Jón Baldvin viðurkennir fals, og óheilindi forystumanna jafnaðarmanna

Jón Baldvin Hannibalsson, fyrrverandi utanríkisráðherra, lætur í veðri vaka, nú á 25 ára afmæli EES-samningsins, að hann hafi aðeins átt að vera brú yfir í fulla aðild að ESB (EB eins og það hét þá). Andstæðingar Alþýðuflokksins héldu því ýmsir fram á sínum tíma að helstu hvatamenn EES trúðu því og vildu að EES yrði þessi brú. Fyrir þetta þrættu Alþýðuflokksmenn, að minnsta kosti framan af.

Nú, 25 árum seinna, viðurkennir Jón Baldvin falsið í forystumönnum Alþýðuflokksins. Hann segir í grein á Eyjunni: „EES-samningurinn hefur reynst vera mun langlífari en við, sem að honum stóðum í upphafi, gerðum ráð fyrir. Í okkar hugum var hann brúarsmíð, sem átti að brúa bil í sögulegri þróun, sem við gerðum ráð fyrir, að yrði skammvinnt.“

Alþýðuflokkurinn setti aldrei fram tillögu á Alþingi um að Ísland gerðist aðili að EB á þessum árum fyrir samþykkt EES-samningsins þótt flestir vissu reyndar að þangað stefndi hugur margra krata á þeim tíma. Ingibjörg Sólrún Gísladóttir kvennalistakona var þó heiðarlegri í þeim efnum þegar hún sagði að hún stæði klofvega á girðingu í málinu og vissi ekki í hvora áttina hún ætti að stefna.

Jón Baldvin dásamar samt EES - en gleymir því að EES-samningurinn var það fyrirkomulag sem auðveldaði hvað mest útrás íslensku bankanna fyrir hrunið - og sem gerði það að verkum að fjármálaáfallið hér á landi varð margfalt stærra en það hefði annars orðið.

Reynslan hefur hins vegar kennt Jóni að ESB er meingallað og að það er ekki fýsilegt fyrir Íslendinga að sækja þar um inngöngu. Hann segir í lokin á sínum pistli á Eyjunni: „Evrópusambandið er nú um stundir í tilvistarkreppu, sem ekki er séð fyrir endann á.“

Það er kannski kominn tími til þess að fara vandlega yfir EES-ferlið frá upphafi?

 

 

Frakkar hóta með Frexit

Franskir stjórnmálamenn átta sig nú á því að kjósendur í Frakkalndi vilja ekki hafa Evrópusambandið eins og það er. Þess vegna segir forsetaframbjóðandinn Emmanuel Macron að sambandið verði að breytast. Að öðrum kosti muni Frakkar yfirgefa sambandið, þ.e. velja Frexit.

Það er því ljóst að ESB mun breytast á næstunni. Brexit er í gangi og Frexit í uppsiglingu, verði ekki veruleg breyting á sambandinu.

Það er ekki nema von að forseti framkvæmdastjórnar ESB finnist hann vera í öðru sólkerfi en aðrir forystumenn í Evrópu.

 

Frexit óumflýjanlegur án breytinga

Verkafólk! Til hamingju með daginn!

Heimssýn óskar launafólki á Íslandi til hamingju með baráttudag verkafólks í dag og hvetur alla sem geta til að taka þátt í hátíðarhöldum í tilefni dagsins.

Á Íslandi teljum við sjálfsagt að hafa vinnu.

Í Evrópusambandinu eru um tuttugu milljónir manna án atvinnu. Þar er atvinnuleysi 8% en öllu meira á evrusvæðinu eða 9,5%. Á Íslandi er atvinnuleysið um 3%. Reyndar er munurinn á Íslandi og ýmsum Evrópusambandslöndum enn meiri vegna þess að í ýmsum ríkjum, sérstaklega í suðurhluta Evrópu, er varla um helmingur vinnufærs fólks á vinnumarkaði. Kreppan í ESB-löndunum hefur hrakið konur og eldri aldurshópa af vinnumarkaðinum. Þegar það er tekið með sést að atvinnuástandið í ýmsum ESB-löndum er mun verra en atvinnuleysistölur einar og sér segja.

 

 

Guðlaugur segir að ESB muni hafa verra af ef það refsar Bretum fyrir útgönguna

Guðlaugur Þór Þórðarson utanríkisráðherra segir að Evrópusambandið muni gjalda fyrir það ef sambandið refsar Bretlandi fyrir útgöngu úr sambandinu. Þetta kemur fram í samtali Guðlaugs við The Telegraph í gær.

Mbl.is greinir frá þessu í dag. Þar segir Guðlaugur m.a. að Ísland sé í þessu ferli eins og skilnaðarbarn á milli Bretlands og ESB.

Ísland eins og skilnaðarbarn

CNN með úttekt á vandræðum ESB og evrunnar

Vandræði ESB og evrunnar eru viðfangsefni margra þessa dagana. Bandaríska fréttasjónvarpsstöðin CNN er með úttekt á vandræðum ESB og evrunnar hér:

Þess vegna vilja Evrópubúar evruna feiga.

Samanburður á hagkerfum Bandaríkjanna og Evrópu.

Hvað er að Evrópu?

 

Andstaðan við ESB eykst í Frakklandi

Franskir stjórnmálamenn átta sig æ betur á göllum ESB eins og meðfylgjandi frétt mbl.is ber með sér. Þeir átta sig á því að þeir verða að hlusta á óskir og skoðanir landsmanna sinna. Gallar ESB koma æ betur í ljós.

Evrópusambandið fékk á baukinn

Aukið samstarf við Norðurlönd og endurskoðun EES-samnings

Hjörleifur Guttormsson, náttúrufræðingur og fyrrverandi þingmaður og ráðherra, ritaði athyglisverða grein sem birt var í Morgunblaðinu 6. april síðastliðinn. Þar segir hann þá skoðun sína að í ljósi breyttrar stöðu alþjóðamála sé rétt fyrir Íslendinga að endurmeta EES-samstarfið og jafnframt leitast eftir nánari samskiptum við Norðurlönd.

Það sem einkum hefur haft áhrif á stöðu alþjóðamála er Brexit, breytt valdajafnvægi stórvelda og óvissa eftir húsbóndaskipti í Bandaríkjunum, þróun í Austur-Asíu og fyrir botni Miðjarðarhafs.

Hjörleifur segir um þetta í Morgunblaðinu 6. apríl 2017:

Frá því kaldastríðið var í algleymingi á öldinni sem leið hefur ekki ríkt jafn mikið óvissuástand í alþjóðamálum eins og nú um stundir. Eftir húsbóndaskiptin í Hvíta húsinu og úrsögn Breta úr Evrópusambandinu einkennast samskipti helstu Natóríkja af vaxandi tortryggni. Kína er að verða risaveldi sem býður Bandaríkjunum birginn á alþjóðavettvangi og Indland siglir hraðbyri í kjölfarið. Við bæði þessi Asíuveldi hefur Rússland vaxandi samskipti sem styrkir stjórn Pútíns gagnvart tilraunum NATÓ til að einangra þetta gamla stórveldi viðskiptalega og hernaðarlega. Tyrkland sem lengi hefur verið á biðlista eftir ESB-aðild aðild stefnir nú hraðbyri til einræðis og í Suður-Kóreu er fyrrverandi forseti landsins orðinn tugthúslimur vegna spillingar. Í borgarastyrjöldinni í Sýrlandi hefur Assad með stuðningi Rússa náð frumkvæði í flókinni stöðu eftir gífurlegar mannfórnir. Þetta og margt fleira ber vott um að alþjóðakerfi gærdagsins er í uppnámi og yfirburðastaða vesturveldanna frá lokum kalda stríðsins undir forystu Bandaríkjanna er nú aðeins svipur hjá sjón. Samhliða þessu vex hættan á að vopnuð staðbundin átök fari úr böndunum og geti breyst í allsherjarbál í kjarnorkuvæddum heimi.

Þá segir Hjörleifur um Brexit og Evrópusambandið:

Evrópusambandið hefur í mörg undanfarin ár átt við mikla erfiðleika að stríða af efnahagslegum toga og vegna innbyrðis ósættis um hvert skuli stefna í samstarfi aðildarríkja. Evran hefur reynst nær óbærileg spennitreyja fyrir mörg af þeim ríkjum sem nýta hana sem sameiginlegan gjaldmiðil. Ljósasta dæmið er Grikkland sem haldið hefur verið uppi með alþjóðlegum neyðarlánum og berst enn í bökkum. Efnahagsleg stöðnun og gífurlegt atvinnuleysi meðal ungs fólks hefur dregið stórlega úr stuðningi almennings við ESB sem í liðinni viku hélt upp á sextugsafmæli Rómarsamningsins frá 1957. Úrsögn Breta úr sambandinu sem nú er orðin staðreynd er fordæmalaus viðburður í sögu þess. Eftirmálin sem nú hefjast munu reyna á báða aðila næstu árin og verða jafnframt prófsteinn á samheldni ríkjanna 27 sem glíma innbyrðis við fjölmörg vandamál og hafa ólíka afstöðu, m.a. um frekari samruna og viðbrögð við flóttamannastraumnum úr suðri. Hvert þessara landa þarf að fallast á viðræðugrundvöll ESB við Breta sem og á lokaniðurstöðu samninga um útgöngu. Af hálfu þeirra sem móta stefnuna í Brussel er lögð áhersla á ströng skilyrði fyrir útgöngu, ekki síst til að fæla önnur ríki frá því að fylgja fordæmi Breta.

Um stöðu Íslands og samskipti Norðurlanda segir Hjörleifur:

Þegar til skoðunar voru 1990 framtíðartengsl Íslands við Evrópubandalagið í nefnd á vegum Alþingis skilaði ég sem fulltrúi Alþýðubandalagsins ítarlegu áliti. Meginafstaða mín hvað Ísland varðaði var „að halda óháðri stöðu gagnvart efnahagsbandalögum en leita sem hagstæðastra samninga við slík bandalög í Evrópu, Norður-Ameríku, Austur-Asíu og víðar“. Þegar aðild að Evrópsku efnahagssvæði (EES) kom á dagskrá stuttu síðar taldi ég hana veikja stöðu Alþingis sem löggjafa með óviðunandi hætti og ekki samrýmast stjórnarskrá okkar. Ég er enn sömu skoðunar og að rétt sé á næstunni að endurmeta EES-samstarfið, m.a. með hliðsjón af útgöngu Breta. Æskilegt er jafnframt að Norðurlönd leiti leiða til að efla til muna samskipti sín á milli í ljósi sviptinga á alþjóðavettvangi og setji í öndvegi sameiginlega baráttu fyrir heimsfriði, jöfnuði og umhverfisvernd.

Grikkir selja flugvelli upp í evruskuldir

Til að losna við skuldir og draga úr evruskjálftanum verða Grikkir nú að selja Þjóðverjum sína bestu flugvelli. Það er krafa Evrópusambandsins, Evrubankans og Alþjóðagjaldeyrissjóðsins.

Mbl.is segir svo:

Grísk stjórn­völd til­kynntu í dag að þau hefðu gengið frá sölu á fjór­tán flug­völl­um í land­inu til þýska fyr­ir­tæk­is­ins Fra­port en samið var um söl­una í 2015 í tengsl­um við sam­komu­lag um alþjóðleg­ar lána­fyr­ir­greiðslur til lands­ins til þess að koma í veg fyr­ir að það yf­ir­gæfi evru­svæðið.

Flug­vell­irn­ir sinna inn­an­lands­flugi í Grikklandi og voru áður í eigu gríska rík­is­ins. Aðþjóðleg­ir lána­drottn­ar lands­ins, Alþjóðagjald­eyr­is­sjóður­inn og Evr­ópu­sam­bandið, settu það sem skil­yrði fyr­ir lána­fyr­ir­greiðslum að grísk stjórn­völd færu út í um­fangs­mikla einka­væðingu rík­is­eigna.

Meðal ann­ars er um að ræða flug­völl­inn í Þessalón­íku og á eyj­un­um Mý­konos, Santor­ini og Korfú sem eru vin­sæl­ir ferðamannastaðir. Þýska fyr­ir­tækið greiðir 1,2 millj­arð evra fyr­ir flug­vell­ina og skuld­bind­ur sig til þess að starf­rækja þá og viðhalda næstu 40 árin.

Grikkir selja fjórtán flugvelli

Krónan er jafngild evrunni

... báðar eru „vegan“.

 

Mbl.is segir svo frá:

 

Nýr fimm­tíu evru seðill fór í um­ferð í gær en hann er bú­inn ýms­um upp­færðum ör­yggis­atriðum auk þess sem hann er veg­an.

Ef seðill­inn er bor­inn upp við ljós birt­ist mynd af gríska goðinu Evr­ópu á vinstri hlið. Seðill­inn er prentaður á bóm­ullarpapp­ír og ekki húðaður með tólg, sem er hörð dýrafita. Það vakti mikla at­hygli og tölu­verða reiði hjá dýra­vernd­ar­sinn­um og ýms­um trú­ar­hóp­um þegar upp komst að nýr fimm punda seðill í Bretlandi var húðaður með tólg. Í kjöl­farið var haf­in und­ir­skrifta­söfn­un þar sem 130 þúsund manns skoruðu á breska seðlabank­ann að end­ur­skoða þetta. Brást bank­inn við beiðninni og sagði að pálma­ol­ía yrði fram­veg­is á seðlun­um. Hef­ur þetta í kjöl­farið verið end­ur­skoðað víðar.

Alls eru um níu millj­arðar af 50 evru seðlum í um­ferð og eru það fleiri en all­ir fimm, tíu og tutt­ugu evru seðlar sam­an­lagt. 

Auðveld­ara á að vera að koma auga á falsaða seðla eft­ir upp­færsl­una og hvet­ur evr­ópski seðlabank­inn fólk til þess að at­huga það í þrem­ur skref­um: leita eft­ir upp­hleyptu letri, finna mynd­ina af Evr­ópu og skoða vatns­merkið.

Sam­kvæmt upp­lýs­ing­um frá Seðlabanka Íslands eru eng­ar dýra­af­urðir notaðar á ís­lenska seðla og eru þeir því einnig 100% veg­an.

Nýja evran er vegan

Frekar sterlingspund en evru

Seðlabank­ar eru í vax­andi mæli að losa sig við evr­ur og kaupa sterlingspund í staðinn. Þetta kem­ur fram í frétt breska viðskipta­blaðsins Fin­ancial Times. Ástæðan er sögð vera póli­tísk­ur óstöðug­leiki inn­an Evr­ópu­sam­bands­ins, lít­ill hag­vöxt­ur á evru­svæðinu og vaxta­stefna seðlabanka evrunnar. Þess í stað líta þeir á sterlingspundið sem stöðugan val­kost til langs tíma seg­ir í frétt­inni.

Mbl.is birtir þessa frétt.

Vilja pundið frekar en evruna