Tveggja hraða Evrópa

Ein afleiðing fjármálakreppunnar sem kennd er við evru er að löndin 17 þar sem evran er lögeyrir munu auka og dýpa samstarfið sín á milli. Síðustu vikurnar er einkum spurt hversu stórt hlutverk framkvæmdastjórnin í Brussel fær við að útfæra tillögur sem Frakkar og Þjóðverjar hafa komið sér saman um og nefna samkeppnissáttmála.

Karlamagnúsdálkurinn í Economist segir þetta um þróunina undanfarið

In a different era, all this might have caused great worry in Britain and, as a result, generated even more tension within the EU. But the new British government, deeply hostile to further EU integration, seems content to stand aside even as the euro zone binds itself closer. If that means a two-speed Europe, so be it: Britain thinks its outer lane, presently inhabited by the likes of Poland and Sweden, is faster.

Auk Breta, Svía, Pólverja standa Danir utan evrunnar og nýverið tilkynntu Litháar að þeir ætla að fresta upptök gjaldmiðilsins.

Samfylkingin hefur reynt að ,,selja" Evrópusambandsaðild á forsendum evrunnar. Allar líkur eru á að evru-ríkin myndi harðkjarna ESB á meðan næstu nágrannar okkar, Danir, Svíar og Bretar mynda laustengdara bandalag.

Þjóðverjar endurmeta evru-verkefnið

Axel Weber Seðlabankastjóri Þýskalands átti að taka við starfi Trichet sem stýrt hefur Seðlabanka Evrópu. Í síðustu viku ákveð Weber að sækjast ekki eftir starfinu sem yfirumsjónarmaður evrusvæðisins. Yfirlýsing hans sendi höggbylgju um Evrópu. Leiðarahöfundur Wall Street Journal segir ákvörðun Weber til marks um að Þjóðverjar ætli að endurskoða í grundvallaratriðum afstöðu sína til evrunnar.

Viðtal er við Weber í Spiegel. Lykilmálsgrein viðtalsins er eftirfarandi

I indicated to her [þ.e. Merkel kanslara] in January that I did not want to take part in any package solutions, in the sense of linking concrete issues to personnel decisions (editor's note: It was expected that Merkel would have to make concessions on some euro-related negotiating points in order to get her preferred candidate Weber appointed as head of the ECB). I also made it clear to her that she is completely independent in her negotiations and should not feel committed on my account.

Yfirlýsing Weber bendir eindregið til að Þjóðverjar muni á næstu misserum segja við hin 16 ríkin sem nota evru að kostirnir séu aðeins tveir. Í fyrsta lagi að halda áfram með evruna á þýskum forsendum aðhalds og lágrar verðbólgu og það felur í sér gjaldþrot jaðarríkja. Í öðru lagi að tilrauninni með evru sé lokið.

 

 

Evrópa selur ekki - Já, Ísland

Aðildarsinnar hér á landi hafa hægt en örugglega sannfærst um að Evrópa/ESB höfðar ekki til almennings. Eftir því sem þjóðin verður upplýstari um Evrópusambandið verður hún fráhverfari aðild. Nafngift samtaka aðildarsinna tekur mið af því að vörumerkið Evrópa er ónýtt hérlendis. Einu sinni hétu þau Evrópusamtökin og síðar Sjálfstæðir Evrópusinnar. Í fyrra reyndu aðildarsinnar nafngiftina Sterkara Ísland sem minnti dulítið á annan minnihlutahóp í Sjálfstæðisflokknum fyrir seinna stríð.

Í dag var nýjasta heiti samtaka aðildarsinna kynnt og nú skal það vera Já, Ísland.

Já, Ísland er gott nafn og gæti verið upphaf að heilli hugsun hjá aðildarsinnum. Til dæmis: Já, Ísland utan ESB.

Heimssýn þakkar Já, Íslandi.

 

Aldrei fleiri Danir á móti evru

Ný skoðanakönnun í Danmörku mælir helming Dana á móti upptöku evru en 41 prósent fylgjandi. Andstaðan við upptöku sameiginlegs gjaldmiðils Evrópusambandsins hefur aldrei mælst meiri í Danmörku. Danir hafa í þrígang hafnað evru í kosningum, árið 1992 þegar Maastrict-sáttmálinn féll í þjóðaratkvæðagreiðslu, aftur árið 1993 og í þriðja sinn árið 2000 þegar greidd voru atkvæði um hvort gera ætti evru að lögeyri í Danmörku.

Forsætisráðherra Dana, Lars Lökke Rasmussen, sagði nýverið að til greina kæmi að endurskoða afstöðu Dana til evrunnar.

Berlinske Tidende segir ólíklegt að forsætisráðherrann leggi ferlilinn að veði fyrir evruna.

Atvinnurekendur; viðræður en ekki aðild

Félag atvinnurekenda stóð að könnun meðal félagsmanna sinna. Í frásögn Fréttablaðsins segir

Þegar kemur að ESB-viðræðunum segjast 58 prósent fylgjandi og 28 prósent andvíg. Varðandi inngöngu í ESB sagðist 41 prósent andvígt en 34 prósent fylgjandi á meðan fjórðungur tók ekki afstöðu.

Atvinnurekendur vilja viðræður en ekki aðild. Næst væri hægt að spyrja Félag atvinnurekenda hversu langar viðræður eru við hæfi og hvað þær mega kosta í peningum og mannafla.

Aðildarsinnar á mörgum kennitölum

Aðildarsinnar á Íslandi er duglegir að stofna með sér samtök. Ekki er langt síðan að Sterkara Ísland var kynnt sem regnhlífarsamtök aðildarsinna og undir þeirri regnhlíf áttu öll inn samtökin að eiga sér samanstað.

Íslenskir aðildarsinnar eru snjallir í að fjölga sjálfum sér með því að stofna stöðugt ný samtök með sama fólkinu.

Skiljanlega verður að fjölga samtökum aðildarsinna eftir því sem þeim Íslendingum fækkar sem vilja aðild að Evrópusambandinu. 

Evrópusinnuð samtök í samstarf

Þjóðverjar undirbúa uppgjör vegna evru

Axel Weber Seðlabankastjóri Þýskalands átti að taka við starfi Trichet sem stýrt hefur Seðlabanka Evrópu. Í síðustu viku ákveð Weber að sækjast ekki eftir starfinu sem yfirumsjónarmaður evrusvæðisins. Yfirlýsing hans sendi höggbylgju um Evrópu. Í dag er viðtal við Weber í Spiegel. Lykilmálsgrein viðtalsins er eftirfarandi

I indicated to her [þ.e. Merkel kanslara] in January that I did not want to take part in any package solutions, in the sense of linking concrete issues to personnel decisions (editor's note: It was expected that Merkel would have to make concessions on some euro-related negotiating points in order to get her preferred candidate Weber appointed as head of the ECB). I also made it clear to her that she is completely independent in her negotiations and should not feel committed on my account.

Yfirlýsing Weber bendir eindregið til að Þjóðverjar muni á næstu misserum segja við hin 16 ríkin sem nota evru að kostirnir séu aðeins tveir. Í fyrsta lagi að halda áfram með evruna á þýskum forsendum aðhalds og lágrar verðbólgu og það felur í sér gjaldþrot jaðarríkja. Í öðru lagi að tilrauninni með evru sé lokið.

 

Fundur með Jóni Bjarnasyni

Opinn fundur með Jóni Bjarnasyni sjávarútvegs- og landbúnaðarráðherra Ísafold, félag ungs fólks gegn ESB aðild heldur opinn fund nk. þriðjudagskvöld 15. febrúar kl 20:00.

Fundurinn verður haldinn í salarkynnum Háskóla Íslands, stofu 103 á Háskólatorgi.

Fundarstjórn annast Stefnir Húni Kristjánsson formaður Ísafoldar.

Samningsmarkmið ekki enn skilgreind

Íslensk stjórnvöld hafa ekki enn skilgreint samningsmarkmið sín gagnvart Evrópusambandinu þótt rúmt ár er síðan viðræður hófust. Orðvar sendiherra ESB á Íslandi, Timo Summa, vekur athygli á þessu atriði í viðtali við Fréttablaðið  laugardaginn 12. febrúar. Í samningsmarkmiðum umsóknarríkja eru brýnustu þjóðarhagsmunir skilgreindir. Af hálfu umsóknarríkis eru samningsmarkmiðin upphafið og endir umsóknarinnar. Ekki hjá íslenskum stjórnvöldum, sem virðast ætla sér inn í Evrópusambandið og finna út eftirá hvers vegna við fórum þangað inn.

Samfylkingin, sem ber ábyrgð á því að við sóttum um aðild, veit hversu mikilvægt er að skilgreina samningsmarkmið. Á landsfundi flokksins í nóvember 2003 var samþykkt að skipa nefnd um Evrópumál. Verkefni nefndarinnar var í fjórum liðum. Annar liður er eftirfarandi: „Skilgreina ítarlega hver helstu samningsmarkmið Íslendinga ættu að vera í aðildarviðræðum við Evrópusambandið með hliðsjón af stækkuðu Evrópusambandi."

Evrópunefnd Samfylkingarinnar skilaði aldrei neinum samningsmarkmiðum. Fram að hruni vann flokkurinn ekki í Evrópumálum en stökk á þau eftir október 2008 til að draga athyglina frá ábyrgð Samfylkingarinnar á hruninu. Það var ekki ígrundað mat á hagsmunum Íslands sem bjó að baki Evrópustefnu Samfylkingarinnar heldur var það pólitísk taktík sem knúði á um leiðangur til Brussel.

Undirbúningsvinna vegna aðildarumsóknar Íslands var í skötulíki og af því leiðir er ferlið allt á forsendum Evrópusambandsins, eins og Björn Bjarnason bendir á í leiðara Evrópuvaktarinnar.

Íslenska stjórnkerfið þjónar ekki hagsmunum þjóðarinnar í Evrópumálum. Embættismenn láta misnota sig í þágu flokkspólitískrar umsóknar. Stefán Haukur Jóhannesson aðalsamningamaður Ísland varð ber að himinhrópandi dómgreindarleysi á fundi nýverið þegar hann þóttist ekki vita að Ísland myndi greiða með sér inn í Evrópusambandið.

Ísland á aðeins einn kost í stöðunni og það er að draga tilbaka umsóknina um aðild að Evrópusambandinu.

Faglegur heiður embættismanna og ESB-áróður

Það er af sem áður var að embættismenn stjórnarráðsins létu sér annt um faglegan heiður sinn. Embættismenn utanríkisráðuneytisins láta sér vel líka aktygi Samfylkingarinnar og draga glaðbeittir áróðursvagn fyrir Evrópusambandsaðild. Aðalsamningamaður Íslands við Evrópusambandið er Stefán Haukur Jóhannesson og hann hefur að áeggjan Össurar Skarphéðinssonar utanríkisráðherra farið víða að selja aflátsbréf frá Brussel. Sannleikurinn er ekki alltaf með í för á fundum Stefáns Hauks.

 Á bloggi Jóns Baldurs L'Orange er sagt frá einum fundi þar sem kostnaður við aðild ber á góma. Aðalsamningamaður Íslands segist halda að við komum út á sléttu.

Um hvað það kostar að vera innan ESB – vitum það ekki. Hvað varðar reynslu Finna þá hafa þeir sum ár greitt meira til ESB en þeir fá en önnur ár öfugt svo þetta kemur nú kannski út á eitt.

Ísland mun greiða með sér í Evrópusambandinu, það er vitað frá árinu 2003 í það minnsta þegar gerð var skýrsla um málið fyrir utanríkisráðuneytið. Ástæðan er sú að Ísland liggur vel fyrir ofan meðallag í þjóðarframleiðslu aðildarríkja.

Dapurlegt er til þess að vita að aðalsamningamaður Íslands þekki ekki til grunnstaðreynda aðildar að Evrópusambandinu. Og svo er ætlast til að þjóðin treysti þessum embættismönnum að halda á hagsmunum sínum gagnvart Brussel.

(Byggt á þessu bloggi.)