Kveikur í graut

Sérkennilegur þáttur um peningamál var sýndur á sjónvarpsstöð sem kallar sig RÚV og margir kannast við.  Þátturinn ber nafnið Kveikur og var sýndur 5. desember síðastliðinn.

Í þættinum er margoft endurtekið að sum fyrirtæki á Íslandi geri upp í erlendri mynt, en slíkt standi heimilum ekki til boða.  Ekki er ljóst hvers konar uppgjör er vísað í, því eins og flestir vita skila hvorki einstaklingar né einkaheimili bókhaldi, hvað þá ársreikningum.  Það er hinn bóginn ljóst að mönnum er frjálst að semja um launagreiðslur í nánast hverju sem er, þar með talið evrum, dölum, salti eða gulli. Eins geta menn keypt útlenda peninga fyrir öll launin sín og geymt þá undir koddanum eða annars staðar þar sem hentar.

Þá má af sjónvarpinu skilja að með því að gera ekki upp krónum, heldur dölum eða evrum sé hægt að láta bókhald fyrirtækja líta svo vel út að það verði auðveldara að fá lán og að lánið verði jafnvel ódýrara en ef gert er upp í krónum.  Allt er það sérkennilegt og virðist byggjast á því að hægt sé að stunda bókhaldssjónhverfingar sem bankar sjái ekki í gegnum þegar þeir skoða rekstur og eignir fyrirtækja sem vilja fá lán. Hvað skyldu bankamenn segja um það?     

Ótalmargt fleira sem ástæða væri til að ræða frekar var kynnt í fyrrnefndum þætti, en eitt af því undarlegasta var þegar viðmælandi sagði undir lok 9. mínútu þáttarins að raunvextir á íbúðalánum á Íslandi væru rúmlega 10%.  Eins og flestir vita er það ekki rétt.  Raunvextir á íbúðalánum í stærsta banka Íslands eru rúmlega 3%.  Öllum getur orðið á og í beinni útsendingu verða mismæli ekki löguð eftir á. Hér er á hinn bóginn ekki bein útsending, heldur þáttur þar sem klippt er út og suður og allt hægt að laga og leiðrétta.  Það er samt ekki gert. Þáttastjórnandi leiðréttir viðmælandann ekki og tökumaður slekkur ekki og byrjar upp á nýtt eins og venjan er þegar viðmælandi ruglast í ríminu. Ekkert er heldur lagað í vinnslu þáttarins.  Það vekur óneitanlega upp spurningar um hversu vel þeir sem að verkinu standa skilja það sem fjallað er um.  Eru áhorfendur kannski að horfa inn í einhvers konar hliðarveruleika þar sem allt er í graut og óljós tengsl við raunveruleikann?

 

Bragarbót

Heimssýnarbloggið mætti að mati sumra færa fram fullveldisrökin í bundnu máli.  Það er vandalaust, því flest skáld eru vitaskuld fullveldissinnar.  

 

Guðjón Bragi Benediktsson ríður á vaðið.  Við tökum við fleiri kvæðum til birtingar og ævarandi varðveislu. 

 

Skattajól

 

 

Ísalands landráða fól

á Alþingi eiga sér skjól

Þar stimpla þeir evrópsk skjöl

Í pokanum óhreint mjöl

 

 

Þeir skattleggja flug og frakt

sem forríkra eykur makt

En láglaunamaðurinn blæðir

því vöruverð stígur í hæðir

 

 

Loftslags landráðfól

losunarheimildir skerða

sultaról almúgans herða

Ísafoldar  eykst nú böl

Í lífskjarafangelsið vantar þjöl

 

 

Ísalands Quislinga hjörð

Svipa köld og hörð

á eigin þjóð -hve dapurt það ljóð

Í þriðju þingmeðferð haninn gól

Svikastjórn býður gleðileg jól

 

Guðjón Bragi Benediktsson

Grafið undan lýðræði

Valdaframsal til Alþjóðaheilbrigðisstofnunarinnar er áhygguefni.  Arnar Þór Jónsson hefur tekið saman minnisblað um málið sem vísað hefur verið til hér og finna má á Moggabloggi Arnars Þórs.  Í nýlegri færslu tekur hann saman nokkra punkta sem ástæða er til að endurtaka hér.  Þeir eru:

• WHO yrði veitt sjálfdæmi þegar kemur að því að lýsa yfir alþjóðlegri heilbrigðisvá (e. PHEIC) og leyft að víkka skilgreiningu á hættuástandi þannig að það nái til loftslagsbreytinga og umhverfisvanda. Þetta vald er hvergi temprað og hvergi gert ráð fyrir möguleika aðildarríkja / borgara til að leita endurskoðunar eða aftra því að WHO framlengi slíka yfirlýsingu um hættuástand með endurteknum hætti.
• Tilmæli sem áður bundu ekki aðildarríki eiga nú að verða bindandi gagnvart þeim, auk þess sem bætt er við ákvæðum um eftirlit af hálfu WHO og jafnvel refsiaðgerðir gagnvart ríkjum.
• WHO yrðu veittar heimildir til að stýra upplýsingaflæði og beita ritskoðunarvaldi þegar kemur að gagnrýni og almennri umræðu. Þetta yrði gert undir því yfirskini að nauðsynlegt sé að berjast gegn röngum upplýsingum og upplýsingaóreiðu. Þessar áætlanir fela í sér aðför að lýðræðinu, því engin valdastofnun má fá einkaleyfi / skilgreiningarvald yfir sannleikanum.
• Nýju IHR reglurnar gera ekki ráð fyrir að valdinu sé dreift á fleiri hendur til að verja menn gegn valdníðslu og ofríki valdhafa. Þetta brýtur auðsjáanlega í bága við stjórnskipulegar undirstöður Íslands eins og annarra vestrænna ríkja.
• IHR reglurnar gera ekki ráð fyrir að handhafar valdsins hjá WHO beri neina ábyrgð gagnvart almenningi. Engin þjóð sem þekkir réttarsöguna kallar slíkt vald yfir sig án umræðu, því valdhafar sem bera enga ábyrgð munu fyrr eða síðar misnota það vald.
• IHR reglurnar ógna grundvallarmannréttindum og mannlegri reisn. Sú hætta telst raunveruleg í ljósi reynslu síðustu ára, því ef dómstólar veita ekki viðnám og kjósa jafnvel að líta fram hjá stjórnarskrárákvæðum eins og gert var hér á Íslandi í „kófinu“ þá er almenningur í reynd varnarlaus fyrir ofríki stjórnvalda. Fórnir fyrri kynslóða til að verja borgarana fyrir ofríki stjórnvalda með skýrum stjórnarskrárákvæðum mega ekki verða gengisfelldar með því að fólki sé gert að hlýða fyrirskipunum valdhafa og þóknast þeim í hvívetna.

Þótt helmingurinn af þessu væri oftúlkun, sem allt bendir til að sé ekki, væri málið mikið áhyggjuefni.  Alþingismenn komast ekki hjá því að taka á málinu næstu vikur og mánuði. 

https://arnarthorjonsson.blog.is/blog/arnarthorjonsson/entry/2296947/

Ísland fullvalda í 105 ár

Í dag höldum við upp á 105 ára afmæli fullveldis Íslands.   Segja má að fullveldið sé gjöfulasta auðlind Íslendinga, því án þess væri óvíst með nýtingu annarra auðlinda og allt eins líklegt að flest væri í doða og dáðleysi á Íslandi.

Fjölmargir Íslendingar taka reglulega til máls um mikilvægi fullveldis, og eftir því sem meira er sótt að fullveldinu, því fleiri verða raddirnar sem koma því til varnar. Hjörtur J. Guðmundsson er einn þeirra manna sem ekki hefur setið þegjandi.  Sómi er af skrifum hans á vefinn fullveldi.is. Hjörtur ritar fullvediskveðju á Fasbókarsíðu sína og gerum við hana að kveðju okkar til landsmanna:

 

Fullveldisdagurinn er í dag en á þessum degi árið 1918 varð Ísland sem kunnugt er frjálst og fullvalda ríki með gildistöku sambandslaganna við Danmörku. Lýðveldið var síðan stofnað 17. júní 1944. Höfðu Íslendingar þá verið undir erlendri yfirstjórn í rúma sex og hálfa öld. Sjálfstæðisbaráttu þjóðarinnar lauk þó hvorki 1918 né 1944. Fram að því snerist baráttan um það að endurheimta valdið yfir málum hennar en síðan um það að tryggja að það sem ávannst glatist ekki. Sjálfstæðisbaráttunni lýkur þannig aldrei frekar en annarri frelsisbaráttu.

Hér fyrir neðan eru nokkrar valdar tilvitnanir í valinkunna einstaklinga í tilefni dagsins:

 

„Veraldarsagan ber ljóst vitni þess að hverri þjóð hefir þá vegnað bezt þegar hún hefir sjálf hugsað um stjórn sína og sem flestir kraftar hafa verið á hræringu.“

Jón Sigurðsson forseti.

 

„Fylkið ykkur jafnan undir merki þeirra, er vilja vernda og efla íslenzkt þjóðerni og íslenzka tungu, og reynið ávallt að fylgja málstað þeirra sem berjast fyrir því sem er rétt, gott og fagurt.“

Margrét Jónsdóttir, skáld og höfundur ljóðsins Ísland er land þitt.

 

„Ranghverfð og öfugsnúin ættjarðarást hefur oft verið höfð við undirgosið, þegar blásið var að glóðum ófriðar. Slíkt er auðvitað að afhenda fjandanum góða Guðs gjöf …“

Sigurbjörn Einarsson, fyrrverandi biskup Íslands.

 

„Við þurfum að gera skýran greinarmun á heilbrigðri ættjarðarást annars vegar, virðingu fyrir landi og sögu og gleði yfir þeim góðu þáttum sem sameina okkur, og þjóðrembu hins vegar, drambi og tortryggni í garð annarra, öfgahyggju og þröngsýni.“

Guðni Th. Jóhannesson, forseti Íslands.

 

„Á þessum þjóðfrelsisdegi heiðrum við minningu þeirra ótöldu Íslendinga sem í orði og verki lögðu grunn að því þjóðríki sem við tókum í arf. Það er okkar að gæta fengins frelsis og við megum ekki gleyma liðinni tíð og tapa áttum. Staðfastur vilji til að ráða lífi okkar og gerðum skiptir meginmáli.“

Vigdís Finnbogadóttir, fyrrverandi forseti Íslands.

 

Valdaránskennslubókin

Af greinargerð Arnars Þórs Jónssonar verður varla annað séð en að fyrir dyrum sé stórfellt framsal á stjórnvaldi frá íslenskum stjörnvöldum til erlendrar stofnunar sem rekin að að stórum hluta af alþjóðlegum stórfyrirtækjum. 

Þetta gæti reynst Íslendingum dýrkeypt nái það fram að ganga!

 

https://arnarthorjonsson.blog.is/blog/arnarthorjonsson/entry/2296834/

 

 

Og við minnum á fullveldisfagnað á morgun.  Jakob Frímann mun mæla vel valin orð.  

 

Fullveldisfagnaður 1. desember 2023

 

Heimssýn fagnar afmæli fullveldis Íslands kl. 19:00 föstudaginn 1. desember næstkomandi.  Fundað verður við Álfabakka 14a í Mjódd. 

 

Jakob Frímann Magnússon, Arnar Þór Jónsson, Þorvaldur Þorvaldsson, Birgir Steingrímsson og Haraldur Ólafsson flytja stutt ávörp

 

Léttar veitingar

 

Allir velkomnir

 

Hver á að ráða heilbrigðismálum? - Skýrsla að lenda

Furðu lítil umræða hefur verið um samninga og samskipti við Alþjóðaheilbrigðisstofnunina (WHO) sem sækist eftir auknu valdi yfir þegnum jarðar. Þar er ýmislegt að varast og ekki er laust við að margir bíði óþreyjufullir eftir að fá að lesa það sem Arnar Þór Jónsson, fv. dómari hefur tekið saman um málið. 

Arnar Þór segir þetta m.a.í Morgunblaðinu:

 Á þessum vettvangi þurfa menn að standa vaktina og verja fullveldið, ellegar vera reiðubúnir að hafna breyttum reglum með beinni yfirlýsingu þar að lútandi. Vakandi hagsmunagæsla fellur undir starfshlutverk kjörinna fulltrúa. Fullveldisréttur þjóða er fjöregg þeirra og forsenda virks lýðræðis. Umræðu um þau mál á ekki að drepa á dreif eða reyna að jaðarsetja með órökstuddum fullyrðingum og óígrunduðum staðhæfingum. Ég skora á alþingismenn að kynna sér minnisblað sem ég hef unnið um þessi mál og sent verður þeim öllum síðar í dag. Þeirri hvatningu er sérstaklega beint til heilbrigðisráðherra og mun ég afhenda honum minnisblaðið í eigin persónu á fundi okkar í dag.

Hér verður skýrslan sem fengið hefur hið hógværa heiti "minnisblað" birt í dag, 30. nóvember 2023: 

https://arnarthorjonsson.blog.is/blog/arnarthorjonsson/entry/2296861/

Fullveldisfagnaður 1. desember 2023

Fullveldisfagnaður 1. desember 2023

 

Heimssýn fagnar afmæli fullveldis Íslands kl. 19:00 föstudaginn 1. desember næstkomandi.  Fundað verður við Álfabakka 14a í Mjódd. 

 

Arnar Þór Jónsson, Þorvaldur Þorvaldsson, Birgir Steingrímsson og Haraldur Ólafsson flytja stutt ávörp

 

Léttar veitingar

 

Allir velkomnir

 

 

Það vantar líka fleiri áskrifendur á Fasbókina:  https://www.facebook.com/groups/heimssyn

 

Samtalið sem lak

Það lekur meira en Landsréttur.  Þetta meinta samtal milli embættismanna á Íslandi og í Evrópusambandinu gengur manna á milli.  Það skýrir kannski hvers vegna ekkert heyrist frá útlendu sérfræðingunum sem komu til að leiðbeina við rýmingu og að spá eldgosi. 

 

E: Við fréttum að allt væri í hers höndum hjá ykkur á Íslandi

Í: Ætli þetta reddist ekki.

E: Það skiptir ekki máli.  Nú þarf að sýna samstöðuna.  Samstöðuna, maður! Má ég segja að þið hafið beðið um aðstoð og senda svo Alessandró og Eeví til þín? 

Í: Við höfum nú ágæt tök á þessu og það sér örugglega einhver í gegnum það, ef við förum að biðja ykkur um aðstoð.

E: Hvaða vitleysa, það sér aldrei neinn í gegnum neitt. Mundu svo að ef þú biður okkur að koma bjóðum við þér á næsta fund.  Og þarnæsta líka.  Og þann sem kemur á eftir, eins langt og augað eygir.

Í: Jæja þá.  Eins og ykkur sýnist.