Unga fólkið líður fyrir ESB-samninginn

Unga fólkið í ESB hefur séð og upplifað ESB-samninginn. Þessi samningur hefur rænt þau möguleikanum á að koma undir sig fótunum. Helmingur ungs fólks er án vinnu í nokkrum löndum og á stórum svæðum Evrópu.

Þetta er í raun það sem Martin Schulz, forseti Evrópuþingsins, er að segja í meðfylgjandi Moggafrétt. Hann segir að ESB kunni að hafa bjargað bönkunum en Evrópa hafi fyrir vikið tapað heilli kynslóð sem ekki kemst á vinnumarkaðinn.

Þetta er nöturlegur vitnisburður um ESB-samninginn. Unga fólkið í Evrópu hefur upplifað samninginn. Það er ekki hrifið af því hvernig samningurinn hefur leikið það. Þess vegna kýs það frekar sanna trúða í kosningum en stífpressaða skjalabera ESB.

Sjá nánar: Miklir óvissutímar framundan á evrusvæðinu

Evran er þaklaust hús segir einn fremsti hagfræðingur Evrópu

Evran veldur minni framleiðslu á mann á Ítalíu

Atvinnuleysi eykst enn á evrusvæðinu

Sérfræðingar hér á landi eru og hafa verið efins um evruna

Konur í ESB vinna kauplaust í 59 daga á ári

Evran heldur Evrópu niðri

Björguðu bönkum en gætu tapað kynslóð

Athugasemdir

[Jón Páll Garðarsson (IP-tala skráð) 11.3.2013 kl. 22:26]

Já, þeir í Evrópu ættu að taka sér til fyrirmyndar hvernig íslendingar gerðu það, létu bankana og ofurskuldsett fyrirtæki falla, afskrifuðu skuldir heimilanna og tryggðu vel launaða atvinnu fyrir alla.

Megi æðri kraftar forða oss frá þessu Evrópuböli til eilífðarnóns!

[Elle_, 11.3.2013 kl. 23:59]

Megi æðri kraftar forða oss frá þessu Evrópuböli til eilífðarnóns!

Nákvæmlega.

[Helga Kristjánsdóttir, 12.3.2013 kl. 00:06]

Megi óskir okkar uppfyllast.

[Pakkakíkir (IP-tala skráð) 12.3.2013 kl. 09:13]

Fáum við þá ekki ódýra kjúklinga?

[Helgi Jónsson (IP-tala skráð) 12.3.2013 kl. 14:03]

Já það er mikill blessun að vera ekki í ESB og guði sé lof að við búum á íslandi, landi þar sem engin spilling er og bankakerfinu var ekki bjargað með því að seilast í vasa skattborgarana og þar sem heilu og hálfu fyrirtækin urðu gjaldþrota og við skattgreiðendur látnir borga brúsann, og þar sem stjórnvöld þurfa ekki að draga okkar heitt elskuðu stjórnmálamenn til ábyrgðar eða hvað þá að draga þá fyrir rétt. Og unga fólkið, það þarf ekki að hafa áhyggjur hér því hér er framtíðin björt og falleg því að húsnæðisskuldirnar lækka og lækka og hér eru flokkar sem lofa að hafa allt eins og það hefur verið hér undanfarna áratugi, allt óbreytt...yndislegt. Og hér munum við hafa okkar yndislegu krónu áfram sem hefur bjargað okkur frá ógn alheimsins aftur og aftur og við þurfum ekki heldur að óttast að það séu trúðar í framboði hér til alþingiskosninga, bara stálheiðarlegt fólk og vel gefið.

[Elle_, 12.3.2013 kl. 17:17]

OK, en var nokkur að segja að Ísland væri dýrðlegt þó við viljum ekki að Frakkland og Þýskaland stjórni okkur?