Andstaðan eykst: Ríflega helmingur á móti aðild að ESB, tæplega þriðjungur með

Ef kosið yrði núna væri afgerandi meirihluti landsmanna á móti aðild að ESB. Yfir helmingur svarenda í könnun MMR, 51,4%, sagðist andvígur eða mjög andvígur aðild að ESB, og rúmur fjórðungur, eða 27,1% svarenda, sagðist hlynntur eða mjög hlynntur því að Ísland gangi í ESB. Samkvæmt þessu eru 21,5% hvorki hlynnt né andvíg aðild. Á undanförnum tveimur árum hefur andstaðan heldur farið vaxandi ef litið er á gögn MMR og stuðningur við aðild farið þverrandi.

Fréttir sem MMR segir frá árinu 2012, um gífurlega andstöðu við aðild að ESB, eru gamlar fréttir. Hið nýja í þróuninni, nýju fréttirnar, er það sem er að gerast undanfarna mánuði. Þá hefur andstaðan verið að aukast úr um 7% við mitt ár í tæplega 25% núna.

Rúmur helmingur á móti inngöngu

Athugasemdir

[Þorsteinn Halldórsson (IP-tala skráð) 13.5.2016 kl. 15:04]

svo komið þið bara með hrein lýgi ...eins og vanalega hjá XB mönnum. 

Sé hins vegar litið aftur til 2012 hefur andvígum fækkað um rúmlega tíu prósentustig. Á sama tíma hefur hlynntum fjölgað um tíu prósentustig.

[Heimssýn, 13.5.2016 kl. 16:31]

Reyndu aðeins að stilla þig, Þorsteinn, og ekki vera með þessi stóryrði. Við vitum að það eru alltaf einhverjar hreyfingar á fylgi. Ef þú skoðar fylgisbreytinguna síðustu tvö árin þá hefur munurinn á afstöðu þeirra sem eru fylgjandi og hinna sem eru á móti aukist úr um 7 prósentum í 23 prósent. Fréttir fjalla um það sem nýtt er. Það nýjasta í þessu er að andstaðan hefur aukist. Að vísu var hún meiri um mitt ár 2012 - en það eru gamlar fréttir.