Erindi um Noreg og EES

Er Noregur að snúa baki við EES?

Morten Harper, rannsóknastjóri norsku samtakanna Nei við ESB
(Nei til EU), flytur fyrirlestur í sal 105 á Háskólatorgi 21. mars kl.
17:30 um breytta afstöðu í Noregi til EES-samningsins.

Á síðustu misserum hefur umræðan um EES í Noregi tekið nýja stefnu, bæði
hjá almenningi, stjórnmálaflokkum, verkalýðsfélögum, samtökum
og sérfræðingum í málefnum sem EES snertir. Morten hefur fylgst
með framkvæmd EES um árabil og skrifað greinar og skýrslur um
ýmis mál og rannsakað áhrifin af tilskipunum og öðrum
valdboðum frá EES í Noregi. Í fyrirlestrinum fjallar Morten um
þróunina í umræðunni og í framkvæmd EES-samningsins sem og um
mikil hagsmunamál á borð við 3. orkulagabálkinn. Hann
segir frá því hvernig umræðan um fullveldið og EES hefur þróast í
Noregi og fjallar um valkosti Noregs og þar með Íslands við
EES en breytingin sem verður með Brexit er síst minni fyrir Noreg
en Ísland.

Nei til EU hefur tvisvar afstýrt inngöngu Noregs í Evrópusambandið.

 

ALLIR VELKOMNIR! Fyrirlesturinn verður fluttur á ensku.

 

Heimssýn, Frjálst land, Herjan og Ísafold

 

 

Katalónar eru kanarífuglinn í búrinu

Líklega hafa um 4 milljónir manna í Evrópu katalónsku að móðurmáli, en um 9 milljónir tala málið.  Staða katalónsku innan Evrópusambandsins er í grófum dráttum engin. Slík er ást sambandsins á smáþjóðum sem þó eru margfalt stærri en Íslendingar. 

Laugardaginn 16. mars 2019 kl. 12.00 verður í Safnahúsinu í Reykjavík opinn fundur um málefni Katalóna og þar talar m.a. utanríkisráðherra Katalóníu.  Staða ýmissa katalónskra stjórnmálamanna er sérstök og minnir að nokkru leyti á stöðu Hákonar Noregskonungs á öndverðum 5. áratugi 20. aldar. 

 

http://ogmundur.is/greinar/2019/03/katalonia-til-umraedu-a-laugardag

https://www.facebook.com/tilrottaekrarskodunar/photos/gm.1136356616572347/1099882100202770/?type=3

Sjúkdómar og dauði í boði EES

EES-samningnum er beitt til að koma í veg fyrir að Íslendingar haldi landinu hreinu.  Allt bendir til þess að afleiðingarnar verði sjúkdómar og dauði fjölda fólks. 

Slíkt hefur reyndar aldrei raskað nætursvefni gamalla nýlenduvelda svo engum ætti að koma á óvart hver afstaða þeirra er.

Er ekki kominn tími til að Íslendingar hugi að því á hvaða vegferð þeir eru í EES-samstarfinu?

 

https://www.bbl.is/frettir/frettir/professor-i-syklafraedi-vid-hi-innflutningur-a-fersku-kjoti-gaeti-valdid-oafturkraefum-afleidingum/20634/?fbclid=IwAR1melrkwc65wmf5f5aVGZND3ZgesTHn8e9QqvriVyx_o0H9w4McRcvkgiw 

Frelsaðir

Formenn Viðreisnar og Samfylkingar vilja samþykkja orkubálk Evrópusambandsins í hvelli. Frumvarpið hefur að vísu ekki verið lagt fyrir Alþingi svo varla hafa þeir lesið það. 

Sumir mundu segja að það væri skylda þingmanna að kynna sér mál og taka svo afstöðu til þeirra eftir því hvort þau teldust þjóðinni til hagsbóta eða ekki.  Svo virðist sem formennirnir líti ekki svo á.  Allt sem kemur frá Evrópusambandinu líkar þeim vel. Skiptir þá engu máli þótt stór meirihluti þeirra eigin kjósenda sé andvígur málinu.

Það er svipuð afstaða og allra heitustu trúmenn hafa til guðs síns.   

 

https://eyjan.dv.is/eyjan/2019/03/05/vidreisn-og-samfylking-vilja-fa-thridja-orkupakkann-hid-snarasta/

Orkupakkinn er framsal fullveldis - segjum nei

Með þriðja orkupakkanum fær Evrópusambandið íhlutunarrétt í íslensk málefni, sem það hefur ekki í dag. ESB fær völd yfir raforkumálum Íslands - og þar með náttúru landsins - ef við gerum þau reginmistök að samþykkja orkupakkann.

Ísland varð að velmegunarríki samhliða sem þjóðin tók forræði sinna mála úr höndum Dana. Heimastjórnin 1904, fullveldið 1918 og loks lýðveldið 1944 voru áfangar til sjálfsstjórnar, sem er nauðsynleg forsenda velmegunar.

Látum það ekki henda okkur að gefa framandi yfirvöldum forræði yfir séríslenskum hagsmunum. Segjum nei við 3. orkupakkanum.

Frestar orkupakka

Ráðherra misskilur

 

Þórdís Kolbrún orkumálaráðherra lýsir andstæðingum orkulagabálks Evrópusambandsins sem andstæðingum markaðar og einkaeignaréttar.  

Ráðherra misskilur. 

Þeir sem vilja ekki gangast undir orkulöggjöf Evrópusambandsins hafa ýmsar skoðanir á markaðsmálum, en þeir eru sammála um að það sé rangt að afhenda erlendu ríkjasambandi völd í orkumálum á Íslandi.  

Það má gera tilraunir í markaðs- og eignaréttarmálum.  Þær eru afturkræfar.   Framsal á ríkisvaldi til stórvelda getur tekið árhundruð að endurheimta.

 

http://www.visir.is/g/2019190228790

Þórdís: Vinstri grænir eru markaðsflokkur

Þórdís Kolbrún iðnaðarráðherra segir þriðja orkupakkann frá ESB vera ,,markaðspakka" sem henni hafi tekist að selja Vinstri grænum í ríkisstjórn. Næsta skrefið er að kaupa Landsnet til að uppfylla skilyrði þriðja orkupakkans.

Evrópusambandið krefst þess að framleiðsla og flutningur raforku sé aðskilinn. Þess vegna ætlar Þórdís að kaupa Landsnet.

Merkilegast þó í ræðu Þórdísar er markaðsvæðing Vinstri grænna. Einu sinni báru Vinstri grænir þjóðarhag fyrir brjósti. Nú eru það markaðsöflin sem eiga að leika lausum hala um leið og fullveldi þjóðarinnar í raforkumálum er fórnað.

Hefja viðræður um kaup á Landsneti

Evrópusambandið leggur á Íslandsskatt

 

Evrópusambandið hefur í hyggju að krefjast forskoðunar vegabréfa fyrir þegna rúmlega 60 ríkja sem standa utan Schengensvæðisins.  Ekki er það ókeypis, því ferðaheimildin mun kosta 7 evrur og leggur vitaskuld vinnu og umstang á ferðamenn.  Yfir milljón Bretar, Bandaríkjamenn og Kanadabúar koma til Íslands árlega. Þeir verða rukkaðir sem og margir fleiri. 

Einhver mundi segja að ef svigrúm væri til að leggja sérstakan skatt á um helming ferðamanna á Íslandi mætti gera það og nýta til þarfra verkefna á Íslandi frekar en að borga fyrir verkefni sem Evrópusambandið hefur áhuga á og Íslendingum hafa þótt óþörf hingað til.       

Með því að deila með íbúafjölda í fjölda ferðamanna frá fjarlægum löndum má komast að því að ferðamannaskatturinn leggst um 50 sinnum þyngra á Ísland en Þýskaland, svo dæmi sé tekið.  Íslandsskattur er því réttnefni á þetta nýja gjald.

 

https://www.schengenvisainfo.com/etias/