,,Fávitar'' skilja ekki mun á þvingaðri aðlögun að ESB og venjulegum breytingum á reglum

Það hefur farið eitthvað fyrir brjóstið á ESB-aðildarsinnum að rætt sé um hina þvinguðu aðlögun sem felst í hinum svokölluðu aðildarviðræðum. Hin þvingaða aðlögun felst í því að Íslendingum er ætlað að uppfylla öll skilyrði Evrópusambandsins, þ.e. öll skilyrði væntanlegs samnings, áður en samningur er samþykktur.

Margir aðildarsinnar hafa áttað sig á þessu á síðustu misserum og mánuðum, en enn eru þó nokkrir sem vilja ekki skilja muninn á þessari þvinguðu aðlögun á meðan á viðræðum stendur og venjulegum breytingum á lögum og reglum.

Þetta sést á því að þeir halda því fram að Íslendingar hafi verið í aðlögun að ESB frá því þeir gerðust aðilar að EFTA og að hert hafi á aðlöguninni með EES-samningnum; á þessu og aðlögun nú sé enginn munur. Annað hvort skilja aðildarsinnar ekki muninn á fullri aðild að ESB og aðild að EFTA og EES, eða þeir líta bara þannig á að EFTA og EES séu ekkert annað en áfangar á leið inn í ESB.

EFTA og EES eru hins vegar fyrirbæri sem líta verður á sjálfstætt og óháð ESB-aðild.

Umræðan um að þjóðin eigi að fá að sjá hvernig mögulegur aðildarsamningur kemur til með að líta út er því tómt bull vegna þess að ferlið krefst þess að Íslendingar uppfylli samninginn áður en af honum geti orðið.

Þetta eru því í raun engar samningaviðræður heldur hrein og klár þvinguð aðlögun – og þetta er allt annað en felst í aðild að EFTA eða EES.

Líklega þurfa ESB-aðildarsinnar að fara á námskeið í Evrópufræðum til að skilja muninn. Alltént tala þeir sumir eins og „fávitar“ í þeim efnum núna.

Athugasemd: Með orðinu „fáviti“ hér er verið að vísa til orðanotkunar á vef Evrópusamtakanna í dag og orðið sett innan gæsalappa til að sýna í raun vanþóknun á þessari samræðuaðferð.

Athugasemdir

[Axel Jóhann Hallgrímsson, 1.3.2013 kl. 16:50]

Ekki verður annað séð af þessu greinarkorni að það sé almenn skoðun í Heimsýn að þeir sem ekki deila alfarið skoðunum með Heimsýnarfélögum séu FÁVITAR!

Það eitt og sér segir meira um félagsskapinn Heimsýn en meinta "fávita".

[Hilmar (IP-tala skráð) 1.3.2013 kl. 17:44]

Rétt Axel, þessi pistill er skrifaður í sameiningu af öllum félögum Heimsýnar, og ályktun þín um að allir Heimsýnarmenn séu vondir og kalli andstæðinga sína fávita er því réttmæt.

Ekki deili ég þessari skoðun allra Heimsýnarmanna, enda ekki Heimsýnarmaður, en verð þó að segja að sumir ESB sinnar séu algerir fávitar. Sérstaklega þeir sem ekki skilja það finlega háð sem finna má í þessum pistli.

Ekki er rétt að útskýra brandarann, heldur frekar bíða eftir fleiri ofurhneyksluðum Samspillingum, sem froðufella í magnvana bræði eins og heilagur Batoszek.

[Heimssýn, 1.3.2013 kl. 17:52]

Til skýringar hér skal nefnd að orðið „fáviti“ er í fyrirsögn innan eins konar gæsalappa og er þar vísað til greinarkorns sem er á vef Evrópusamtakanna. Þar eru þeir kallaðir fávitar sem hafa ekki sama skilning og tilteknir einstaklingar þar á bæ.

Því er umvöndundarkveðjum hér að ofan vísað til föðurhúsanna - eða skulum við segja - til Evrópuhúsanna.

[Heimssýn, 1.3.2013 kl. 17:54]

Orðið „nefnd“ á að vera „nefnt“ - og til nánar skýringar þá er ívitnuð grein hér: http://evropa.blog.is/blog/evropa/entry/1285574/ :

Pawel Bartoszek: Óþarfi að láta eins og fáviti!

[Heimssýn, 1.3.2013 kl. 18:00]

Sjá einnig um fjöllun um þetta á Eyjunni  - hér:  http://eyjan.pressan.is/frettir/2013/03/01/thad-tharf-enginn-ad-elska-brussel-thad-er-samt-otharfi-ad-lata-eins-og-faviti/

[Heimssýn, 1.3.2013 kl. 18:09]

Hér er líka umfjöllun um það hvernig ESB-sinnar velja þeim nöfn sem eru ekki sammála þeim:

http://pallvil.blog.is/blog/pall_vilhjalmsson/entry/1285605/

Það ætti nú að vera ljóst að framsetning á fyrirsögn í greininni hér að ofan er með þeim hætti að það er verið að gagnrýna málfutning ESB-sinna.

Heimssýn er síður en svo þeirrar skoðunar að þeir sem ekki taka undir með samtökunum séu það sem Pawel kallar sína skoðanaandstæðinga.

Þessi grein ætti að verða Evrópusamtökunum hvatning til að skoða aðeins framsetningu þeirra skrifa sem birtast á vefnum hjá þeim.

[Hilmar (IP-tala skráð) 1.3.2013 kl. 18:53]

Nú er Heimsýn búin að útskýra háðið í fjórum innleggjum. Þar með ætti helmingur Samspilltra ESB sinna að ná þessu.

Restin, Bloggarar hinnar heilögu vandlætingar, nær þessu aldrei.

[Ásthildur Cesil Þórðardóttir, 1.3.2013 kl. 19:38]

Já einmitt hehehehe...

[Helga Kristjánsdóttir, 1.3.2013 kl. 23:58]

Þeir sem rötuðu á INN,í kvöld sáu snerru sjónvarpsstjóra og jóns Snæhólm,s heimastjórninni,svona milli vina,Ingvi Hrafn vildi sjá samninginn,en Jón sagðist vita hvað í honum væri. Furðulega fáir gera sér grein fyrir að ESB krefst þess að Íslendingar uppfylli samninginn,áður en af honum geti orðið,er alltaf að reka mig á það.

[Ómar Bjarki Kristjánsson, 2.3.2013 kl. 02:23]

,,Hin þvingaða aðlögun felst í því að Íslendingum er ætlað að uppfylla öll skilyrði Evrópusambandsins, þ.e. öll skilyrði væntanlegs samnings, áður en samningur er samþykktur."

það er einfalt að afsanna þetta og það á þúsund vegu. það nægir þó að nefna, að ef þetta væri rétt, þá væri Ísland aðili að dreifbýlis og landbúnaðarstykjum ESB - áður en Aðildarsamningur að Sambandinu væri samþykktur.

Jafnvel ,,fávitar" hljóta nú að fatta hve mikið húmbúkk umræðan er svokölluð heimssýn hefur staðið fyrir varðandi ESB.

það er margbúið að fara yfir þetta aðlögunnarblaður heimssýnar og jafnoft afsanna. Sem vonlegt er.