Ítalía undir hælnum á ESB?

Snúningarnir í ríkisstjórnarmyndun á Ítalíu síðustu daga sýna svo ekki verður um villst að aðildin að ESB dregur úr lýðræði. Lýðræðislega valinn kandídat í forsætisráðherraembættið má ekki fá með sér efnahagsmálaráðherra sem er ekki ESB að skapi. Í staðinn er fenginn AGS-þjálfaður hagfræðingur til að stýra utanþingsstjórn. Er nema von að fólk velti því fyrir sér hvort Ítalía sé frjálst og fullvalda ríki?

Þingkosningar í síðasta lagi í ársbyrjun

Eru Bretar að kála EES-samningnum?

Meðfylgjandi frétt um útgöngu Breta úr EES ber með sér að breskir stjórnmálamenn og almenningur í Bretlandi telji að EES-samningurinn henti ekki hagsmunum Breta vegna þess meðal annars að samningurinn myndi skerða fullveldi Breta um of og þar með ekki vera í samræmi við niðurstöður Brexit-kosningarinnar. Því megi búast við tvíhliða samningum á milli Breta og ESB. Verði það raunin mun það verða rökstuðningur fyrir tvíhliða samningi fleiri landa við ESB og þá eitthvað sem við Íslendingar ættum að vera farnir að skoða í alvöru. Skyldi vera hafin athugun á þessu í utanríkisráðuneytinu?

„Aðild að EES er dauð eftir þetta“

Ítölsk ríkisstjórn með efasemdir um ESB

Nú er ríkisstjórn flokka á Ítalíu í burðarliðnum sem eru mjög gagnrýnir á ESB. Verður ITEXIT næsta stóráfall ESB?

Sjá frétt í Viðskiptablaðinu. 

Ný könnun: Íslendingar eru á móti valdaframsali í orkumálum til ESB

Íslendingar eru á móti því valdaframsali í orkumálum sem nýjar tilskipanir ESB fela í sér. Þetta er niðurstaða nýrrar skoðanakönnunar sem Heimssýn hefur fengið fyrirtækið Maskínu til að gera. Spurt var: Ertu fylgjandi eða andvíg(ur) því að aukið vald yfir orkumálum á Íslandi verði fært ti l evrópskra stofnana? Sam­tals eru 80,5% þjóðarinnar and­víg því að færa vald yfir ís­lensk­um orku­mál­um til evr­ópskra stofn­ana. Þar af eru 57,4% mjög and­víg og 23% frek­ar and­víg. Hins veg­ar eru 8,3% hlynnt því.

Sjá hér áréttingu Heimssýnar í tilefni af áformum um upptöku þriðja orkupakka ESB i EES-samninginn.

Mbl.is greinir svo frá könnuninni:

Tryggja þarf full­veldi EFTA-ríkj­anna

Til­efni könn­un­ar­inn­ar er umræða á und­an­förn­um mánuðum um fyr­ir­hugaða þátt­töku Íslands í svo­nefnd­um þriðja orkupakka Evr­ópu­sam­bands­ins og Orku­stofn­un sam­bands­ins í gegn­um Eft­ir­lits­stofn­un EFTA (ESA) vegna aðild­ar lands­ins að EES-samn­ingn­um.

 

Meiri­hluti kjós­enda allra flokka and­víg­ur

Meiri­hluti stuðnings­manna allra stjórn­mála­flokka sem eiga full­trúa á Alþingi er and­víg­ur því að færa vald yfir orku­mál­um á Íslandi til evr­ópskra stofn­ana. Mest andstaðan er á meðal stuðnings­manna Sjálf­stæðis­flokks­ins þar sem 91,6% eru and­víg og 2,8% hlynnt.

Næst­ir koma stuðnings­menn Miðflokks­ins með 91,1% and­víg og 1,4% hlynnt, Vinstri­hreyf­ing­ar­inn­ar - græns fram­boðs með 86,3% and­víg og 0% hlynnt, Fram­sókn­ar­flokks­ins með 88,5% and­víg og 0% hlynnt og síðan Viðreisn­ar með 69,6% and­víg og 18,4% hlynnt.

Þar á eft­ir koma stuðnings­menn Flokks fólks­ins með 64,1% and­víg og 6,3% hlynnt, Sam­fylk­ing­ar­inn­ar með 63,8% and­víg og 18,6% hlynnt og loks stuðnings­menn Pírata með 60,8% and­víg og 18,7% hlynnt. Aðrir stuðnings­menn flokk­anna eru í meðallagi and­víg­ir/​fylgj­andi.

Þeir sem búa utan Reykja­vík­ur and­víg­ari

Þegar kem­ur að kynj­um eru 83,8% kvenna and­víg því að vald yfir stjórn ís­lenskra orku­mála sé fært til evr­ópskra stofn­ana og 5,5% fylgj­andi á meðan 77,7% karla eru and­víg og 10,4% hlynnt. Andstaðan eykst eft­ir því sem fólk er eldra og meiri andstaða er utan Reykja­vík­ur.

Þannig eru 75,8% íbúa Reykja­vík­ur and­víg þess­um ráðahag og 11,1% hlynnt en 87% and­víg á Aust­ur­landi og 7,3% hlynnt. Næst­mest er andstaðan á Norður­landi (85,4% and­víg og 10,5% hlynnt) og síðan Vest­ur­landi og Vest­fjörðum (85,2% and­víg og 0% hlynnt).

Hvað mennt­un varðar eru þeir sem eru með fram­halds­skóla­próf/​iðnmennt­un mest and­víg­ir eða 85,6% þeirra en 5% hlynnt. Þá koma þeir sem eru með grunn­skóla­próf (79,2% and­víg og 8,2% hlynnt) og þeir sem hafa há­skóla­próf (77,8% and­víg og 9,7% hlynnt).

Þegar kem­ur að tekj­um er andstaðan við slíka færslu á valdi úr landi mest á meðal þeirra sem eru með 800-999 þúsund krón­ur í mánaðarlaun (88,5% and­víg og 3,5% hlynnt) og næst mest hjá þeim sem eru með 400-549 þúsund krón­ur (84,4% hlynnt og 5,7% hlynnt).

Minnst andstaða á meðal tekju­hópa er hjá þeim sem eru með lægri tekj­ur en 400 þúsund krón­ur á mánuði eða 70,4%. Á meðal þeirra eru 9,6% hlynnt. Mest­ur stuðning­ur er á meðal þeirra sem eru með yfir eina millj­ón króna í mánaðar­tekj­ur eða í kring­um 13%.

 

Könn­un­in var gerð dag­ana 24. apríl - 7. maí. Svar­end­ur voru 848 á aldr­in­um 18-75 ára af öllu land­inu.

Vilja vald yfir orkumálum áfram á Íslandi

Óþarfur hraði í gagnatilskipun til að þóknast ESB

Norsku samtökin Nei til EU benda á það á vef sínum að óþarflega mikill hraði hafi verið í því að innleiða nýja gagnatilskipun ESB, sem sumir kalla persónuverndartilskipun, í þeim tilgangi að þóknast ESB. Jafnframt gagnrýna samtökin að með tilskipuninni sé enn á ný verið að færa aukið vald til stofnana ESB og og þar með sé verið að fara á svig við stjórnarskrá og grafa undan tveggja stólpa skipulagi EES-samningsins.

Sjá nánar hér: 

Unødvendig hasteinnføring av EUs personvernregler

 

ESB er að grafa undan EES-samningnum

Það kemur nú æ betur í ljós að EES-samningurinn er ekkert annað en hægfara aðlögun Íslands, Noregs og Liechtenstein að ESB í anda þeirrar hugmyndafræði sem Jean Monnet og fleiri settu fram á sjötta áratug síðustu aldar (gradualist approach for constructing European unity - eða spægipysluaðferðin). Norska þjóðin er að spyrna við fótum vegna þessa og æ fleiri Íslendingar átta sig nú á þessu. 

Því er athyglisvert að fylgjast með nýjasta innleggi norsku samtakanna Nei till EU í þessu, en í nýlegri skýrslu eru þau að fjalla um það hvernig EES-samningurinn þenst stöðugt út með viðbótum á sviði banka- og fjármála, samgöngumála og orkumála en á þeim sviðum sé verið að færa æ meira vald til ESB og þar með sé verið að grafa undan því tveggja stoða kerfi sem EES-samningurinn átti að byggja á þar sem fullveldi EFTA-landanna yrði viðhaldið. Nú sé verið að kippa annarri stoðinni undan samningnum og þar með innlima EFTA-kerfið í ESB. 

Hversu margir ráðherrar og aðrir stjórnmálamenn hafa spyrnt við fótum í þessu?

 

Aukin fátækt meðal eldra fólks í ESB er áhyggjuefni

Hætta er á því að fátækt aukist meðal eftirlaunaþega í Evrópusambandinu á næstunni. Talið er að 17,3 milljónir einstaklinga eldri en 65 ára, eða 18,2% einstaklinga í þessum aldurshópi, eigi á hættu að lenda í fátækt og félagslegri útskúfun. 

Þetta kemur fram í nýlegri skýrslu ESB um lífeyrismál.

Heimssýnarfólk setti svip á dagskrána í dag

Hópur Heimssýnarfólks tók þátt í dagskrá á baráttudegi verkafólks í dag og setti svip á kröfugöngu sem fór niður Laugaveginn og á útifund á Ingólfstorgi. Heimssýnarfélagar vildu með þessu sýna mikilvægi þess fyrir atvinnu og lýðréttindi á Íslandi að landinu verði haldið utan við ESB.

Meðfylgjandi mynd var tekin af hópi Heimssýnarfólks í kröfugöngunni í dag.

Fyrsta maí ganga Heimssýnar í dag

Félagar í Heimssýn ætla að fjölmenna í 1. maí gönguna í morgun. Safnast verður saman á Hlemmi, við gamla Arion-bankahúsið, kl. 13:00 og gengið niður Laugaveg kl. 13.30. Útifundur á Ingólfstorgi hefst kl. 14:10. Gengið verður með „Nei við ESB“ kröfuspjöld eins og gert hefur verið undanfarin ár.

Félagar eru hvattir til að mæta.