Fiskveiðar og styrkjaveiðar

Ísland mun greiða um 15 milljarða króna til Brussel ef við álpuðumst inn í Evrópusambandið. Áætlað er að um 12 milljarðar króna komi til baka í formi styrkja. Smábátasjómenn við Ísafjarðardjúp gera sér vonir um að fiska vel í sjóðum Evrópusambandsins. Eftirfarandi er haft eftir formanni trillukarlanna

Sigurður segir að stjórn Eldingar vonist til að með inngöngu í ESB, geti smábátaeigendur fengið styrki frá sambandinu þannig að jafnvel verði hægt að lifa af fiskveiðum.

Sigurður þarf að útskýra hvernig hann fær út að fiskveiðar og styrjaveiðar séu einn og sami hluturinn.

 

Samningsmarkmið Íslands er aðeins eitt: innganga

Samningamaður Finna við Evrópusambandið á síðsta áratug sagði í erindi sem hann hélt hér á landi að aðalatriði fyrir umsóknarríki væri að hafa fá og skýr samningsmarkmið. Samningamaðurinn  sagði að frá bæjardyrum Evrópusambandsins sé snerust viðræður um aðlögun umsóknarríkis að reglum sambandsins.

Samfylkingarhluti ríkisvaldsins hefur hvorki kynnt Íslendingum né Evrópusambandsins samningsmarkmið Íslands.  Í nýlegri rýniskýrslu Evrópusambandsinsum landbúnaðarmál er með diplómatísku orðalagi vakin athygli á að Ísland hefur ekki enn lagt fram samningsmarkmið, ,,Iceland will include proposals in this regard in its negotiation position," segir á einum stað.

Það er óðum að renna upp fyrir fólki hvað þessi leynd með samningsmarkmiðin segir. Eina samningsmarkmið Samfylkingarinnar er að Ísland gangi inn í Evrópusambandið, - hvað sem það kostar.

Aðlögunin fellir umsóknina - og Össur

Umræðan um umsókn Íslands um aðild að Evrópusambandinu líður fyrir blekkingar aðildarsinna. Össur Skarphéðinsson er eins og jafnan iðinn við kolann. Nýverið tilkynnti Evrópusambandið að viðræðum við Ísland um landbúnaðarmál yrði frestað þar sem Ísland hefur ekki aðlagað regluverk sitt Evrópusambandinu.

Össur hefur ætíð neitað því að umsóknarríkið Íslandi þurfi að gangast undir reglur Evrópusambandsins um aðlögun. Sölumennska Össurar er að Íslendingar ,,kíki í pakkann" með óskuldbindandi viðræðum. En það er ekki í boði.

Í bréfi frá Evrópusambandinu segir um aðlögunarkröfuna í landbúnaðarmálum 

Iceland presents a strategy including a planning schedule of measures to be taken progressively in order to ensure full compliance with the acquis under chapter 11 Agriculture and rural development by the date of accession as regards agricultural policy, legislation and administrative capacity, taking into accoount the specific circumstances for agriculture in Iceland.

Hér er talað um heildaráætlun (strategy) og að framkvæmdaáætlun (schedule of measures) verði hrint í framkvæmd jafnt og þétt (to be taken progressively) til að íslenska landbúnaðarkerfið uppfylli lög og reglur ESB frá fyrsta degi aðildar. 

Bréfið er krafa um aðlögun að Evrópusambandinu og í fullu samræmi við þá yfirlýstu stefnu sambandsins að eina leiðin inn er leið aðlögunar.

Össur Skarphéðinsson kallar það góðan gang í viðræðum þegar umsóknin er stand.

Leggjum aðildarumsóknina til hliðar, skrifum undir hjá skynsemi.is

Össur: Andstæðingar ESB hræddir

Mótsögn Fréttablaðsins

Ólafur Stephensen skrifar leiðara í Fréttablaðið um undirskriftasöfnunina til stuðnings því að umsóknin um aðild að ESB verði lögð til hliðar. Er hann með undarlegri innleggjum í Evrópusambandsumræðuna.

Kjarninn í máli Ólafs er að óvissuástand í Evrópu sé ekki tilefni til að leggja aðildarumsóknina til hliðar þar sem Evrópusambandið er hvort eð er í stöðugri þróun og það mun ávallt vera óvissa um hvernig framtíð þess lítur út. Spurningin um aðild snýst um það hvort þjóðin ætli sér að taka þátt í samrunaverkefni Evrópu.

Þetta eru ágæt rök sem vel má ræða.

Í síðustu efnisgrein leiðarans er hinsvegar eins og Ólafur snúist 180 gráður og hafnar því að almenn andstaða við aðild sé nokkur rök fyrir því að draga aðildarumsóknina til baka því ekki sé búið að ganga frá samningum um innleiðingu Evrópulöggjafarinnar eins og hún stendur nákvæmlega núna! Án þeirra er nefnilega engin leið að vita hvað aðild þýðir í raun.

-----------------------

Annars hvet ég alla til að skrifa undir á skynsemi.is

(Tekið héðan.)

98 prósent líkur á grísku gjaldþroti

Bloombergfréttastofan segir 98 prósent líkur á gjaldþroti ríkissjóðs Grikklands næstu fimm árin. Þetta er ekki mislestur; nítíuogáttaprósent líkur á gjaldþroti Grikkja. Grikkjum tókst ekki að hemja skuldabálið tæka tíð og tilraunir ríkisstjórnar sósíalista til að laga ríkisreksturinn eru dæmdar.

Grikklandi er haldið á lífi með fjármögnun frá Evrópska Seðlabankanum. Óeining er innan bankans vegna þessara björgunaraðgerða. Nýverið sagði Jürgen Stark aðalhagfræðingur bankans af sér störfum til að mótmæla stuðningi bankans við Grikkland, Spán og Ítalíu.

Þegar Grikkland er fallið standa Spánn og Ítalía berskjölduð.

Fréttablaðið falsar veruleikann

Fréttablaðið falsar vilja almennings með því að búa til ómarktæka skoðanakönnun um afstöðu fólks til aðildarumsóknar Íslands.

Fréttablaðið spurði: ,,Hvort myndir þú heldur kjósa: 1) Að draga til baka umsókn um aðild að Evrópusambandinu, eða 2) Að ljúka aðildarviðræðum við Evrópusambandið og halda þjóðaratkvæðagreiðslu um aðildarsamninginn?"

Í seinni liðnum eru í raun tvær spurningar: a) um að ljúka aðildarviðræðum og b) um þjóðaratkvæðagreiðslu um aðildarsamning. Með því að hafa spurninguna tvöfalda hækkar Fréttablaðið hlutfall þeirra sem eru með þá skoðun sem blaðið vill að fólk hafi.

Í sumar gerði Gallup könnun fyrir Heimssýn um afstöðu fólks til aðildarumsóknar Íslands. Spurning Heimssýnar var eftirfarandi:  ,,Hversu hlynnt(ur) eða andvíg(ur) ert þú að Ísland dragi til baka umsókn sína um aðild að Evrópusambandinu?“

51,0 prósent sögðust hlynnt því að umsóknin yrði dregin tilbaka. 10,5 prósent sögðust hvorki hlynnt né andvíg 38,5 prósent sögðust andvíg því að umsóknin yrði dregin tilbaka.

Könnun Heimssýnar uppfyllir kröfur um faglega skoðanakönnun en könnun Fréttblaðsins gerir það ekki.

ESB-umsóknin lamar endurreisnina

Samfylkingin gerði þjóðinni tilboð fyrir síðustu kosningar um endurreisn á forsendum aðildarumsóknar til Evrópusambandsins. Þjóðin hafnaði tilboði Samfylkingar með því að aðeins 29 prósent kjósenda gaf flokknum atkvæði sitt. Engu að síður þjösnaði Samfylkingin umsókninni í gegnum alþingi með hjálp svikulla þingmanna Vinstrihreyfingarinnar græns framboðs.

Umræðan frá sumrinu 2009 um Evrópumál hefur hert þjóðina í andstöðu sinni við inngöngu. Þrátt fyrir það að engar líkur eru til að andstaðan linist heldur samfylkingarhluti ríkisstjórnarinnar umsókninni til streitu.

Endurreisn Íslands eftir hrun mun fara fram á forsendum fullveldis. Á meðan ríkisstjórnin vinnur að framsali fullveldis verður engin endurreisn.

Þráteflinu lýkur aðeins með þeim hætti að umsóknin verði lögð til hliðar. Skrifum undir skynsemi.is

Allt í biðstöðu vegna ESB

Bjarni Ben. uppsker fyrir einarða ESB-andstöðu

Sjálfstæðisflokkurinn mælist með 50 prósent fylgi í skoðanakönnun Stöðvar 2 og Fréttablaðsins. Könnunin var gerð stuttu eftir að formaður flokksins, Bjarni Benediktsson, tilkynnti einarða andstöðu gegn aðild Íslands að Evrópusambandinu.

Formaður Sjálfstæðisflokksins talar fyrir munn meirihluta þjóðarinnar sem vill að umsókn Íslands verði lögð til hliðar og það skilar sér í stórauknu fylgi.

Umsóknin var dauð fyrir þessa könnun. Núna er búið að jarða hana.

 

Ríkisstjórnin með 26% fylgi

Evrópuherinn aftur á dagskrá

Sameiginlegur fáni, sameiginlegt mynt og sameiginlegur her. Um að gera að nota evru-kreppuna til að taka Evrópuherinn aftur á dagskrá þannig að fáir taka eftir.

Ísland á ekki heima í Evrópusambandinu.

Munum eftir skynsemi.is 

 

Vilja evrópska herstjórn

Evrópusambandið ætlar sér hlut í orkunni

Günther Oettinger, orkumálaráðherra ESB, hefur lagt fram frumvarp sem varðar stærri orkusamninga aðildarríkja við ríki utan Evrópusambandsins, s.s. um kaup á olíu, gasi og rafmagni.

 Samkvæmt því þarf „fullvalda" ríki að fá samþykki frá Brussel fyrir orkusamningi.

Fleira ljótt er að finna í frumvarpinu, t.d. um upplýsingaskyldu gagnvart Brussel um atriði sem eru viðskiptalegs eðlis og flokkuð sem trúnaðarmál. Frétt um frumvarpið má lesa hér.

Einnig má Framkvæmdastjórn ESB eiga áheyrnarfulltrúa í samninganefnd hins „fullvalda" aðildarríkisins.

Meðal dýrmætustu auðlinda okkar Íslendinga eru fallvötnin og jarðhitinn. Við setjum okkar orkulöggjöf sjálf.

Með Lissabon samningnum var Brussel veittur aukinn réttur til löggjafar á sviði orkumála. Er það gæfulegt fyrir þjóð, sem á svo mikla framtíðarhagsmuni undir orku, að flytja þetta vald úr landi?

Ef við villumst inn í Evrópusambandið er það hluti af „pakkanum" að afsala sér þeim rétti og fá skipanir sendar í pósti. Lissabon sáttmálinn sér til þess.

(Tekið héðan.)