Norðmenn falla ekki fyrir fagurgala Cameron

Norðmenn láta sér fátt um finnast þótt Cameron forsætisráðherra Breta reyni að beita Norðmönnum fyrir sig í baráttu sinni við Evrópusambandið, annað hvort sem víti til að varast eða mögulegum samherja. Styrmir Gunnarsson, fyrrverandi ritstjóri, skrifar um þetta á vef sínum og vitnar þar til greinar sem Katrhine Kleveland, formaður samtakanna Nei við ESB í Noregi, skrifar í breska blaðið Daily Telegraph.

Styrmir segir: 

Kathrine Kleveland: Utan ESB hafa Norðmenn frelsi til að velja sjálfir

 

Kathrine Kleveland, formaður samtakanna Nei við ESB í Noregi skrifar mjög athyglisverða grein í Daily Telegraph í tilefni af þeim orðum Davids Cameron, forsætisráðherra Breta, að Bretar vildu ekki feta í fótspor Norðmanna og standa utanESB.

Í greininni segir hún að andstaðan við aðild Noregs að ESB sé meiri en nokkru sinni fyrr. Aðal röksemdin fyrir því að standa utan ESB sé sú að með því haldi Norðmenn sjálfstæði sínu svo og lýðræðishallinn innan ESB. Staða Noregs væri jafnframt sterkari með því að ganga út úr EES samstarfinu en gera í þess stað tvíhliða viðskiptasamning við ESB.

Kleveland minnir á að Norðmenn hafi tvisvar sinum hafnað aðild að ESB í þjóðaratkvæðagreiðslum, 1972 og 1994. Nú séu 70% Norðmanna andvígir aðild. Mikilvægast er að með því að standa utan ESB haldi Norðmenn lýðræðislegum gildum sínum, bæði á landsvísu og í sveitarstjórnum.

Hún bendir á að þótt Brussel vilji líta á sig sem nafla alheimsins þá sé það ekki svo. Mikilvægasta alþjóðlega samstarfið á sviði umhverfismála, samstöðu og friðar fari fram utan vébanda ESB. Nágrannar Norðmanna, þ.e. Svíar, Danir og Finnar, sem allir eru aðilar að ESB hafi misst sæti sitt við samningaborðið, þar sem ESB semji fyrir þeirra hönd. Noregur taki þátt í slíku alþjóðlegu samstarfi, sem sjálfstætt ríki.

Þegar Norðmenn hafi fellt aðild í seinna skiptið hafi því verið haldið fram af aðildarsinnum að það mundi koma til efnahagslegs samdráttar og atvinnuleysis í Noregi. Á20 árum hafi komið í ljós að þeir spádómar hafi verið falskir spádómar. Norðmenneigi mikil viðskipti við Evrópuríki og atvinnuleysi sé mun minna í Noregi en í ESB-ríkjum.

Kleveland segir að þrátt fyrir EES-samninginn haldi Norðmenn sjálfstæði sínu á flestum sviðum sameiginlegrar stefnumörkunar ESB. Það eigi við um ESB sem tollabandalag og viðskiptasamninga við þriðju ríki. Í alþjóðlegum viðræðum um viðskiptamál komi ESB fram fyrir hönd allra aðildarríkja en rödd Norðmanna heyrist við það borð.

Og vegna þess að Noregur standi utan við sameiginlegu landbúnaðarstefnuna getiNorðmenn ákveðið landbúnaðarstefnu sína í samræmi við eigin þarfir. Og þar semNorðmenn standi utan við sameiginlegu sjávarútvegsstefnuna geti Norðmenn fundið það jafnvægi sem hentar þeim í fiskveiðum.

Norðmenn séu ekki aðilar að evrunni og geti þess vegna hagað peningastefnu sinni í samræmi við eigin hagsmuni. Norðmenn séu ekki aðilar að ESB og geti þess vegna ákveðið sína skatta sjálfir á sama tíma og ESB reyni að samræma skattlagningu allra aðildarríkja.

Sumir segi að vísu að vegna EES verði Norðmenn að samþykkja allar tilskipanir ESB. Staðreynd sé hins vegar sú, að flestar þeirra nái ekki til Noregs þrátt fyrir EES. Á tímabilinu2000 til 2013 hafi Norðmenn tekið upp 4723 tilskipanir og reglugerðir vegna EES. Á sama tíma hafi ESB-ríkin tekið upp í löggjöf 52183 slíkar tilskipanir. Af allri löggjöf ESBhafi einungis 9% ratað inn í EES-ríkin.

Að lokum bendir Kleveland á að með því að standa utan ESB hafi Norðmenn frelsi til að ákveða eigin vegferð heima og heiman. Þeir geti beitt ríkisfjármálastefnu og peningastefnu til þess að tryggja atvinnu og velferð þegna sinna, jafnvel á erfiðum tímum.

Að auki ráði þeir sem sjálfstætt ríki yfir auðlindum sínum. Utan ESB hafiNorðmenn frelsi til að velja sjálfir.

 

Krónan er ekki vandamálið, hún er lausnin

Sigmundur Davíð Gunnlaugsson, sem var gestur Sigurjóns M. Egilssonar í útvarpsþættinum Sprengisandi síðastliðinn sunnudag, sagði að krónan væri ekki vandamálið vegna hárra vaxta sem tíðkuðust hérlendis. Sigmundur sagði engin haldbær rök vera fyrir því að íslenska krónan sé vandamálið og þegar talið barst að evrunni sagði hann að mikill munur væri á vöxtum hjá löndum innan Evrópusambandsins og tiltók Þýskaland og Grikkland sem dæmi. Sigmundur sagði að evran væri rekin eftir því hvað henti Þýskalandi best hverju sinni sem hentar ekkert endilega öðrum þjóðum.

Við þetta má svo bæta að Frosti Sigurjónsson, formaður efnahags- og viðskiptanefndar Alþingis, sagði í hádegisfréttum Ríkisútvarpsins rétt í þessu að menn ættu að líta til þess hvernig hefði farið fyrir þjóðum sem gengið hefðu í björg gjaldmiðilsbandalags ESB, svo sem Grikkja og Íra. Þar væru vandamálin langtum stærri og langdregnari en hjá okkur. Krónan væri enn sem komið er besti kosturinn og fjölmörg og gild rök bentu til þess að skynsamlegast væri að hafa eigin mynt.

 

 

ESB kremur lýðræðið í Portúgal!

Hvað er hægt að segja annað um þessa frétt?

Tengill í hana er hér og einnig að neðan: 

Vill ekki vinstri­flokka í rík­is­stjórn

Vill ekki vinstriflokka í ríkisstjórn

Styrmir krefst gegnsæis og þjóðaratkvæðagreiðslu í ESB-málinu

Styrmir Gunnarsson, fyrrverandi ritstjóri Morgunblaðsins til áratuga, segir að landsfundur Sjálfstæðisflokksins hafi lagt blessun sína yfir algerlega ófullnægjandi afgreiðslu núverandi ríkisstjórnar á ESB-málinu. Því sé tímabært fyrir andstæðinga aðildar Íslands að ESB að átta sig á framhaldinu.

Styrmir segir að tvennt virðist blasa við:

Í fyrsta lagi er eðlilegt að sú krafa verði sett fram, að ríkisstjórnin upplýsi nákvæmlega um  samskipti og samráð milli utanríkisráðherra og forráðamanna ESB áður en hann sendi bréf sitt í marz, við hvaða svari var búizt og hvers vegna annað svar kom en sagt hafði verið frá á ríkisstjórnarfundi. Ennfremur hvort og þá hvaða samskipti fóru fram í kjölfar þess að annað svar kom frá ESB en búizt var við. 

Ennfremur verði upplýst frekar um efni samtala Sigmundar Davíðs Gunnlaugssonar, forsætisráðherra við forráðamenn ESB sl.sumar.

Auðvitað er eðlilegt að þessar spurningar séu bornar fram á Alþingi en nú háttar svo til aðþað er orðið sameiginlegt hagsmunamál stjórnarflokka og stjórnarandstöðuað láta málið liggja og hreyfa ekki við því. Þess vegna má nokkurn veginn ganga út frá því sem vísu, að hvorki þingmenn stjórnarflokka né þingmenn hinna hefðbundnu stjórnarandstöðuflokka á Alþingi beri fram slíka fyrirspurn.

En hvað um stærsta stjórnmálaflokk þjóðarinnar skv. skoðanakönnunum - Pírata?Gagnsæi í stjórnsýslu er eitt helzta baráttumál þeirra í stjórnmálum. Hvers vegna bera þingmenn Pírata ekki þessar spurningar fram á Alþingi til utanríkisráðherra og forsætisráðherra?

Til umhugsunar fyrir þingmenn Pírata.

Í öðru lagi er ljóst, þrátt fyrir það, sem á undan er gengið, að ríkisstjórnin á enn einaleið til þess að geta horfzt í augu við kjósendur eftir eitt og hálft ár. Hún getur staðið við fyrirheitið um aðkomu þjóðarinnar að málinu. Hún getur efnt tilþjóðaratkvæðagreiðslu haustið 2016 um spurninguna af eða á, vilja Íslendingar ganga í Evrópusambandið eða ekki.

Með því að efna til slíkrar þjóðaratkvæðagreiðslu gætu frambjóðendur stjórnarflokkannahorft í augun á kjósendum sínum.

Annars ekki. 

 

Evruandstæðingar sigra í Póllandi í dag

Ef fer sem horfir munu andstæðingar upptöku evru og nánara sambands við Evrópusambandið sigra í þingkosningunum í Póllandi í dag. Pólverjar telja það mikla mildi að þeir skuli ekki hafa verið búnir að taka upp evruna áður en evrukreppan hófst sem haldið hefur efnahagslífi Evrópu í ákveðinni spennitreyju síðustu árin.

Þessu tengt er að fróðlegt var að hlýða á Sigmund Davíð Gunnlaugsson forsætisráðherra útlista þá erfiðleika sem fylgja evrunni í viðtali í þættinum á Sprengisandi rétt í þessu. Hann sagði m.a. að hagstjórn undir evrunni miði fyrst og fremst við það efnahagsástand sem á sér stað í Þýskalandi.

Útlit fyrir stórsigur íhaldsmanna

Tómas Ingi Olrich talar skýrt um stjórnmálastöðuna

Tómas Ingi Olrich, fyrrverandi ráðherra, sendiherra og þingmaður fyrir Sjálfstæðisflokkinn, flutti athyglisverða ræðu á aðalfundi Heimssýnar á fimmtudagskvöldið. Þar fór Tómas Ingi vítt yfir sviðið og greindi þá þróun sem átt hefur sér stað í stjórnmálum hér á landi frá því fyrir fjármálahrunið, meðal annars um það hvernig nýjar átakalínur hafi orðið til og hvernig gildi hafa breyst.

Tómas Ingi sagði meðal annars eitthvað á þá leið að sjálfstraust þjóðarinnar væri nauðsynlegt til þess að stuðla að sem bestum hag. Skortur á sjálfstrausti og vanburðugar stjórnarstofnanir hér á landi væru vísasta leiðin til þess að hagur Íslendinga yrði fyrir borð borinn. Í því efni rakti Tómas Ingi reynslu sína af samskiptum við fulltrúa annarra þjóða á alþjóðlegum vettvangi og sagði að reglur þjóðríkjanna hefðu að jafnaði reynst sterkari og mikilvægari en reglur alþjóðastofnana. Tómas undirstrikaði að auðmýkt á alþjóðavettvangi, líkt og ýmsir hefðu sýnt að undanförnu, byði aðeins yfirgangi annarra heim. Þess vegna yrðu Íslendingar að standa fast á sínu og varast undirgefni við aðrar þjóðir eða alþjóðastofnanir.

Tómas sagði að skortur á sjálfstrausti, of mikil undirgefni gagnvart stjórnvöldum annarra ríkja eða alþjóðastofnana og upplausn í stjórnmálum hefði verið of einkennandi að undanförnu. Þessu tengdist krafan um svokölluð samræðustjórnmál og ótti við erfiðar ákvarðanir. Stjórnmálamenn væru of fljótt tilbúnir til að gefa eftir og semja og þessu tengt væri að margir vildu „kíkja í pakkann“ í Evrópumálum. Þessar aðstæður endurspegluðu skort á pólitískri forystu í landinu og almennan ótti við að taka af skarið.

Þá hafði Tómas orð á því að frelsi væri lykilatriði, m.a. í viðskiptum, að kapítalisminn væri verkfæri í þeim efnum en að varast bæri að setja viðskiptin á sams konar stall og gert hefði verið fyrir fjármálahrunið.

Tómas fór nokkrum orðum um skortinn í heiminum á vatni, matvælum og orku og um tengsl þess við umhverfismálin. Hann sagði að forsenda sjálfstæðis væri sjálfstæður aðgangur að matvælum og orku.

Þá tók Tómas það fram að það væri afstaða hans að það bæri að afturkalla umsóknina um aðild að ESB með skýrum hætti. Eins og staðan væri núna væri umsóknin bara í dvala og auðvelt væri að vekja hana til lífsins á ný.

 

Jón Bjarnason endurkjörinn formaður Heimssýnar

Á aðalfundi Heimssýnar sem haldinn var á fimmtudagskvöldið var Jón Bjarnason, fyrrverandi ráðherra og þingmaður, endurkjörinn formaður Heimssýnar, en hann hefur gegnt því embætti í eitt ár. Jóhanna María Sigmundsdóttir, þingmaður Framsóknarflokksins, var einnig endurkjörin varaformaður Heimssýnar, en hún hefur einnig gegnt því embætti í eitt ár.

Stjórn Heimssýnar var að öðru leyti að mestu óbreytt. Stjórnin kemur fjótlega saman til fundar og kýs í önnur embætti, svo sem gjaldkera, ritara og í framkvæmdastjórn. Nánari upplýsingar um það og um kjörið verða birtar fljótlega.

Á aðalfundinum flutti Tómas Ingi Olrich, fyrrverandi ráðherra, sendiherra og þingmaður Sjálfstæðisflokksins, yfirgripsmikla ræðu um utanríkismál og íslensk stjórnmál. Nánar verður greint frá henni fljótlega.

ESB er glapræði segir þingmaður Verkamannaflokksins

Fyrrverandi þingmaður breska Verkamannaflokksins, Austin Mitchell, segir í viðtali við Morgunblaðið í dag að það væri glapræði fyrir Íslendinga að ganga í ESB. Hann segist hafa varað Íslendinga við ESB. Þar sem Ísland reiði sig á fisk sé eina leiðin til að tryggja sjálfbærar veiðar að þjóðríkið ráði sinni eigin efnahagslögsögu. Hann segir fiskveiðistefnu ESB hafa stórskaðað sjávarútveg í Bretlandi.

Hryðjuverkalögin svartur blettur

ESB heldur hag aðldarþjóðanna niðri að sögn Junckers

Eins og meðfylgjandi frétt ber með sér er framtíðarsýn Jean-Claude Junckers, forseta framkvæmdastjórnar Evrópusambandsins, sú að ESB muni dragast aftur úr öðrum heimshlutum hvað hagþróun varðar. Ástæðurnar eru innri mótsetningar innan ESB, milli ríkja og hópa. 

Lesendur eru hvattir til að lesa meðfylgjandi frétt Morgunblaðsins.

 

Evr­ópu­sam­bandið stend­ur frammi fyr­ir efna­hags­legri hnign­un til lengri tíma litið og áfram­hald­andi samrunaþróun inn­an sam­bands­ins er í hættu. Þetta sagði Jean-Clau­de Juncker, for­seti fram­kvæmda­stjórn­ar Evr­ópu­sam­bands­ins, í ræðu sem hann flutti ný­verið í Madrid, höfuðborg Spán­ar, um framtíðar­horf­ur sam­bands­ins. Þetta kem­ur fram í dag áfrétta­vef breska dag­blaðsins Daily Tel­egraph.

„Efna­hags­lega horf­um við fram á enda­lok dýrðardaga Evr­ópu­sam­bands­ins sam­an­borið við það sem aðrir eru að gera,“ sagði Juncker og vísaði til annarra efna­hags­svæða og ríkja í heim­in­um. Draum­ur­inn um sam­einaða Evr­ópu væri í hættu vegna deilna á grund­velli þjóðern­is og aðskilnaðar­hreyf­inga. „Evr­ópu­sam­band­inu geng­ur ekki sér­lega vel og við verðum að sjá til þess að haldið verði lífi í metnaðarfull­um mark­miðum sam­bands­ins, von­um þess og draum­um.“

Juncker benti á að hlut­deild Evr­ópu­sam­bands­ins í lands­fram­leiðslu á heimsvísu yrði brátt ein­ung­is 15% á meðan 80% hag­vaxt­ar yrði í ríkj­um utan sam­bands­ins. Fram kem­ur í frétt­inni að meðal­ald­ur íbúa ríkja Evr­ópu­sam­bands­ins verði sí­fellt hærri og íbú­um þeirra fækki að sama skapi stöðugt. Þannig sé hlut­fall Evr­ópu­búa 7% af jarðarbú­um í dag sam­an­borið við 20% fyr­ir öld og gætu orðið ein­ung­is 4% í lok þess­ar­ar ald­ar.

„Lýðfræðileg staða okk­ar hef­ur veikst og verður þannig áfram,“ sagði Juncker. Þessi staða und­ir­strikaði nauðsyn þess að ríki Evr­ópu­sam­bands­ins stæðu sam­an. Réttu viðbrögðin við þess­ari stöðu væru ekki að skipt­ast í fylk­ing­ar á for­send­um þjóðern­is.

Dýrðardagar ESB á enda

Aðalfundurinn hefst í kvöld klukkan 19:30

Aðalfundur Heimssýnar hefst í kvöld klukkan 19:30 á Hótel Sögu. Sérstakur gestur fundarins verður Tómas Ingi Olricht, fyrrverandi menntamálaráðherra, þingmaður og sendiherra. 

Við hvetjum félaga í Heimssýn til að mæta og hlýða á afar áhugavert erindi Tómasar Inga, taka þátt í aðalfundarstörfum og kjósa nýja stjórn. 

Dagskrá verður með þessum hætti:

1. Venjuleg aðalfundarstörf samkvæmt samþykktum félagsins.
2. Erindi: Tómas Ingi Olrich, fyrrverandi ráðherra og sendiherra.
3. Önnur mál.

Með bestu kveðju og von um að sjá ykkur sem flest á fundinum í kvöld. 

Fundurinn hefst klukkan 19:30 á Hótel Sögu.

Framkvæmdastjórnin.