grikklandi, sem hafi að stórum hluta verið sópað undir teppið. 


Hvað gerir sendiskrifstofa ESB hér á landi?

Þessi frétt vekur upp spurningar um það hvað sendiskrifstofa ESB hér á landi er að gera. Við munum jú eftir þeim hundruðum milljóna sem hún veitti til að hafa áhrif á umræðuna hér á landi fyrir fáeinum árum. Hvað þurfa hinir fjölmörgu starfsmenn sendiskrifstofu ESB hér á landi að vera að gera sem starfsmenn ríkja ESB-landanna hér geta ekki gert?

Sjá hér: Sendinefnd ESB tók á andstæðingum aðildar, segir Haraldur

 og hér:

Kynning á ESB efld

 


mbl.is Segir ESB reyna að hafa áhrif á kosningarnar
Tilkynna um óviðeigandi tengingu við frétt

Jón Baldvin viðurkennir fals, og óheilindi forystumanna jafnaðarmanna

jonbaldvinJón Baldvin Hannibalsson, fyrrverandi utanríkisráðherra, lætur í veðri vaka, nú á 25 ára afmæli EES-samningsins, að hann hafi aðeins átt að vera brú yfir í fulla aðild að ESB (EB eins og það hét þá). Andstæðingar Alþýðuflokksins héldu því ýmsir fram á sínum tíma að helstu hvatamenn EES trúðu því og vildu að EES yrði þessi brú. Fyrir þetta þrættu Alþýðuflokksmenn, að minnsta kosti framan af.

Nú, 25 árum seinna, viðurkennir Jón Baldvin falsið í forystumönnum Alþýðuflokksins. Hann segir í grein á Eyjunni: „EES-samningurinn hefur reynst vera mun langlífari en við, sem að honum stóðum í upphafi, gerðum ráð fyrir. Í okkar hugum var hann brúarsmíð, sem átti að brúa bil í sögulegri þróun, sem við gerðum ráð fyrir, að yrði skammvinnt.“

Alþýðuflokkurinn setti aldrei fram tillögu á Alþingi um að Ísland gerðist aðili að EB á þessum árum fyrir samþykkt EES-samningsins þótt flestir vissu reyndar að þangað stefndi hugur margra krata á þeim tíma. Ingibjörg Sólrún Gísladóttir kvennalistakona var þó heiðarlegri í þeim efnum þegar hún sagði að hún stæði klofvega á girðingu í málinu og vissi ekki í hvora áttina hún ætti að stefna.

Jón Baldvin dásamar samt EES - en gleymir því að EES-samningurinn var það fyrirkomulag sem auðveldaði hvað mest útrás íslensku bankanna fyrir hrunið - og sem gerði það að verkum að fjármálaáfallið hér á landi varð margfalt stærra en það hefði annars orðið.

Reynslan hefur hins vegar kennt Jóni að ESB er meingallað og að það er ekki fýsilegt fyrir Íslendinga að sækja þar um inngöngu. Hann segir í lokin á sínum pistli á Eyjunni: „Evrópusambandið er nú um stundir í tilvistarkreppu, sem ekki er séð fyrir endann á.“

Það er kannski kominn tími til þess að fara vandlega yfir EES-ferlið frá upphafi?

 

 


Frakkar hóta með Frexit

franceFranskir stjórnmálamenn átta sig nú á því að kjósendur í Frakkalndi vilja ekki hafa Evrópusambandið eins og það er. Þess vegna segir forsetaframbjóðandinn Emmanuel Macron að sambandið verði að breytast. Að öðrum kosti muni Frakkar yfirgefa sambandið, þ.e. velja Frexit.

Það er því ljóst að ESB mun breytast á næstunni. Brexit er í gangi og Frexit í uppsiglingu, verði ekki veruleg breyting á sambandinu.

Það er ekki nema von að forseti framkvæmdastjórnar ESB finnist hann vera í öðru sólkerfi en aðrir forystumenn í Evrópu.

 


mbl.is Frexit óumflýjanlegur án breytinga
Tilkynna um óviðeigandi tengingu við frétt

Verkafólk! Til hamingju með daginn!

utifasiHeimssýn óskar launafólki á Íslandi til hamingju með baráttudag verkafólks í dag og hvetur alla sem geta til að taka þátt í hátíðarhöldum í tilefni dagsins.

Á Íslandi teljum við sjálfsagt að hafa vinnu.

Í Evrópusambandinu eru um tuttugu milljónir manna án atvinnu. Þar er atvinnuleysi 8% en öllu meira á evrusvæðinu eða 9,5%. Á Íslandi er atvinnuleysið um 3%. Reyndar er munurinn á Íslandi og ýmsum Evrópusambandslöndum enn meiri vegna þess að í ýmsum ríkjum, sérstaklega í suðurhluta Evrópu, er varla um helmingur vinnufærs fólks á vinnumarkaði. Kreppan í ESB-löndunum hefur hrakið konur og eldri aldurshópa af vinnumarkaðinum. Þegar það er tekið með sést að atvinnuástandið í ýmsum ESB-löndum er mun verra en atvinnuleysistölur einar og sér segja.

 

 


« Fyrri síða

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 60
  • Sl. sólarhring: 355
  • Sl. viku: 2305
  • Frá upphafi: 1112090

Annað

  • Innlit í dag: 54
  • Innlit sl. viku: 2065
  • Gestir í dag: 54
  • IP-tölur í dag: 52

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband