Ekki upplýst umræða á Írlandi um Ísland

Þegar aðildarsinnar hér á landi eru ekki sáttir við afstöðu Íslendinga til ESB kvarta þeir yfir því að umræðan hér á landi sé ekki nægilega vel upplýst.

Meðfylgjandi frétt bendir nú til þess að umræðan á Íslandi sé oft upplýstari en á Írlandi.

Fjármálaráðherra Íra er hins vegar vorkunn. Það er talsverður misskilningur erlendis um það hvernig farið var með bankana á Íslandi í hruninu. Flestir eru hins vegar farnir að átta sig á því að almennur sparnaður var tryggður hér á landi, en að hluthafar og lánardrottnar hafi orðið fyrir miklu tjóni.

En ætli utanríkisráðuneytið sendi fjármálaráðherranum eða Iris Independent ekki leiðréttingar?

„Ísland vann engan sigur“

Athugasemdir

[Guðmundur Ásgeirsson, 3.2.2013 kl. 18:28]

Ef skoðað er betur í fréttina þá sést hvernig hann er í raun að snúa út úr staðreyndum um málsatvik. Svo blandar hann í þetta óskyldri umræðu varðandi aðgerðir vegna evrópsku fjármálakreppunnar.

Niðurstaða: áróður til heimabrúks.

Það verður að þagga niður meintan sigur Íslands, vegna þess að hann felur í sér þá gagnályktun að þeir sem hafa verið að véla um alla endurskipulagningu evrópska fjármálakerfisins að undanförnu séu fálmandi í myrkrinu og viti ekki hvað þeir gera. Sem er auðvitað rétt, en það má bara ekki fréttast því þá yrði hrun. Þetta mynstur þekkjum við Íslendingar alveg nógu vel til að sjá í gegn um það.

Ályktun: líklega skynsamlegt að viðhalda gjaldeyrishöftum hér um sinn þar til evrópska hrunið verður yfirstaðið. Þá mun það ekki skaða okkur.