Efasemdir í Brussel um ríkisstjórn Jóhönnu Sig.

Össur Skarphéðinsson utanríkisráðherra og stjórnarliðar hans í utanríkisráðuneytinu biðja ítrekað um frestun á aðlögun Íslands að regluverki Evrópusambandsins. Össur seldi ESB-umsóknina hér heima á þeim forsendum að reglur ESB um aðlögun umsóknarríkja samhliða samningaviðræðum myndu ekki gilda um Ísland. Eftir því sem líður á aðlögunarferlið verður erfiðara að kaupa meiri tíma hjá framkvæmdastjórninni.

Vaxandi efasemdir eru í Brussel og meðal stórþjóða Evrópusambandsins um að Ísland sé á leiðinni inn sambandið. Sendinefndir eru gerðar út frá París og Berlín til að kanna stöðu ríkisstjórnarinnar í Reykjavík.

Eina leiðin inn í Evrópusambandið er leið aðlögunar þar sem umsóknarþjóð aðlagar sig jafnt og þétt í aðildarferlinu að lögum og reglum Evrópusambandsins. Um 90 þúsund blaðsíður af laga- og regluverki ESB er aðlögunarverkið sem umsóknarþjóð eins og Ísland stendur frammi fyrir.

Aðildarsinnar reyna að telja þjóðinni trú um að samningurinn um Evrópska efnahagssvæðið, EES, sem Ísland er aðili að hafi þau áhrif að við séum jafnt og þétt í aðlögunarferli. Það er rangt.

Innan við tíu prósent af regluverki ESB er tekið upp í EES-samningunum.

Aðildarsinnar tala jafnan um áhrif Íslands í Evrópusambandinu ef til inngöngu kæmi. Ísland myndi fá þrjú atkvæði af 354 í ráðherraráðinu, eða 0,8 prósent vægi. Ísland fengi fimm þingmenn af 785 á Evrópuþinginu, eða 0,6 prósent áhrif.

Eftir því sem staðreyndir um Evrópusambandið verða betur kunnar aukast efasemdir hjá almenningi um að það sé sniðug hugmynd að þvæla Íslandi í sambandið.

(Tekið héðan.)

Viðskiptahindrun ESB gegn strandríkjum

Noregur kærir Evrópusambandið fyrir Heimsviðskiptastofnunni, WTO, vegna ólögmæts sölubanns á selaafurðir. Ríkisstjórn Íslands er klofin í málinu, Jón Bjarnason sjávarútvegsráðherra styður rétt strandríkja en Össur Skarphéðinsson utanríkisráðherra tekur málstað Evrópusambandsins, segir í frétt vefmiðilsins ABC.

Þau meginsjónarmið eru í húfi að strandríki áskilja sér rétt til að nýta sjávarfang á sjálfbæran hátt, sem m.a. felur í sér að ekki er gengið á stofna í útrýmingarhættu. Kanada styður kæru Norðmanna enda á landið hagsmuna að gæta sem strandríki. Ísland studdi kæru Norðmann en aðeins eftir að Jón Bjarnason sjávarútvegsráðherra tók fram fyrir hendur Össurar Skarphéðinssonar utanríkisráðherra sem vildi ekki valda gremju í Brussel.

Evrópusambandið brýtur gegn reglum WTO um frjáls viðskipti með því að setja einhliða sölubann á selaafurðir. Noregur getur kært Evrópusambandið þar sem landið stendur utan sambandsins. Ríki innan ESB geta ekki leitað leiðréttingar mála sinna til WTO þar sem Brussel sér um hagsmuni meðlimaríkja sinna gagnvart Heimsviðskiptastofnuninni.

Aðlögunin að ESB og áhrif Íslands

Eina leiðin inn í Evrópusambandið er leið aðlögunar þar sem umsóknarþjóð aðlagar sig jafnt og þétt í aðildarferlinu að lögum og reglum Evrópusambandsins. Um 90 þúsund blaðsíður af laga- og regluverki ESB er aðlögunarverkið sem umsóknarþjóð eins og Ísland stendur frammi fyrir.

Aðildarsinnar reyna að telja þjóðinni trú um að samningurinn um Evrópska efnahagssvæðið, EES, sem Ísland er aðili að hafi þau áhrif að við séum jafnt og þétt í aðlögunarferli. Það er rangt.

Innan við tíu prósent af regluverki ESB er tekið upp í EES-samningunum.

Aðildarsinnar tala jafnan um áhrif Íslands í Evrópusambandinu ef til inngöngu kæmi. Ísland myndi fá þrjú atkvæði af 354 í ráðherraráðinu, eða 0,8 prósent vægi. Ísland fengi fimm þingmenn af 785 á Evrópuþinginu, eða 0,6 prósent áhrif.

Björgólfur neitar fjárstuðningi við Áfram

Í bloggi í gær var spurt hvort Björgólfur Björgólfsson fyrrum eigandi Landsbankans styddi fjárhagslega Áframhópinn sem berst fyrir því að íslenskir skattgreiðendur ábyrgist útstandandi skuldir Landsbankans vegna Icesave-reikninganna.

Eftirfarandi skilaboð bárust frá talsmanni Björgólfs í tilefni af blogginu.

Í pistli á heimasíðu Heimssýnar eru vangaveltur um að Björgólfur Thor fjármagni baráttu Áfram-samtakanna. Enginn fótur er fyrir þessu og er hér með farið fram á að pistillinn verði dreginn til baka.

Með kveðju, Ragnhildur Sverrisdóttir
Talsmaður Björgólfs Thors Björgólfssonar og Novators

Pistillinn verður vitanlega ekki dregin tilbaka enda fullkomlega lögmætum spurningum varpað þar fram.

Björgólfspeningar til Áfram?

Auglýsingar í fjölmiðlum síðustu daga gefa til kynna að Icesave-sinnar gangi að fjármagni vísu. Forsvarsmenn hópsins neita að gefa upp hverjir greiða auglýsingarnar en segjast ætla að gera það eftir þjóðaratkvæðagreiðsluna 9. apríl. Fjármögnun áróðursherferðarinnar er vekur upp spurningar um hverjir græði helst á því að almenningur samþykkir Icesave-lögin. 

Viðskiptafélagi Björgólfs Björgólfssonar aðaleiganda Landsbankans sáluga, Vilhjálmur Þorsteinsson, er í Icesave-hópnum sem kennir sem við Áfram.  

Óreiðumenn Landsbankans fá aflátsbréf ef skattborgarar ábyrgjast greiðslur til Breta og Hollendinga vegna Icesave reikninga bankans. Bresk lögreglurannsókn á óreiðumönnunum og hvernig þeir fóru með illa fengið fé eru viðbótarrök fyrir því að Íslendingar segi nei við ríkisábyrgðinni þegar Icesave-lögin koma til þjóðaratkvæðagreiðslu 9. apríl.

Ríkisstjórn Jóhönnu Sig. er úti að aka í afstöðu sinni til ríkisábyrgðar á óreiðumönnum. Ríkisstjórnin lét Breta og Hollendinga beygja sig til að ábyrgjast einhliða útgreiðslu þessara ríkja til innistæðueigenda Icesave-reikninganna. Ríkisstjórnirnar í London og Haag stóðu frammi fyrir því að bankakerfi þeirra var komið að hruni í nóvember 2008 og endurgreiðslan var örvænting, sem er skiljanleg en getur aldrei verið á ábyrgð íslenskra skattgreiðenda.

Rétti tíminn til að ræða við Breta og Hollendinga um endanlegt uppgjör á Icesave-málinu er þegar kurlin eru öll komin til grafar - gjaldþrotaskiptum Landsbanka lokið og niðurstöður sakamála liggja fyrir.

Með því að segja nei 9. apríl er engum dyrum lokað. Já þýddi aftur á móti að skuldasnaran væri komin um háls okkar.  Gerum ekki þau mistök.

Bókhaldið lagt fram þegar Icesave-kosningin er búin

ESB, Icesave og ástæðan fyrir nei-i

Evrópusambandið er að þróast hratt í átt til þess að verða Bandaríki Evrópu. Þjóð, sem telur 300 þúsund manns hefur minni áhrif í 500 milljóna manna Bandaríkjum Evrópu heldur en Árneshreppur á Ströndum hefur í íslenzkum þjóðmálum.

Evrópusambandið er líka að breytast í varnarbandalag gamalla nýlenduvelda til þess að halda einhverjum áhrifum á heimsvísu frammi fyrir risi nýrra efnahagsvelda í Asíu og Suður-Ameríku. Við höfum verið nýlenda en ekki nýlenduveldi og eigum ekkert erindi í að verja undanhald þeirra.

Evrópusambandinu er stjórnað af 2-3 gömlum stórveldum, sem eru vön að kúga smærri þjóðir. Þær eru nú að kúga Grikki, Íra og Portúgala. Það er ekki eftirsóknarvert hlutskipti fyrir okkur að bætast í þann hóp.

Evrópusambandið hefur áhuga á Íslandi vegna þess, að Ísland mun sitja við borð þjóðanna, sem stjórna umferðinni um Norðurslóðir. Án Íslands hefur Evrópusambandið enga aðkomu að því borði. En gangi Ísland í Evrópusambandið munu ráðamenn í Brussel sitja þar í stað Íslendinga sjálfra, Þess vegna eigum við ekki að ganga í Evrópusambandið.

Og þar að auki missum við formleg yfirráð yfir fiskimiðum okkar og höfum ekki lengur í eigin höndum samningsumboð við aðrar þjóðir um deilistofna á Atlantshafi.

Við undirstrikum líka upphaflegt hlutverk flokks okkar með því að hafna Icesave. Þegar allar umbúðir hafa verið teknar af því deilumáli snýst það um viðleitni gamalla nýlenduvelda til þess að kúga smáþjóð. Frakkar og Þjóðverjar eru um þessar mundir að kúga Íra. Bretar og Hollendingar eru að reyna að kúga okkur Íslendinga.

(Tekið héðan.)

Portúgal stundar fjárkúgun gagnvart ESB

Portúgal er gjaldþrota að öllu leyti nema nafninu til. Það vita Portúgalar sjálfir og Evrópusambandið. Báðir vita líka að verði Portúgal gjaldþrota verður bankahrun í evrulöndum og sjálf evran í hættu sem sameiginleg mynt 18 ESB-ríkja.

Portúgal má ekki verða gjaldþrota, annars vegar vegna þess að það myndi skapa fordæmi fyrir ríki eins og Grikkland og Írland sem hvorugt eiga fyrir skuldum og hins vegar vegna þess að við gjaldþrot Portúgals yrðu bankar í Þýskalandi og Frakklandi að afskrifa milljarða evra.

Peter Oborne blaðamaður á Telegraph vekur athygli á fjárkúgun Portúgala gagnvart Evrópusambandinu. Í reynd segja Portúgalar við Brussel: við erum til í að láta bjarga okkur frá gjaldþroti en aðeins á okkar forsendum. Að öðrum kosti förum við í gjaldþrot - og þið með.

Efast um að Portúgal þurfi aðstoð

Nuuk, Þórshöfn og Osló á undan Brussel

Þjóðin er með stjórnarráð á framfæri sínu til að efla sameiginlega hagsmuni þjóðríkisins. Þótt margvíslegar skilgreiningar séu á þjóðarhagsmunum er ein almennt viðurkennd og það er að nærumhverfi þjóðríkja er hluti af hagsmunum þeirra. Á þessum grundvelli var landhelgisbaráttan háð á sínum tíma.

Rétt utan landhelgi Íslands eru tvö grannríki sem eiga margvíslegra hagsmuna að gæta og Íslendingar. Grænlendingar og Færeyingar eru líkt og við fiskveiðiþjóðir og náttúruauðlindir á Norður-Atlantshafi, aðgengi að þeim og nýting, er brýnt hagsmunamál. Lengra í vestri er önnur þjóð með sambærilega hagsmuni, Norðmenn.´

Norðurslóðir eru að breytast vegna hnattrænnar hlýnunar. Breytingarnar eru þegar hafnar, samanber að fiskitegund eins og makríll gengur í íslenska lögsögu í meira mæli en áður og skapar verðmæti en jafnframt milliríkjadeilur. Stjórnvöld eru aftur á móti upptekin við annað en að gæta brýnna þjóðarhagsmuna. Milljörðum ofan á milljarða króna og tugum mannára í stjórnsýslunni er eytt í tilgangslausa slæpingjaferð til Brussel.

Nuuk, Þórhöfn og Osló eiga að vera þungamiðjan í íslenskri utanríkispólitík. Þar á eftir Washington, Moskva, London, Ottawa, Stokkhólmur og Kaupmannahöfn. Á eftir Berlín og París kæmi Brussel.

(Tekið héðan.)

Össur vill fórna kvótamálinu fyrir ESB

Össur Skarphéðinsson utanríkisráðherra gerir hosur sínar grænar fyrir aðildarsinnum í Sjálfstæðisflokknum enda er ríkisstjórn Samfylkingar og Vinstri grænna komin að fótum fram. Össur notar stundum Gísla Baldvinsson bloggara til að viðra hugmyndir sínar.

Í bloggfærslu í dag segir Gísli að Davíð Oddsson hætti brátt sem ritstjóri Morgunblaðsins og Þorsteinn Pálsson leysi hann af hólmi. Útgerðamenn eru sterkir í eigendahópi Morgunblaðsins og Össur ímyndar sér að Þorsteinn njóti velvilja þeirra þar sem hann einu sinni var sjávarútvegsráðherra og þar áður formaður Sjálfstæðisflokksins á undan Davíð. Mest um vert fyrir Össur er þó að Þorsteinn er aðildarsinni og starfar sem slíkur fyrir Össur í samninganefnd utanríkisráðuneytisins.

Tilboð Össurar til sjálfstæðismanna er að Samfylkingin hætti við breytingar á fiskveiðistjórnunarkerfinu gegn því að fá stuðning við að koma Íslandi inn í Evrópusambandið.

Össur telur sig vera í samningsstöðu enda ekki með allt niðrum sig. Eller hur?

Atli er trúr stefnu Vg

Stefnuskrá Vinstrihreyfingarinnar græns framboðs frá árinu 1999 með áherðingum 2003 og 2005 hljómar svona

Samskipti við Evrópusambandið ber að þróa í átt til samninga um viðskipti og samvinnu, m.a. á sviði menntamála, vinnumarkaðsmála og umhverfismála. Hugsanlegur ávinningur af aðild Íslands að Evrópusambandinu réttlætir ekki frekara framsal á ákvörðunarrétti um málefni íslensku þjóðarinnar og er aðild að Evrópusambandinu því hafnað. Hagsmunir fjármagns og heimsfyrirtækja eru í alltof ríkum mæli drifkraftar Evrópusamrunans, miðstýring, skrifræði og skortur á lýðræði einkennir stofnanir þess um of.

Flokksstofnanir Vinstrihreyfingarinnar græns framboðs hafa ítrekað ályktað gegn aðild Íslands að Evrópusambandinu eftir að flokkurinn hóf þátttöku í ríkisstjórn og hvatt trúnaðarmenn sína að standa vaktina fyrir fullveldinu.

Atli Gíslason þingmaður Vg á Suðurlandi er trúr stefnu flokksins þegar hann segist ekki lengur geta stutt aðlögunarferli Íslands að Evrópusambandinu sem utanríkisráðherra Samfylkingarinnar hefur þvingað fram.

Ákveðin þversögn í kröfu um afsögn