Stefán Ólafs: ESB-aðild veldur ójöfnuði

Helsti sérfræðingur landsins í málefnum jafnaðar, Stefán Ólafsson prófessor, sat ráðstefnu fræðimanna um kreppuna í Evrópu. Ísland kemur betur undan kreppu en öll samanburðarlönd, segir Stefán. Hann gerir samanburð á Íslandi og Írlandi og skrifar á bloggi sínu

Ísland og Írland voru með fyrstu þjóðum til að falla, er bóluhagkerfi þeirra sprungu. Mikill munur er á árangri Íslands og Írlands í að vinna bug á kreppunni. Ísland hefur verið á uppleið frá seinni hluta 2010 og var vöxturinn og kaupmáttaraukningin all kröftug 2011 og einnig nú 2012, en Írar virðast fastir á botninum eða jafnvel enn á leið niður. Írar lögðu mestar byrðar á lágtekjufólk en á Íslandi var sömu hópum mest hlíft við kreppuáhrifum.

Írar eru í Evrópusambandinu og með evru. Þeir eru enn í kreppu og verða um fyrirsjáanlega framtíð. Við bíðum spennt eftir bloggi frá Stefáni þar sem hann dregur rökrétta ályktun af fræðilegum niðurstöðum sínum og hafnar aðild Íslands að Evrópusambandinu.

Makríl-hagsmunum fórnað fyrir ESB-umsókn

Íslendingar veiddu makríl fyrir 26 milljarða króna í fyrra. Evrópusambandið telur sig eiga markíl-stofninn að stærstum hluta og neitar að opna sjávarútvegskafla ESB-umsóknar Íslands á meðan Íslendingar veiða makríl í óþökk sambandsins.

Helstu talsmenn ESB-umsóknarinnar í ríkisstjórnarmeirihlutanum, Össur Skarphéðinsson utanríkisráðherra og Árni Þór Sigurðsson formaður þingflokks vinstri grænna, gáfu út að ekki síðar en í sumar yrði sjávarútvegskaflinn opnaður.

Árni Þór Sigurðsson skrifaði nýverið blogg þar sem hann hvatti til að makríl-stofninn yrði ,,verndaður." Þar tekur Árni Þór undir sjónarmið Evrópusambandsins sem ætlar að ,,vernda" makríll fyrir veiðum Íslendinga.

Skrif Árna Þórs verða ekki skilin á annan veg en þann að ríkisstjórnin undirbúi uppgjöf í makríl-deilunni við Evrópusambandið. ESB-umsóknin verður okkur æ dýrari. 

Aðlögun að ESB über alles

Ríkisstjórnin heldur leyndu fyrir alþingi greinargerð tveggja lögfræðiprófessora, Bjargar Thorarensen og Stefáns Más Stefánssonar, um að þátttaka Íslands í verslun með mengunarheimildir brjóti í bága við stjórnarskrána vegna valdaframsals til Evrópusambandsins.

Ríkisstjórnin fékk samþykkt lög á alþingi rétt fyrir þinglok sem eru forsenda fyrir aðild Íslands að viðskiptum með mengunarkvóta. Rökin fyrir samþykkt laganna voru að Ísland myndi græða á þeim. Ríkisstjórnin tók á hinn bóginn ekki fram að framsal á fullveldinu til Brussel væri önnur forsenda fyrir aðild Íslands. Samtök atvinnulífsins kannast ekki við að hafa þrýst á um samþykkt laganna.

Ríkisstjórn Samfylkingar og Vinstri grænna vinnur hörðum höndum að aðlögun Íslands að Evrópusambandinu. Aðildin að kolefniskvótakerfi Evrópusambandsins er liður í þeirri aðlögun.

Þegar ríkisstjórnin hefur þvælt okkur inn í Evrópusambandið jafnt og þétt með aðlögun er búið í haginn fyrir þann áróður að við höfum ekki efni á að standa utan Evrópusambandsins.

„Þetta eru mjög ámælisverð vinnubrögð“

Evran hrynur eða verður plokkuð í sundur

Vaxandi grimmd á evru-svæðinu sést á því að nýmynduð ríkisstjórn í Grikklandi þorir ekki lengur að biðja um vægari skilmála hjá Evrópusambandinu vegna björgunarlána. Kreppan heldur áfram að bíta allt þetta ár og dýpkar á næsta ári.

Evrópusambandið reynir áfram að kaupa tíma með stöðugum neyðarfundum í von um að Eyjólfur hressist. Á meðan versnar ástandið.

Hagfræðingurinn Roger Bootlevann alþjóðlega verðlaunasamkeppni um bestu leiðina til að taka í sundur evru-samstarfið með sem minnstum hörmungum. Tillaga Bootle er að Þýskaland leiði útgöngu Norður-Evrópuríkja úr evru-samstarfinu. Frakkland yrði ankerið í Suður-Evrópu er héldi evrunni.

Bootle telur ólíklegt að farið verið að skynsamlegum tillögum um afbyggingu evru-samstarfsins. Reynslan hingað til er að pólitík byrgir yfirvegað mat. Meiri líkur eru á því að evran hrynji með hávaða og hörmungum annars vegar og hins vegar að jaðarríkin falli frá borði eitt af öðru.

Hvort heldur sem er þá er fyrirsjáanlegt eymdarástand á evru-svæðinu.  

2% samdráttur á Ítalíu í ár

Pólitísk upplausn á evru-svæðinu

Finnland segir upphátt bannorðið: evran gæti krafist svo mikilla fórna að það er ekki þess virði að bjarga henni. Pólitísk samstaða er að gliðna á evru-svæðinu og þar með er gjaldmiðillinn dæmdur. Samkvæmt Telegraph

The yield on Spain’s benchmark 10-year bond rose above the 7pc bail-out level amid fears that opposition in Germany and Finland could crush the rescue plans agreed in Brussels last week.

Jamm.

Mikil lækkun í Evrópu

Evran er kreppuvaldur

Ríkisfjármál Suður-Evrópuríkja eru ósjálfbær en fá ekki ,,náttúrulega" leiðréttingu með gengisfellingu þar sem þessi ríki eru í evru-samstarfi með öflugum ríkjum eins og Þýskalandi sem búa við jákvæðan viðskiptajöfnuð  er kallar á sterkt gengi.

Á meðan ekki greiðist úr ríkisfjármálum evru-ríkja dýpar kreppan og verður illviðráðanlegri. Í Þýskalandi mótmæla í opnu bréfi margir helstu hagfræðingar landsins síðustu tilraunum til að bjarga evrunni, sem m.a. eru fólgnar í að lána bönkum beint frá seðlabanka Evrópu.

Veikur efnahagsbati í Bandaríkjunum, líkur á harðri lendingu í Kína og upplausn evru-svæðisins eru þrjú merki um komandi efnahagslega storma.

Evran lækkar áfram

ESB er stofukommi 21stu aldar

Stofukommar voru þeir kallaðir sem dreymdi um byltingu í fjarlægð en dýfðu hendi helst ekki í kalt vatn. Stofukommar voru vestur-evrópskt fyrirbrigði sem drukku rauðvín á meðan blóðið flaut í austri.

Evrópusambandið er stofukommi 21stu aldar sem í fjarlægð frá veruleika fólks á norðurslóðum vill búa til veröld án sjávarnytja spendýra.

Skrifborð í glerhöll í Brussel vettvangur ákvarðana Evrópusambandsins. Það sést.

ESB hafnar hvalveiðum Grænlendinga

Stór-Evrópa, Ísland og Bretland standa utan

Evru-svæðið telur 17 ríki af þeim 27 sem mynda Evrópusambandið. Hugmyndir um Stór-Evrópu eru nauðvörn ríkjanna 17 til að halda lífinu í gjaldmiðlinum.

Stór-Evrópa er framhald af stórveldapólitík meginlandsþjóðanna sem má rekja allt aftur til Karlamagnúsar sem krýndur var árið 800.

Bretland, Norðurlönd og Ísland standa utan valdastreitunnar á meginlandinu. Umsóknin um aðild Íslands að Evrópusambandinu verður æ meira nátttröll.

Vill sjá Bandaríki Evrópu verða til

Þýska plottið um evruna

Tvær útgáfur af neyðarbjörgun evrunnar á leiðtogafundi ESB-ríkjanna í síðustu viku eru til umræðu í þýskum fjölmiðlum. Fyrri útgáfan er um uppgjöf Angelu Merkel kanslara gagnvart skuldugum Suður-Evrópuríkjum sem krefjast þýskra peninga í hítina.

Í Frankfurter Allgemeineer uppgjöfinni lýst á þann veg að engar reglur gildi lengur á evru-svæðinu um það hvernig skuli fara með opinbert fé. Í augum reglufastra Þjóðverja - Ordnung musst sein - er regluleysi í peningamálum versta martröð.

Seinni útgáfan af leiðtogafundinum í þýskum fjölmiðlum er að Merkel hafi séð við óbilgjörnum kröfum Hollande þeim franska, ítalska Monti og spænska Rajoy með því að setja í smáaletrið þýsk skilyrði fyrir fjárhagsaðstoð til óreiðuríkja.

Spiegel útskýrir flóttaleið Merkel um bakdyr evru-samstarfsins. Þar kemur m.a. fram að óríkistryggð lán til suður-evrópskra banka eru háð nýju bankaeftirliti, sem væntanlega verði sett upp að ströngum þýskum sið.

Á bakvið þýsku umræðuna, báðar útgáfur, glittir í þróun sem er um það bil á þessa leið: Þýskaland er búið að gefast upp á evrunni en getur ekki sagt það upphátt. Þýsk stjórnvöld kaupa tíma með því að gefa eftir kröfum Suður-Evrópu í orði kveðnu en halda fast í pyngjuna þegar loforðin eru útfærð. Enginn veit hvenær evran fer fram af bjargbrúninni en þangað stefnir hún.

Til að gefa Þjóðverjum hugboð um hvað taki við evru-samstarfinu er fordæmi Breta haldið á lofti. Bretar standa utan evru og eru um það bil að gefa Evrópusambandið upp á bátinn.

Evran styrkist gagnvart Bandaríkjadal

Ragnar Arnalds: ESB-andstaðan réð mestu

Ótti þjóðarinnar við umboðslausa för ríkisstjórnar Jóhönnu Sigurðardóttur til Brussel með fullveldið í gíslingu réð mestu um kjör Ólafs Ragnars Grímssonar í forsetakosningunum. Ragnar Arnalds, sem ásamt Guðna Ágústssyni og Guðmundi H. Garðarssyni fóru fyrir áskorunum til Ólafs Ragnars að gefa kost á sér á ný segir nýkjörinn forseta njóta stuðnings breiðs hóps kjósenda.

Ragnar, sem er virkur innan Vinstrihreyfingarinnar græns framboðs, segir um stöðuna í þeim flokki:

Flokkurinn mun ganga haltur og hokinn til næstu þingkosninga og sligast mjög undan þeirri þungu byrði sem hann tók á sínar herðar með aðildarumsókninni – nema því aðeins að hann varpi þessu óþverrahlassi af sér með góðum fyrirvara fyrir næstu kosningar og segi við Össur og Jóhönnu: Nú er nóg komið! Þessum könnunarleiðangri er lokið! Hingað og ekki lengra!

Kosinn bæði frá hægri og vinstri