Fjármálaeftirlitið til Brussel?

Norska ríkisstjórnin hefur lagt til að yfirstjórn norska fjármálaeftirlitsins verði færð til Brussel. Um þetta eru talsverðar deilur í Noregi. Óvíst er að ríkisstjórnin fái þetta í gegn því þrír fjórðu hlutar þingmanna verða að samþykkja framsal á fullveldi með þessum hætti.

Fróðlegt væri að kafa ofan í sambærilegt mál á Íslandi. Ríkir þar þögnin ein? Hver skyldi annars staða málsins vera hér á landi?

Frestur til að gera athugasemdir rennur út í dag!

ESB vill ráða sem mestu og steypa sem flestu í sama mót

Það er Boris Johnson á við er að ESB vill ná æ stærri hluta af efnahags- og stjórnmálavaldi frá aðildarríkjunum. Jafnframt vill ESB steypa sem flestu í sama mót. Hinn sýnilegi árangur í dag er umtalsvert atvinnuleysi, doði í efnahagslífi og upplausn í stjórnmálum og félagsmálum í álfunni.

Viljum við það?

 

Mbl. greinir svo frá:

Fyrr­ver­andi borg­ar­stjóri London, Bor­is John­son, sagði í viðtali í breska blaðið Sunday Tel­egraph í gær að Evr­ópu­sam­bandið væri að haga sér á sama hátt og nas­ist­a­leiðtog­inn Ad­olf Hitler með því að reyna að búa til of­ur­ríki í Evr­ópu.

John­son er einn af helstu tals­mönn­um þess að Bret­land gangi úr Evr­ópu­sam­band­inu, en kosið verður um það 23. júní næst­kom­andi. Miðað við niður­stöður kann­ana er mjótt á mun­um milli fylk­inga í mál­inu.

Í viðtal­inu sagði John­son að saga Evr­ópu síðustu tvö þúsund árin væri saga end­ur­tekn­inga um að reyna að koma álf­unni allri und­ir sam­eig­in­lega stjórn, svipað og gert var af Róm­ar­veldi forðum.

Vísaði hann til þess að bæði Na­po­leon og Hitler hefðu reynt þetta, en niðurstaðan væri alltaf hræðileg. „Evr­ópu­sam­bandið er ein til­raun­in til að gera þetta með ann­arri aðferð,“ sagði John­son í viðtal­inu. Bætti hann við að vanda­málið væri að þegn­ar álf­unn­ar gætu ekki komið sér sam­an um að virða eitt og sama yf­ir­valdið. 

Út fyrir mörk ásættanlegrar umræðu

ESB kveiki uppreisn í Evrópu

Fyrrverandi yfirmaður bresku leyniþjónustunnar, MI6, sagði á opnum fundi breska ríkisútvarpsins í Lundúnum í gær að takist leiðtogum ekki að stjórna straumi flóttamanna til álfunnar sé hætta á uppreisn almennings. Hann segir að búast megi við milljónum flóttamanna á næstu fimm árum, sem geti breytt pólitísku landslagi Evrópu. Þá varaði hann við því að Tyrkir fái að ferðast án vegabréfsáritana og líkti því við að hella olíu á eldinn.

Visir.is skýrir frá.

Þar segir einnig:

Fleiri tóku til máls á fundinum. Þeirra á meðal var Filippo Grandi, yfirmaður flóttamannaaðstoðar Sameinuðu þjóðanna, sem sagði vandamálið orðið það stórt að allar þjóðir heims þurfi að bera ábyrgð. Ekki dugi að vísa flóttamönnum til annarra landa.

Grandi sagði að um sextíu milljónir manna væru nú á vergangi og flótta í heiminum í dag vegna stríðsátaka og örbirgðar. Ástandið sé þannig í dag að aðeins örfá ríki taki við stærstum hluta flóttamanna og því sé nauðsynlegt að fleiri ríki opni sín landamæri.

MMR og fjölmiðlar segja ekki rétt frá

Það er athyglisvert hvernig skoðanakannanafyrirtækið MMR leggur út af nýlegri skoðanakönnum sinni um afstöðu landsmanna til aðildar að ESB og hvernig fjölmiðlar, sem eiga að segja nýjustu fréttir, éta gamlar fréttir upp eftir MMR.

Staðreyndin er sú að undanfarin tvö ár hefur andstaðan við aðild verið að aukast en stuðningur að minnka. Það sést greinilega þegar skýringarmynd MMR er skoðuð. Þannig hefur bilið á milli andstæðinga, sem hafa verið fleiri, og stuðningsmanna aukist úr um 7 prósentum í um 25 prósent frá júlílokum 2014. MMR velur hins vegar að hafa til samanburðar mitt ár 2012, þegar andstaðan var talsvert meiri og stuðningurinn minni. En það eru gamlar fréttir.

Hvers vegna er MMR leggja út af með gamlar fréttir og fjölmiðlarnir að éta þær upp eftir fyrirtækinu? Eru þetta ekki óboðleg vinnubrögð fjölmiðla?

Páll Vilhjálmsson hefur eina skýringu á þessu.

Andstaðan eykst: Ríflega helmingur á móti aðild að ESB, tæplega þriðjungur með

Ef kosið yrði núna væri afgerandi meirihluti landsmanna á móti aðild að ESB. Yfir helmingur svarenda í könnun MMR, 51,4%, sagðist andvígur eða mjög andvígur aðild að ESB, og rúmur fjórðungur, eða 27,1% svarenda, sagðist hlynntur eða mjög hlynntur því að Ísland gangi í ESB. Samkvæmt þessu eru 21,5% hvorki hlynnt né andvíg aðild. Á undanförnum tveimur árum hefur andstaðan heldur farið vaxandi ef litið er á gögn MMR og stuðningur við aðild farið þverrandi.

Fréttir sem MMR segir frá árinu 2012, um gífurlega andstöðu við aðild að ESB, eru gamlar fréttir. Hið nýja í þróuninni, nýju fréttirnar, er það sem er að gerast undanfarna mánuði. Þá hefur andstaðan verið að aukast úr um 7% við mitt ár í tæplega 25% núna.

Rúmur helmingur á móti inngöngu

Ráðherrar evruríkjanna reyna að koma í veg fyrir krísu

Evran stuðlaði að vandræðum Grikkja. Nú reyna fjármálaráðherrar evruríkjanna að koma í veg fyrir enn eina krísuna á svæðinu.

Í meðfylgjandi frétt mbl.is segir: Á mánu­dag munu fjár­málaráðherr­ar evru­ríkj­anna funda í Brus­sel til að leita leiða til að koma í veg fyr­ir nýja krísu á svæðinu.

Sjá nánar í meðfylgjandi frétt.

Samþykktu umdeildar aðgerðir

Launafólk! Til hamingju með daginn!

Heimssýn óskar launafólki á Íslandi til hamingju með baráttudag verkafólks í dag og hvetur alla sem geta til að taka þátt í hátíðarhöldum í tilefni dagsins. Í Reykjavík verður gengið í dag frá Hlemmi klukkan 13 og haldið niður Laugaveginn niður á Ingólfstorg. 

Fyrsti maí: Betri hagur utan ESB

Á baráttudegi verkafólks á morgun er gott að minnast þess að það er hag Íslendinga fyrir bestu að vera utan Evrópusambandsins. ESB og evrunni hefur fylgt mikið atvinnuleysi, sérstaklega í löndunum á jaðri svæðisins þar sem atvinnuleysi hefur veirð á bilinu 20-30% og meira á vissum svæðum og meðal ákveðinna hópa eins og hjá ungu fólki.

Mætum á morgun til stuðnings íslensku verkafólki með því meðal annars að fagna því að Ísland skuli ekki vera í ESB. Mætum sem getum klukkan 13:00 á Hlemm við Rauðarárstíg í Reykjavík á morgun. Gangan fer af stað þaðan klukkan 13:30.

Örvænting Junckers vegna ESB-andúðar - hvað gerir VG nú?

Jean-Claude Juncker, forseti framkvæmdastjórnar Evrópusambandsins, segir íbúa Evrópu hafa misst trúna á Evrópuhugsjónina. Það sé meðal annars vegna þess hversu mikið ESB hefur skipt sér af daglegu lífi borgaranna. Svo greinir Eyjan frá. 

Þessi yfirlýsing lýsir ótta Junckers gagnvart tvennu. Í fyrsta lagi er hann skíthræddur um að Bretar, sem hata regluvæðingu ESB, muni yfirgefa sambandið. Í öðru lagi er þessi helsti ábyrgðarmaður skattaskjólsins í Luxemborg síðasta áratuginn lafhræddur um að almenningsálitið muni skapa þrýsting á stjórnmálamenn til að rífa niður skattaskjólin eftir þann storm sem geisað hefur vegna Panama-skjalanna. Juncker er því hræddur um framtíð ESB, skattaskjólið Luxemborg og um sína eigin pólitísku arfleifð.

Það er þessi risaeðla fjármálalífsins, sem ESB er, og þessi pólitík undanskotsins sem forysta Vinstri grænna vildi hlaupa í fangið á. Núverandi forysta með Katrínu Jakobsdóttur í broddi fylkingar heldur hlaupinu áfram þótt hún sé nú reyndar aðeins farin að mæðast og líta í kringum sig. En hún virðist of þreytt til þess að sjá skýrt.

Það þurfti flóðbylgju almenningsálits í ESB-löndunum til þess að ESB-forystan umlaði. Hún stóð keik þrátt fyrir nánast alkul í efnahagsmálunum í lengri tíma, jafnvel eftir að peningaprentvélar Seðlabanka evrunnar höfðu fyllt hvern bankann á fætur öðrum af seðlum.  

Junker brást fyrst við þegar almenningsálitið snerist gegn rótum valds hans, nefnilega skattaskjólinu í Luxemborg og víðar.

Eyjan greinir nánar svo frá í gær:

Þetta kom fram í ræðu Junckers frammi fyrir þingi Evrópuráðsins í Strassborg í dag. „Evrópuverkefnið hefur glatað hluta aðdráttarafls síns“ sagði Juncker í ræðu sinni. „Ein ástæða þess að borgarar ESB-ríkja eru að fjarlægast Evrópuverkefni er sú staðreynd að verið höfum í of ríkum mæli skipt okkur af einkamálum þeirra og farið inn á of mörg svið þar sem aðildarríkin eru betur til þess fallin að grípa til aðgerða.“

Juncker sagði að regluverk ESB væri of þungt og lýsti vilja til þess að minnka regluverkið í því skyni að bæta ásjónu sambandsins. Í því felst meðal annars að draga tilbaka 83  frumvörp sem framkvæmdastjórn hans fékk í arf frá framkvæmdastjórn Jose Manuel Barroso.

Hann viðurkenndi enn fremur að ESB væri óheppilegur talsmaður Evrópu nú til dags. Sambandið njóti ekki lengur þeirrar virðingar sem þau naut í aðildarríkjunum áður fyrr. Á endanum gæti Evrópuhugsjónin endað sem rústir einar.

Við lifum erfiða tíma. Við glímum við alþjóðlegan flóttamannavanda, það er ráðist á frjáls samfélög, allar stofnanir okkar eru undir gríðarlegum þrýstingi og víða eru þær komnar að fótum fram.

Hættan er sú, sagði Juncker, að ofangreindar krísur samhliða lækkandi fæðingartíðni og minnkandi hagvexti muni Evrópa missa virðingu heimsbyggðarinnar. Euractiv greinir frá.

Steinunn Þóra þingkona VG úthúðar ESB

Steinunn Þóra Árnadóttir, þingmaður Vinstri grænna, gagnrýnir ESB harðlega í pistli sínum stuðning Frakklands og annarra ESB-ríkja við hernám Marokkó á Vestur-Sahara. Steinunn fer reyndar fínt í gagnrýnina á ESB en þetta er samt allt í rétta átt.

Hér er einnig að finna allharða gagnrýni á stefnu ESB í málefnum Vestur-Sahara.