Orkupakkinn er framsal fullveldis - segjum nei

Með þriðja orkupakkanum fær Evrópusambandið íhlutunarrétt í íslensk málefni, sem það hefur ekki í dag. ESB fær völd yfir raforkumálum Íslands - og þar með náttúru landsins - ef við gerum þau reginmistök að samþykkja orkupakkann.

Ísland varð að velmegunarríki samhliða sem þjóðin tók forræði sinna mála úr höndum Dana. Heimastjórnin 1904, fullveldið 1918 og loks lýðveldið 1944 voru áfangar til sjálfsstjórnar, sem er nauðsynleg forsenda velmegunar.

Látum það ekki henda okkur að gefa framandi yfirvöldum forræði yfir séríslenskum hagsmunum. Segjum nei við 3. orkupakkanum.

Frestar orkupakka

Athugasemdir

[Jóhann Elíasson, 2.3.2019 kl. 22:10]

Það þarf ekki að skoða þennan 3 orkupakka lengi til að sjá að til að samþykkja hann VERÐUR að breyta ANNARRI GREIN STJÓRNARSKRÁRINNAR.  En því miður eru engin viðurlög við því að brjóta gegn stjórnarskránni, eins og þingmenn virðast ætla að gera (með brosi á vör) þrátt fyrir að hafa svarið eið þess efnis að vinna eftir stjórnarskrá landsins.  SKYLDU BÍÐA ÞEIRRA FEIT EMBÆTTI Í BRüSSEL, SEM ÞEIR SJÁ Í HILLINGUM???????

[Jón Valur Jensson, 2.3.2019 kl. 22:40]

Réttilega spurt, Jóhann.

En þingmenn eiga ekki að komast upp með að brjóta stjórnarskrána.

Þeir hafa svarið eið að því að halda hana!

Hér kæmi sér nú vel, ef við hefðum stjórnlagadómstól og marktækan sem slíkan.

En samtök eins og Heimssýn ættu að geta kært stjórnarskrárbrot til Hæstaréttar Íslands, verði það reynt!

[Helga Kristjánsdóttir, 3.3.2019 kl. 20:25]

Gat nokkrum dottið í hug að það væri aðkallandi að koma Íslandi  upp stjórnlagadómsstóli,eða hvernig færi það fram utan Alþingis?

  Það koma ráð!